Di bhum urang bangsa Thái patih Tây Bắc, Then Kin pang yaok thun hu mik va peih ngak sa mbang kayua dom urang anek rong di then (ieu lac Lụk liệng) lac dom urang hu then tame kuhria, iek ruak ba lễ mai tạ ơn then. Langiu di nan, Then kin pang dok hu sa talam pandap piah pok kakuh dom urang hu padang puk palei, thau dar phol dom anh hùng jak jeng tong khol khamang khik kajap taneh ia.

Dahlau di tuk kuhria caga ka bilan pala drak mik va Thái patih grauk puk palei pataom pabui menuk, brah nduik, alak patih, alak cần tal sang then peih ngak rija  “ Then kin pang”. Dalam dom pandap pok kakuh then oh meda kurang talam boh kayua, tabung phik, njam glai. Saai  Phùng Thị Nga, sa urang dok di palei Lửa, xã Phổng Lào, huyện Phong Thổ, tỉnh Lai Châu brei thau:

Then kin pang nan lac urang caga sa rija likau ka hajan siam hangin lagaih, bilan njauk padai, ngak mbang hu yau hatai khin. Rija ni bhian rah tabiak dalam harei 10/3 saka ia bilan yaok thun. Menuac urang dalam palei dalam xã mai pataom gauk bui sambai song rija ni.

Then lac urang hu angan je dalam palei hu mik va iek prong daa ngak urang lambaok ka mik va mai likau ka po langik song dom Yang mebang . Ong Then cuh ngiu khan aow biak siam song boh capi tính dok anak talam salao. Dom urang anek taco di Then dok jiak tapen pan Then pok daa dom Yang mebang mai mbang boh kayau bingi pahe, song dom janih pandap kayua mik va tanek ngak. Ong Then Lâm Văn Điệu dok di palei Nặm Ty, xã Nặm Hàng, huyện Nặm Nhùn, tỉnh Lai Châu brei thau:   

 “Yaok thun mik va song dom urang hu dahlak likau yava, iek ruak ba pandap mai pok kakuh. Mik va pataom veik, sang ni menuk, sang deih pabui ba mai ni peih bruk mbang menyum, main sambai, doh takơ, doh tadhau yhut ong then song likau ka thun bahrau yaok urang hu siam mekre salamad. Rija ni nan lac piah thau dar phol then cavar alak ni oh meda klak hu.

Ong Then lambaok mik va puk paga daa dom Yang mebang di angaok langik trun main sambai song dom anek then song likau ka dom urang ni phù hộ brei ka mik va thun bahrau hu rilo pren yava, njauk padai brah, pabui, menuk menek rilo anek, rong ba oh hu jit ruak. 

 Then tagok langik oh gaok kan kandah hagait. Likau ka menuac urang, tal puk palei. Bôn menyai sap cảtagok langik menyai sap vang, sap vọng yau sap manh ngoạn, sap atah yau sap í liêng. Meyah lac kan si anek rong oh pan tui, urang mười mường mai bui sambai song gauk

Dahlau deih Then Kin Pang hu peih ngak dalam 3 harei, urak ni hu peih ngak tui rai duik bahrau, mik va peih ngak sa harei. Hadei di tuk dom raji hu ngak salah bloh, mik va jak gauk hu mbaok tame doh takơ song bui sambai main yau tók mák lẹ, dui co, én cáy...Ni jeng lac tuk mik va dom bangsa dalam bhum palei hu taom gaok ndom nyai nao mai, jum pataom dom bangsa brei khang kajap jang./.