Rija “cầu mùa” lac sa dalam dom rija prong ndung bak ilamu gheih mekre meng kan di bhap bini bangsa Sán  Chay (huyện Phú Lương, tỉnh Thái Nguyên 

Bhap bini bangsa Sán Chay di Thái Nguyên bhian ngak rija “cầu mùa” dahlau atau hadei Tết Nguyên đán yaok thun. Harei ngak rija, mik va dalam palei kuhria caga ginup dom pandap panda yau rilaow menuk, rilaow pabui, dhil song dom pandap karei karei. Pandap piah ngak rija hu akaok pabui iku pabui takai pabui, talam nduik, drei menuk, boh menuk, dom janih har kayua mik va ngak eng, boh kayau, gom, dhil, 2 phun nêu caik 2 gah.  

Ngan song bhap bini Sán  Chay, pandap oh meda kurang hu dalam tuk ngak rija lac dom blah rup cih klak gam tui. Sa bộ tranh klak ginup abih di dom gru ieu yan hu 28 blah, meng blah rup cih Ngọc Hoàng tal blah rup cih chiếu mệnh… yaok blah hu cih dom rupt binguk karei di gauk, song hu pandar dalam dom bruk karei di gauk. Pagap yau, blah rup cih pandar dalam adat cúng menuac metai, blah rup cih pandar dalam adat cúng cấp sắc, blah rup cih pandar dalam rija cầu mùa.

Taphia dom blah rup cih, dom pandap brei hu dalam rija cầu mùa lac sa mbaik ndao, tượng trưng ka dom pandap ngak taneh pala drak. Boh gar haluk hu ngak meng kanduh kayau, dalam tuk gru ieu yang ngak adat likau po langik brei hu hajan siam ngin lagaih, ye sap yava meng boh gar haluk hu mong lac boh tatua pambuak pagam langik tasik taneh rija, âm dương, payua nao song brei thau hatai cong khin di mik va tal dom po yang. Sap gar yava tagok tal langik, piah Ngọc Hoàng brei bruk ka Thổ công dong ka bhap bini labik nan hu 4 bilan siam mekre

Tuk dom janih pandap hu caga ginup bloh, po lễ cukj khan aow lễ tế peih bruk ngak adat likau dom po Yang dong ka bhap bini dalam palei  luac thun hajan siam hangin lagaih, pala drak njauk, menuk daa, athur rong menek mebaoh rilo,  puk palei sron mbon salamad. Abih menuac dalam palei khang kajap pren yava, hu rai duik trei sil 

Hadei di tuk gru ieu yang ngak bloh adat, mik va dalam palei ba gauk tamia lagu Tắc Xình, sa lagu tamia gheih mekre di bhap bini bangsa Sán Chay. Tamia lagu Tắc Xình dalam raja cầu mùa hu 9 lagu cơ bản yau ye lagu rivang jalan, ragu padang palei, ragu taong sah to, ragu jah hareik ngak puh, ragu cim katrau…...

Rija  cầu mùa song lagu Tắc Xình di bhap bini bangsa Sán Chay di Thái Nguyên lac sa adat cambat siam mekre meng kan mai hu patoa veik, ndung bak tính nhân văn, brei mboh bruk menyum ia hadar halau ia, lac talei pambuak tâm linh di langik tasik song anek menuac, brei mboh hatai khin chinh phục langik tasik di urang ngak./.