RIJA THEN KIN PANG DI BHAPBINI THAI TAY BAC

*********

          Di dom bhum bhapbini Thái patih Tây Bắc, Then Kin Pang yaok thun hu mikva peih ngak sa mbang kayua dom anek raong di Then ( ieu lac  Lụk liệng ) lac dom urang hu then cầu hôn, iek ruak ba pandap mai bayar dar phor then. Langiu di nan, Then Kin Pang daok hu salao pandap kakuh tạ ơn dom urang hu buh pren padang palei, padang mường, tạ ơn dom urang anh hùng taong kol khamang khik taneh ia.                         

Dahlau si tame bilan pala drak, mikva Thái patih grauk palei angaok, mường ala ba gauk rik drei pabui, drei menuk, ndiuk, alak tapai mai sang Then peih ngak lễ “ Then kin pang”. Dalam dom pandap nan oh kurang hu salao 5 janih baoh kayau, labung phik, njam glai. Saai Phùng Thị Nga, sa urang daok di bản Lửa, xã Phổng Lào, huyện Phong Thổ, tỉnh Lai Châu brei thau : “Then kin pang yaom lac abih gauk caga ngak sa rija likau ka hajan siam angin lagaih, pala drak njauk, ngak mbang hu yau hatai caong. Rija ini bair rah tabiak di harei 10.3 saka ia bilan yaok thun. Urang dalam palei, dalam xa ba gauk tame bui sambai saong rija ini.

 Then lac urang hu angan je dalam palei hu mikva iek praong daa ngak lambaok ka mikva nao likau pô lingik saong dom po yang. Ong Then angui cuk khan ao hadah tanyak saong mbaik capi tính daok la anak salao palih yang. Dom anek taco di Then daok taphia caik hatai tui pang Then meroi likau saong daa dom po yang mai mbang bingu pahe, baoh yamen bingi saong dom kaya pandap hu mikva ngak tabiak. Ông Then Lâm Văn Điện di palei Nặm Ty, xã Nặm Hàng, huyện Nặm Nhùn, tỉnh Lai Châu brei thau :“ Yaok thun mikva saong dom urang hu dahlak lcầu hồn, iek ruak, ba pandap mai tạ ơn. Mikva rik tame, sang drei menuk, drei pabui ba mai ini peih bruk mbang menyum, bui mein, pataom doh tamia, daoh tadhau yuh ong Then saong caong ka thun barau thei jeng hu siam mekre, salamat, ngak mbang hu ginup meda. Lễ ini rilo meng lac piah dhar phuan then, kadha ini drei oh klak hu”

          Ong Then lambaok vakil mikva dalam palei daa dom pô yang angaok lingik trun gam bui sambai saong dom anek then saong pok likau dom pô yang daong ka bhapbini thun barau hu rilo pren yava, pala drak njauk, padai brak bak sang, pabui menuk caih mebaoh, raong glang oh gaok jit ruak :“ Then tagok lingik oh gaok tavak tavaiy. Caong  ka bhapbini lingik thau hu, nao mường Bôn ndom sap cả, tagok mường phạ ndom sap vang, sap dane yau sap manh ngoạng, sap yava atah yau sap í liêng. Meyah khắt khe anek raong meda oh pang, urang mười mường meng mai bui sambai saong gauk”

                   Dhlau thaih Then Kin Pang hu peih ngak dalam 3 harei, urak ini tui raidiuk barau mikva peih ngak dalam sa harei. Hadei di tuk dom adat hu ngak blaoh, mikva ba gauk tame daoh tamia saong mein dom kadha mein mengkan ye : tók mák lẹ, kéo co, én cáy... ini lac harei mikva dom bangsa dalam bhum hu taom gaok, bruk jum pataom di dom bangsa hu kak kajap./.