Quảng Nam ramik psiam mo hinh Dinh Trấn Thanh Chiêm mengkan

Pathau mikva saong grauk yut!

Barau ini, inem mek “Dinh trấn Thanh Chiêm” di xã Điện Phương, ban sit Điện Bàn, tỉnh Quảng Nam hu mintri ilimo, padhih saong Du lich brei angan inem mek pakat negar. Dinh trấn ini hu maong lac kinh đô ka dua, lac pasak chinh tri, quan su , kinh te saong ilimo negar dalam, hadei Phú Xuân di po patao Nguyễn. labaih 415 thun nao tapa, Dinh Trấn danei angan urak ini jeng phế tích. Tỉnh Quảng Nam daok tabiak bruk padang veik mo hinh Dinh trấn Thanh Chiêm jeng sa libik ravang mein du lich. Urang vak Đình Thiệu saong Hoài Nam daok di bhum kreh negar hu kadha vak brei thau:

        Dinh trấn Thanh Chiêm daok hu angan ieu karei lac Dinh trấn Quảng Nam, Dinh Chiêm, Dinh Chàm... hu patao Tiên Nguyễn Hoàng brei padang di thun 1602 saong jao ka dom Hoàng tử khik iek. Dinh trấn Thanh Chiêm peih akaok ka bruk cakrok hadah hadai di negar dalam; hu maong lac kinh đô ka dua, lac pasak chinh tri – quan su – kinh te saong ilimo hadei Phú Xuân di Chúa Nguyễn. Dinh trấn ini hu rilo urang alamu lac pasak piah dom urang truyền giáo phương Tây mai roh duah, saheng tabiak saong padang akhar Quốc ngữ dahlau abih di taneh ia drei. Labaih 415 thun nao tapa, Dinh trấn danei angan sa tukvak urak ini gaok lam tame haluk tok daok kandon dom dấu tích ye: Baha Long Hưng, Đình làng Thanh Chiêm... Ông Nguyễn Trọng Trí, akaok palei Thanh Chiêm, xã Điện Phương, ban sit Điện Bàn mboh hadah mbaok meta tuk ndom ka Dinh trấn Thanh Chiêm: Kol dahlak lac urang bhapbini dalam palei biak hadah mbaok meta saong chreih bui hu karja brei adat Dinh trấn Thanh Chiêm ngak inem mek pakat negar. Mehit lac brei ngak biểu tượng ramik pasiam sa binah halei di Dinh trấn , nan lac bruk biak uan tabuan saong hadah mbaok meta.

Barau ini, Sở ilimo padhih saong du lich tỉnh Quảng Nam pambuak bruk saong uy mban bhapbini ban sit Điện Bàn, tỉnh Quảng Nam hu quy hoach sa labik dalam dalam nan hu brei thau lac Dinh trấn meng kan jaik 12 rabau m2 piah khik ramik saong patagok yaom di inem mek Dinh trấn Thanh Chiêm. Tui kuhria, di ini meda ngak veik libik Hành cung Dinh trấn mengkan, libik parang iek kaya pandap, tư liệu, bia cih inem Dinh trấn Thanh Chiêm saong biểu tượng akhar quốc ngữ rik daong brei thau libik Dinh trấn Thanh Chiêm di jalan patagok negar dalam. Langiu nan, dalam libik Thanh Chiêm daok 10 dấu tích Dinh trấn mengkan hu khoanh libik tọa độ tui bản đồ hiện trạng piah ba tame khik caga, ramik pasiam.  Ông Hồ Xuân Tịnh, Phó Giám đốc Sở ilimo padhih saong du lich tỉnh tỉnh Quảng Nam brei thau: Ngan saong sa phế tích khảo cổ học, bruk khik ramik biak kan kandah, kayua di mbaok haluk oh hu hagaiyt. Caong ramik veik atau ngak veik lac njauk maong tame tư liệu hu blaoh. Anak meta meda padang bia ghi dấu Dinh trấn Thanh Chiêm, sang parang iek Dinh trấn saong akhar quốc ngữ. Công trình ka dua kol dahlak sahaneng jeng njauk padang, nan lac rup patau pok meyaom akhar quốc ngữ, dalam nan hu gam dom giáo sỹ phương Tây, gam urang Việt Nam hu rik daong pren tame bruk dak padang saong patagok akhar Quốc ngữ mbiah tal harei ini. 

Ông Nguyễn Xuân Hà, Phó akaok uy mban bhapbini ban sit Điện Bàn, tỉnh Quảng Nam brei thau, uy mban bhapbini ban sit Điện Bàn saong Sở ilimo, padhih saong Du lịch tỉnh Quảng Nam pambuak bruk padang ngak inem mek Dinh trấn Thanh Chiêm jeng libik padheih takai barau di tuai damuai./.

Thúy Linh