71 thun tapa, “ Ni lac sap ndom VN” panuac ndom đĩnh đạc, trang nghiêm song bhian randap di angaok riyak papar sap di rayo sap ndom VN jeng dok hu pren pambak khang song nao tame dalam hatai di yaok urang VN, dalam nan hu urang bangsa Chăm. Tuk vak tapa, rayo sap ndom VN lac sa dalam dom kênh thông tin prong song pambuak pagam hong mik va Chăm daok di bhum atah bayah xã  Minh Hòa, huyện Dầu Tiếng, tỉnh Bình Dương. Tapa riyak papar sap di rayo, mik va Chăm oh lac thau hu dom bruk thời sự, bruk langik tasik bahrau di abih piah kuhria caga ka bruk pala drak, pacang caga bala meng lingik tasik bo dok hu pang danak dak papar sap meng sap bangsa di drei . Urak ni langiu dom baoh loa papar sap di palei , xã, boh sang halei jeng hu sa boh radio piah pang. Saai Mach Nour daok di  xã Minh Hòa, huyện Dầu Tiếng, tỉnh Bình Dương lac sa urang hu yaok pluh thun ni mai pang rayo sap ndom VN khan lac:

                                                Băng tiếng Chăm      

Meda pang rayo yaok tuk, yaok labik biak mbuan lagaih. Ni lac panuac khan di Đào Thùy Trang, sinh viên sang bac  Đại học Văn hóa ban raya Hồ Chí Minh. Ngan song SV, tuk halei jeng jar var bruk bac daa, roh duah, nao ngak bruk lingiu tuk bac.. oh pang tapak  rayo hu min urang jeng daok caik tuk vak tame dom blah mạng thông tin di Rayo piah pang veik dom danka dak drei takre, duah thau dom khau tin kein lagaih pabak ka bruk bac daa, roh duah. Thùy Trang brei thau 

Băng tiếng Chăm:

Jeng mai meng hatai anit ilamu bangsa song mboh hadah mbaok meta ka sap ndom VN di angaok riyak papar sap di Rayo, dom harei tapa, mik va urang Chăm di dom tỉnh Bình Thuận, Ninh Thuận  song ban raya  Hồ Chí Minh oh var nhắn tin, ieu phone tadhau ayuh adei saai urang vak, Biên tập viên rayo sap ndom VN, jeng yau danak dak papar sap Chăm di tuk pahadar 71 thun harei padang rayo sap ndom VN (7/9/1945 -7/9/2016). Ong  Karimlos, Thư ký Ban Quản trị surao Islam, phường 17, quận Phú Nhuận, ban rayo  Hồ Chí Minh ndom lac

Băng tiếng Chăm:

Meng hatai jia saong anit ranam ilamu bangsa, yaok pluh ribau urang pang rayo lac urang Chăm di grauk bhum palei, meng bhum taneran tal bhum tapen negar, bhum atah bayah hu kak kajap song dom danka dak, dalam nan hu danak dak sap Chăm di angaok riyak papar sap. Rilo urang pang rayo bhian payua harak pato pahadar piah daong ngak ka danak dak di rayo sap ndom VN dak harei dak hu rilo siam mekre jang song daok jiak urang pang rayo jang./.