Rik pren yava, jien padai padang ngak palei pala barau

Hadei di 5 thun peih ngak danakdak bruk ngak negar padang ngak palei pala barau, ia mbaok palei pala di tỉnh Hòa Bình hu rilo salih barau; raidiuk di bhapbini dak harei dak siam; cơ cấu lao động hu salih bahrau, rilo công trình hu  buh jien tame ngak saong patagok hu kein laba.

Palei Sung 2, xã Địch Giáo, huyện Tân Lạc (tinh Hòa Bình) hu pilih ruah lac labik ngak iek ka padang ngak palei pala barau. Mban patagok di palei hu pambuak bruk saong dom tổ chức chính trị dalam palei peih bruk pathau khan, jak ba bhapnini brei taneh, rik daong harei ngak, jien padai piah padang dom công trình phúc lợi. Hadei di 5 thun, bhapbini dalam palei hu brei labaih 10.000 m2 taneh dom janih piah ngak jalan, sang ilimo…rik daong 820 harei ngak saong labaih 200 triệu đồng .

Ông Bùi Văn Kiêm, Bí thư Chi bộ palei Sung 2, brei thau : karja tabiak bruk padang ngak palei pala barau, piah paglaong raidiuk di bhapbini, yau nan ye mikva dalam palei hu rik daong jien, pren yava saong taneh riya, ba gauk padang palei paih ngak barau, ngak mekre ka sang, ka palei pala drei. Hadei di tuk dom jalan haluk sit pandiak dhur, hajan gluh hu tuh bêtông, rilo mo hình pala drak kein laba hu padang tagok, cơ sở vật chất dak harei dak siam, ye raiduk di bhapbini jeng salih bahrau tui jalan drei sir, bui sambai jang.

Sang ông Bùi Văn Quyết, daok di palei Nước Ruộng, xã Nam Thượng, huyện Kim Bôi, halan hatian brei labaih 150 m2 taneh thổ cư, 1.600 m2 taneh glai, 9m paga saong rilo phun mbang baok livik thun piah ngak dom  công trình menyek, jalan nao mai di palei pala. Sang ông Quách Văn Khón, palei xóm Mương, xã Văn Sơn, huyện Lạc Sơn, brei 1.500 m2 taneh thổ cư yaom labaih 200 triệu đồng piah ngak jalan nao mai dalam palei. Dalam huyện Tân Lạc hu jak ba labaih 7.000 sang brei jaik 20 ha taneh piah ngak jalan nao mai saong dom công trình hạ tầng palei pala.

Dalam tỉnh jeng hu mboh rilo bruk ngak gheih dalam tuk peih ngak danak dak padang ngak palei pala barau yau : truac hadah jalan palei; pandar thiết kế mẫu dalam padang ngak jalan nao mai di palei pala, công trình thủy lợi piah patak pataom jien đầu tư; padang dom tổ hợp tác daong dom sang bhapbini patrun kathaot. Dalam 5 thun (2011 - 2015), dalam tỉnh Hòa Bình hu jak ba bhapbini rik daong jien, harei ngak, taneh riya, vật liệu, jamriak … kuhria tabiak yaom jien abih tih jaik 2.000 tỷ đồng piah rik daong padang ngak palei pala barau; dalam nan hu jaik 1,8 triệu harei ngak, brei jaik 189 ha taneh.

Tapa 5 thun peih ngak, danakdak bruk ngak negar padang ngak palei pala barau di Hòa Bình hu daong ka raidiuk bhapbini salih bahrau biak rilo, yau nan ye hu ngak jeng bruk pachreih tui glaong, abih hệ thống chính trị  pataom tame; dom urang jakar puk palei hu trách nhiệm jang, kak kajap haong bhapbini jang; dom kapul nyaom hu dom bruk ngak cambaih laih jang. Urak ini, dalam tỉnh hu 89/191 xã ngak hu  tiêu chí ka jien mek tame di palei pala barau.  Baoh sang kathaot bhum palei pala yaok thun trun jaik 5% (thun 2015 daok 15%).

Ông Nguyễn Văn Dũng, Phó akaok uy mban bhapbini tỉnh Hòa Bình, Phó trưởng Ban Thường trực Ban tacei pato danakdak padang ngak palei pala barau tỉnh brei thau : tukvak tal, dom puk palei dalam tỉnh daok jak ba, pabak tame dom nguồn lực piah ramik pasiam cơ sở hạ tầng, abih di nyu nan lac cơ sở hạ tầng duh ka bruk patagok kinh tế; sangka patagok ngak mbang, paglaong jien mek tame ka bhapbini palei pala; patruh eik patrun kathaot pambuak pagam saong rami ramik veik bruk ngak nông tui jalan paglaong giá trị gia tăng saong patagok khang kajap dalam tỉnh .