Talang raong saong talang đĩa đệm nyu sit ka-iu nan lac bruk sit ka-iu dom thành phần di talang raong yau ye: nhân nhầy saong vòng sợi đĩa đệm, rak, dom khớp sit, mâm sụn saong talang raong. Taong abih dom kadha rah tabiak dahlau di nan, camereip di abih nyu ngak brei pandik talang raong, yaom lac oh ka tablait vị đĩa đệm. Tablait vị đĩa đệm nan nyu mai meng ruak sit ka-iu talang - sụn talang raong bo tổn thương aval di abih nyu rah tabiak di nhân nhầy đĩa đệm. Dom tal di vòng sợi nyu klaoh, jaoh, tahak atau oh daok co giãn hu, ngak brei nhân nhầy nyu tablait tabiak truh labik di nyu. Bruk tablait tabiak nan meda kateik khang tal màng cứng, katek tagok rak thần kinh atau kateik khang tagok tủy. Hu rilo jalan piah pasiam ruak tablait  vị đĩa đệm.  

  Pasiam ruak tui jalan khik ramik: Meda ndom lac, rilo urang ruak tablait vị đĩa đệm hanjhul meda pasiam ruak tui jalan khik ramik. Min dom jalan khik ramik yau: padeih padei, mbang huak, ndik daok mbiah, ginup, menyum jru, châm cứu, pasram rup pabhap, vật lý trị liệu, phong bế thần kinh, chích xơ, nắn bóp... oh njauk lac tuk halei jeng ba mai siam mekre yau hatai caong, abih di nyu nan lac di dom urang ruak hu talang raong sit ka-iu trak ba tal bruk kateik angaok tủy saong kateik tagok rak thần kinh. Tuk bruk iek ruak tui jalan khik ramik oh ba mai siam lagaih, tuk nan urang ruak brei pasiam ruak tui jalan can thiệp ngoại khoa. Dalam can thiệp ngoại khoa, y học parabha jeng 2 janih: sang thương saong vi sang thương.

  Blac riah: jalan ngak ini hu ba tabiak ngak meng di thun 1934 saong mbiah tal harei ini jeng daok hu ngak tui rilo, lingiu dom urang ruak hu gam janih ruak karei oh brei blac raih. Blac raih nyu ngak khut meneing dom cấu trúc bình thường di talang raong, ngak yếu talang raong, laka hadei di tuk blac raih meda ngak brei cadu catang talei thần kinh, nhiễm trùng labik blac raih. Urang ruak bhian huac blac raih. Biak yau nan, ngan saong ruak sit ka-iu vị đĩa đệm talang takuai, oh njauk lac menuac ruak huac blac raih, bo dom urang blac raih daok takik ilamu jeng huac lac tuk blac raih meda ngak khut rak darah praong, ngak khut thực quản, khí quản, dom kadha oh siam hadei di tuk blac raih yau ye:  luan kan, ndom oh cambaih kayua brah atau kayua rak thần kinh nyu tableik tame...

  Pasiam ruak tui jalan vi sang thương: Meng bruk patagok siam dom ilamu dalam gah iek ruak, rilo jalan pasiam ruak takik gaok tame atau daok ieu lac vi sang thương hu ba tame ngak yau: paralai nhân nhầy meng jru, cakak njuk đĩa đệm tapa klik, cakak klaak đĩa đệm nội soi tapa klik, giảm áp đĩa đệm meng laser tapa klik, paralai nhân nhầy meng Ozon tapa klik, ngak pandiak dalam đĩa đệm; ngak jeng nhân tủy meng riyak Radio.

Yaok jalan ngak gah lingiu tui vi sang thương jeng yau blac raih jeng hu dom siam lagaih saong oh siam lagaih di nyu. Bruk njauk biai nan lac gru jru brei khan ka urang ruak thau cambaih dom siam lagaih jeng yau dom kadha oh siam lagaih di yaok jalan ngak, daong ka urang ruak hu hatai jia tame jalan ngak bo drei pilih ruah.

  Giảm áp đĩa đệm talang raong meng laser tapa klik (vak katut lac PLDD, sap Anh Percutaneous Laser Disc Decompression) lac sa jalan can thiệp vi sang thương hu Choy saong Ascher ba tabiak saong peih ngak mbang camereip di thun 1986 pak negar Áo. Patui di nan, nyu hu FDA di negar Mỹ brei adat ngak tui. Tui maong mboh di kol dahlak, jalan ngak PLDD bhian hu siam mekre tani tanat hadei di 4 - 5 bilan, tukvak hadei di nan nyu tani tanat rilo jang, kadha ini jeng hu makna lac nyu samu haong bruk salih mô sinh học dalam đĩa đệm hadei di tukvak tương tác di laser.

 Min ngan saong thoát vị đĩa đệm, kadha camereip di abih jeng lac pasiam ruak tui jalan khik ramik. Tuk iek ruak tui jalan ini oh ba mai siam lagaih, njauk salih tapa jalan vi sang thương. Tuk iek ruak tui jalan khik ramik atau tui sa kadha halei nan di jalan vi sang thương yau ndom angaok nan bo mboh oh siam lagaih ye blac raih nan lac jalan ngak siam di abih daong ka urang ruak./.