Jasi
Ong Sơn khan lac, thun 1999 sang ong meng yam tame bruk raong hadang sú, tuk akaok mereip raong takik. Yau nan min, thun 2005, lac thun kan kandah biak biai ka yaok sang raong hadang di Ninh Thuận, kayua bruk raong hadang sú njauk ruak phấn mbong ba tal metai abih. Tuk nan, ralo sang raong khat lahik trak. Dom baoh sang njauk klaak danao saong salih tapa ngak bruk karei, saong ong Sơn jeng lac sa dalam dom urang nan. Hadei di ralo melam saneng, thun 2006, ong kham merat pasiam veik danao, meng hadang sú salih tapa raong hadang thẻ takai mbong. Biak tatuak drei lac, hadei di labaih 3 bilan mong iek, ngan haong mblang taneh 2ha hu ba mai kein laba labaih 200 triệu đồng”.
Ong blei dom mblang taneh danao klaak saoh saong blei veik dom baoh mac menyek klak bo mikva pablei haong yaom lap piah duh ka bruk raong hadang. Dom thun hadei di nan bruk raong hadang hu mbuan laghaih, yaom pablei glaong nan ye ong hu laba ralo. Yaok thun ong blei meng 2 tal 3ha, patagok mblang taneh raong hadang jaik 50ha. Urak ini, kuhria rah tapa năng suất hu meng 12 – 15 tấn/ha, yaom pablei trun tagok meng 110.000 – 150.000 đồng/kg, kaoh abih jien buh tame, yaok thun laba hu jaik 30 tỷ đồng.
Dut haong dom baoh sang raong kaya ikan karei karei, ong Sơn hu jien mek tame glaong jang, lac urang nao dahlau dalam bruk ba ilamu khoa học tame bruk raong hadang. Ong Sơn ndom lac, bhap bani dahlau diah bhian raong hadang tui jalan meng kan tok raong 2 – 2,5 bilan ye mek pablei. Jalan raong ini oh lagaih, sản lượng tok hu 100 drei/kg, ba tal jien mek tame di bhap bani oh glaong. Ngan hoang ong Sơn, ong pandar jalan raong dui atah jang 3 bilan meng mek pablei, sản lượng mek hu meng 50 – 60 con/kg. Piah ngak hu bruk ini, kadha praong di abih lac ngak ka ia dalam danao nyu hacih, oh caik ka nyu njom nerak. Jalan ngak ini hu daong ka ong jak jeng dalam dom thun tapa. Hadei di tuk hu kein laba, yaok pluh sang di puk palei, dom sang di labik karei ba gauk mai bac megru ilamu kỹ thuật saong raong hadang mek hu kinh tế glaong.
Langiu di bruk raong hadang, ong Sơn daok peih đại lý pablei salih pandap mbang ka hadang. Tapa nan caga hu pandap mbang, saong daok hu daong ka mikva dalam palei tui jalan bayar hadei bo oh mek jien jhung. Langiu di nan, ong daok hu tacei jalan raong hadang ka dom sang oh ka thau ilamu kỹ thuật. Ong Sơn hu pamedaih tagok bruk raong hadang di mikva labik ini, tal urak ini hu labaih 100 sang di xã Phước Dinh mai veik haong bruk raong hadang saong raong prong.Bahrau di ini, ong blei 3ha taneh pala dom phun kandiuk, la-u, lahong, pa-aok, panat, taong abih dom phun ini daok tamuh siam saong tui kuhria, dom thun hadei ong meda pambuak bruk raong limo, pabe, pabo piah patagok jien mek tame.
Kadha “Urang ngak hamu caong thau: adit ini tal ini likau padeih. Kadha ini kayua Rayo sap ndom VN pambuak haong Pasak pachreih nong negar ngak./.
Viết bình luận