Pathau mikva saong taong abih gauk! Harei ini oh daok ralo amaik ranaih umo thau daoh ru, dalam tuk ru anek oh lac ragu daoh saoh bo nyu daok ndung bak hatung hatian, hatai anit ranam di urang amaik, lac sa jalan piah raong hatai jai uranaih, jalan pato pakai mbuan njom tame baoh hatai anek menuac. Meng panuac ru lai la-an tabiak meng hatung hatian di drei, urang amaik raong anek dak harei dak jat gheih. Danak dak harei ini, kol drei gam duah thau ka ragu ru ún daok ieu lac ru anek di urang Mường.  

Đoạn nhạc: Ru ún..

Meng bloh nan lac sap daoh ru di saai Đinh Kiều Dung, daok di palei Xóm Bo, xã Kim Bình, huyện Kim Bôi, tỉnh Hòa Bình, urang hu hatai biak takre ragu daoh bhap bini Mường. Ngan saong saai, dom panuac ru bingi pang, lai la-an nan oh lac eng nyu bo hu:

 “Drei mboh drei biak patuah meng tuk daok sit hu pang ong muk, amaik ame, adei sa-ai di drei daoh dom ragu daoh bhap bini, drei mboh nyu biak lai li-an biak bingi pang saong hu pang sap daoh ru di amaik mboh nyu lai la-an  lo dak pang dak mboh bingi. Tuk praong tagok thau khik iek adei drei hu plah tui ong muk, amaik ame daoh ru ka adei ndih. Praong tagok drei hu mbaok tame ngak bruk dalam bol bala, ngak gah daoh tamia min tuk nan oh daoh ragu daoh bhap bini bo daoh dom kadha daoh barau, yau nan min dom ragu daoh bhap bini di palei drei oh var hu”.

Lac “Ru Mường” nan lac sa jalan pato pakai kayua: panuac ru lac dom panuac pato padar anek bhik diuk rai siam, thau angaok thau la, thau anit ranam puk paga, palei negar. Thau hu abih makna di panuac ru meng thau cambaih jalan ngak menuac – nan lac panuac di amuk Đinh Thị Thêu, daok di palei Xóm Bo, xã Kim Bình, huyện Kim Bôi, tỉnh Hòa Bình – sa nghệ nhân hu sap daoh ru bingi pang, lai li-ar. Amuk khan lac:

“Dom amuk nao hội diễn di huyện, dom amuk daoh ru anek gah ala khán giả hia biak ralo. Thei thau kadha daoh ru meng njom tame dalam hatai, dom amuk phụ họa meng động tác njom dalam hatai menuac nan ye khán giả ralo urang  mboh tanjaoh ia meta”.

“Ru ún” daok lac ru anek di bangsa Mường jeng hu 3 janih. Janih ru anek tuk harei. Janih ru anek tuk melam saong janih ru anek oh lac daoh di tuk ru bo daok daoh di tuk karei. Urang daoh tuk ini lac nyim panuac daoh piah ndom tal hatai anit ranam halei nan di drei, meda lac “blah thông điệp” payua tal urang pang”.

“Drei ranam anek, ranam taco, brei anek taco mbang, daok min anek taco huak lisei oh daa drei nan ye drei tủi thân klak nao. Anek medeih tagok oh mboh amaik nan ye nao duah amaik yau anek hươu, anek lisa dalam glai. Amaik daok ganaong miat, anek ndom miat meng mai sang. Yau nan, nyu biak anit ranam, njom tame dalam hatai anek menuac”.

Ganaong nan, mbuah nan min tuk halei jeng sahneng tal dom urang anek di drei. Nyim bruk sâu sắc di ragu daoh bhap bini piah pato anek thau jalan ngak menuac. Bruk siam di abih, njom tame dalam hatai di abih di ru Mường nyu daok pak labik nan.

Urak ini, hu biak takik amaik ranaih umo lac urang Mường daok ru anek meng sap Mường, kol anek naih nyu takik hu ba drei tame dalam panuac daoh ru bingi pang di amuk, di amaik, nan lac sa bruk thiệt thòi oh sit.

          Nhạc:………….

Pathau mikva saong taong abih gauk! Ragu daoh bhap bini Mường – sa inem krung ilamu hu yaom glaong di urang Mường, lac bruk hadah mbaok meta di sa bangsa. Min, hu oh takik anek naih Mường urak ini oh thau, oh takre sap daoh, ragu ru Mường, kayua halei yau nan? Dalam kadha ini adit hadei, kol drei duah thau saong tui pang dom panuac ndom di dom urang daok suh sah haong bruk khik ramik saong patagok ilamu Mường./.