Dom harei ini, di dom palei Cam dalam xã Phước Ninh, huyện Thuận Nam, tỉnh Ninh Thuận, rilo menuac rami ramik bruk hit piah nao tal ủy ban bhap bini xã iek danh sách cử tri. Daok dom puk palei, dam dara saong mikva urang ngak nong chreih chrai hu mbaok tame bruk duah thau ka bầu cử mbang ini kayua Kapul dam dara saong kapul urang nong peih tabiak. Grauk dom jalan hu urang Cam daok, jeng hu  băng-rôn, khẩu hiệu sambo màu meriah bhong salam uan, jak ba ka bruk pilih ruah. Mikva Cam pataom gauk duah thau ka Hukum pilih ruah urang ka Quốc hội saong Hội đồng bhap bini, duah thau ka tiểu sử saong danak dak ngak bruk di dom urang tabiak ứng cử Hội đồng bhap bini. Meng ini tal harei bầu cử, Phước Ninh daok pataom tame bruk pathau khan, jak ba piah ka cử tri thau cambaih quyền saong nghĩa vụ di drei. Ông Lê Xuân Hoàng, akaok Uỷ ban Mặt trận negar xã Phước Ninh, huyện Thuận Nam, tỉnh Ninh Thuận brei thau:

Lingiu di bruk nao tal sang jak ba bhap bini Chăm duah thau ka hukum bầu cử, karja palei daok hu pambuak bruk haong urang hu angan je dalam palei piah pathau khan. Ong Thiên Sanh Quận, akaok mBan adat cambat tanarakun palei Hiếu Thiện, xã Phước Ninh, huyện Ninh Phước, tỉnh Ninh Thuận khan lac:

 Lingiu bruk pathau khan meng sap phổ thông, asal kadha ka bruk bầu cử daok hu xã Phước Ninh lang tapa sap Cam ba mai siam lagaih jang ka bruk pathau khan. Meng jalan ngak ini, tal urak ini, bhap bini dalam xã jeng thau hu makna praong glaong di bruk bầu cử.Urang daok caik hatai jia, hatai caong bahrau tame dom urang lambaok kayua drei pilih ruah. Sa-ai Hàm Thị Thanh daok di palei Vụ Bổn, xã Phước Ninh, huyện Thuận Nam, tỉnh Ninh Thuận lac:

Bruk bầu cử mbang ini, cử tri xã Phước Ninh hu pilih ruah Hội đồng bhap bini xã hu  25 urang dalam 40 urang tabiak ứng cử. Piah ngak ka cử tri pachreih tui saong hu mbaok ginup piah pilih ruah, piah ka bruk pilih ruah urang ka  Qưốc hội mbang 14 saong Hội đồng bhap bini dom pakat tukvak 2016 -2021 gam lac mbang sinh hoạt chính trị praong dalam, gam lac harei roya di bhap bini, xã Phước Ninh hu peih danak dak daoh tamia bhap bini Cam pablak  tame bruk pathau khan, jak ba bầu cử, ieu cử tri nao pilih ruah, brei thau ka harei pilih ruah, labik buh phiếu, tukvak plaik phiếu…

Meng bruk kuhria caga biak tani tanat yau ini, cử tri xã Phước Ninh meda patagok hu quyền ngak po di drei tapa hala phiếu di drei piah pilih ruah tabiak dom urang  xứng đáng lambaok ka bhap bini dalam dom jabat dân cử./.