Raong limo binai payeng di Phước Hòa, Bac Ai

         Meng thun 2009 tal ini, bruk “raong limo lap” Kayua kapul urang dahlau thaih ngak bol lin xã Phước Hòa, huyện Bác Ái, tỉnh Ninh Thuận peih ngak hu rik daong jhul paglaong kinh te sang, daong hội viên patagok jien mek tame, yam tagok patruh kathaot. Kadha vak ala ini di Nguyễn Trung vak di angaok báo Nhân dân: 

         Piah hu phun jien ka hội viên patagok kinh tế sang, kapul urang dahau thiah ngak bol lin xã Phước Hòa jak ba dom hội viên hu rilo limo, sang ginup meda, daong ka yaok sa hội viên kathoat saong jaik si kathaot taduan raong meng sa tal dua drei limo binai. Hadei di tukvak limo menek, sang taduan raong hu mek limo anek akaok mereip, tuk limo menek  drei ka dua ye bayan limo ka po klak. Bruk raong limo yau nan hu xoay vòng meng dua tal 4 thun di xã Phước Hòa. Meng jalan ngak ini, meng thun 2009 tal ini, 8 hội viên hu limo hu brei ka 18 hội viên saong urang kathaot taduan mek 37 limo binai mai raong .

          -Saai Chamaléa Thị Khái,daok di palei Chà Banh, brei thau : thun 2009, saai taduan mek hu dua drei limo binai mai raong. Dalam 6 thun, limo binai menek hu 4 drei, saai bayan ka po dua drei, sang hu mek dua drei. Thau patak pataom gam saong jien pablei dua drei limo, thun 2015, saai Khái apdang hu baok sang yaom 70 triệu đồng.

        Thun 2010, sang kathaot Chamaléa Đông hu kapul urang dahlau thiah ngak bol lin daong brei raong dua drei pabui binai, urak ini menek hu 4 drei limo anek. Hadei di tuk bayan ka po klak dua drei limo amaik saong dua drei anek, sang daok hu dua drei limo binai daok praong samal, nan ye sang meda hu tapol limo dalam dom thun anak tal. 

       Akaok kapul urang dahjlau thiah ngak bol lin xã Phước Hòa Katơr Thơm chreih chrai brei thau : kapul hu 75 hội viên, meng bruk raong limo nan, rilo  hội viên hu patruh kathaot. Adei saai bui hatian rilo. Bruk ngak ini daok pambak praong di huyện Bác Ái”.

         Tui akok uy mban bhapbini xã Phước Hòa Katơr Tám,bruk “raong limo rẻ” lac kadha hadah dalam bruk pakacah ngak mbang di puk plaei. Urak ini, kupul urang dhlah ngak bol lin daok hu 26 hội viên lac sang kathaot, jaik si kathaot. Xã daok tacei pato kapul jhul khang jang, pambak praong jang bruk bruk raong limo nan piah ba jalan paglaong jien mek tame, daong pasiam raidiuk ka hội viên. Taphia bruk ini, kapul jeng daok jak ba hội viên patagok kinh te ngan saong mo hinh “ beir, danao, var ro” piah paglaong jien mek tame, tani tanat raidiuk.

Meng ieu pataom hu pren khang di abih hội viên urang dahlau thiah ngak bol lin, urak ini, raidiuk di dom hội viên saong mikva xã Phước Hòa dak harei dak hu paglaong, chất lượng kinh tế sang daok patagok siam, ia mbaok palei pala hadah hadai jang.

  Thúy Linh