Adei Giàng Thị Mỷ, daok di bản Trống Gầu Bua, xã Hồ Bốn, huyện Mù Cang Chải, tỉnh Yên Bái, lac anek kacua  dalam sa boh sang hu 4 adei saai. Mỷ hu rilo mbang khin klaak bac meteh dhi kayua sang biak kan kandah, oh hu jien piah blei harak tapuk, khan aow. Amaik adei bhian ruak kik .Oh hu thei  iek glang dom adei di Mỷ.  Lingiu di nan,  sang Mỷ dok biak atah di sang bac. Yaok harei adei medeih meng 4 tuk meteh piah nao tal sang bac. Bac sa var mesup, min mbiah tal 3 tuk bier harei, Mỷ meng mai tal sang.

Taduan hu bruk dong meng Quyết định 85 di Thủ tướng rajaei, Mỷ mboh trun hu kan kandah, kham merat bac da-a. Thun bac bahrau ni, MỸlac anek saih tal bac 9, sang bac bangsa gam bac gam dok Tiểu học song Trung học cơ sở Hồ Bốn, huyện Mù Cang Chải.

Sang di Hờ A Khua, anek saih tal bac 4b, daok atah sang bac Tiểu học Chế Cu Nha jiak 8km. Dahlau deih, sang bac oh ngak lisei huak, adei kham merat biak rilo meng nao hu tal sang bac hadei di tuk padeih puac adit. Yaok puac adit, adei mai sang piah caga brah, pandap mbang meng sang tagok lán trọ jiak sang bac brei ka adit bac patui di nan.  Min oh njauk lac adit halei adei jeng hu ginup pandap mbang, kayua sang hu rilo menuac song lac sang kan kandah. Urak ni hu mbang, dok di labik, var lisei jeng hu chất lượng jang, Hờ A Khua biak bui sambai: “ adei oh gam dok yau dahlau deih, lisei di sang bac bingi jang di sang” .

Giàng Thị Mỷ song Hờ A Khua tok lac 2 dalam yaok ribau anek saih huyện bhum ceik Mù Cang Chải hu mbang tui meng Quyết định 85 di thủ tướng rajaei. Meng hu bruk dong ni, dom adei hu tuk vak bac da-a rilo jang, oh dok kuhria ka var mbang, ka labik ndih hadei di yaok var bac bloh yau dahlau deih.

Anai gru Nguyễn Thị Kim Thanh, Hiệu trưởng sang bac Tiểu học Chế Cu Nha brei thau: “ Tuk hu bán trú, dom adei hu trun ni dok, hu cei gru, anai gru brei mbang menyum ginup, dom adei tagok kilo, rup pabhap biak siam. Dahlau deih meda lac dom adei oh ginup dinh dưỡng, trun ni mboh adei halei jeng hu rilaow drah.

Peih ngak danak dak tal bac  bán trú ka anek saih bhum ceik tui Quyết định 85 di thủ tướng rajaei, thun bac dahlau, huyện Mù Cang Chải hu labaih 5.400 anek saih tiểu học song Trung học cơ sở taduan hu bruk dong ba, ngan song yaom jien 460 ribau đồng sa bilan ka sa anek saih song tuk vak dong lac 9 bilan dalam sa thun. Meng nan, patrun bruk anek saih klak bac kayua rai duik kan kandah, patrun naong trak ka dom boh sang kan , abih di nyu nan lac kan kandah meng hu anek kamuan nao bac. Tamat thun bac 2015–2016, jiak 30% anek saih bhum ceik Mù Cang Chải mek hu khá joi dalam bruk bac daa./.