Bruk nao du lịch, abih di nyu nan lac du lịch tâm linh song dom mbang hành hương dalam song langiu negar dalam tuk padeih tết dak harei dak rilo. Ni lac sa janih du lịch biak karei piah ka tuai damuia meda hu nao rivang lễ đền, baha, likau hu siam mekre, patuah jamo song dom salamad ka sa thun bahrau.

Tukvak padeih Tết dui atah, ralo urang palih ruah nao rivang ma-in dalam nan hu rivang ma-in tâm linh tal dom labik sahanak ginreih, hu makna gah agama saong hatai jia pak dalam saong langiu negar. Nao tal dom labik rivang ma-in tâm linh dalam taneh aia yau Bha Một Cột, baha Hương, danh thắng Yên Tử, baha Bái Đính… tuai damuai oh lac tok hu rivang ma-in, mong iek baha bo daok hu mong iek dom kỳ tích di Phật giáo Việt Nam. Abih di nyu nan lac, dalam mbang nao tal Côn Đảo daok lac tukvak piah ka dom tuai damuai thau dhal phol dom Anh hùng Liệt sĩ van klaak rup drei brei ka độc lập bangsa. Taphia di nan, urak ini dom công ty du lịch hu peih ralo ralo mbang rivang ma-in tal Ấn Độ, Nê-pan, Trung Quốc, Mi-an-ma. Tal dom labik ini, tuai damuai oh lac thau jang ka halau gha agama di drei bo dalam luac tukvak nao nan, urang hu daok haong gauk dalam sa môi trường tâm linh: kakuh, likau, dưỡng tâm. Ralo urang palih ruah dom mbang nao dalam tukvak Tết piah likau patuah jamo, salamat dalam thun bahrau ka baoh sang. Sa-ai Vũ Thanh Thuỷ sa urang tuai daok pak Hà Nội hu mbaok dalam ralo mbang rivang ma-in brei thau: “Tuk hu mbaok dalam tour du lịch nan nyu ba mai ralo kein laba siam laghaih ka drei. Ini oh lac rivang ma-in saoh. Rivang ma-in tâm linh tapa nan drei meda bac megru, roh duah biak ralo kadha siam mekre pak dom labik drei nao saong daok cak rok patagok hatai saneng, pamong tal chân, thiện mỹ. Meyah hu điều kiện khaol dahlak caong khin nao dom tour tal Myanmar”.

Dut haong dom mbang rivang ma-in karei, rivang ma-in tâm linh hu dom janih biak karei nan lac oh samar drah, oh srau kadhau, tuai damuai jeng oh hu ralo urang dalam sa kapul. Ngan haong urang nao dom mbang ini gaok tuk mai jien padai nan oh lac bruk dang akaok bo kadha prong di abih nan lac manuac urang drei mboh bình an, duah hu cảm giác karei ka drei. Kayua yau nan ye, langiu di bruk palagaih ka tuai damuai meng bruk sinh hoạt, radaih pajeng nao mai, dom tuor rivang ma-in daok daong ka tuai damuai thau cambaih jang ka ilamo, agama saong duah hu cảm giác chính drei. Sa-ai Mai Thanh Akaok công ty rivang ma-in Bảo Sơn (Bao Sơn Travel) brei thau: “Bhian di nyu ye ilamo urang Yuan drei takre nao lễ akaok thun, mboh jaik abih dom công ty jeng pataom tame bruk nao baha, dom urang roh duah ka adat hukum ye meda padang mbang nao nan tui jalan dalam jang oh lac tok ba dom urang nan nao tal piah eng drei roh duah. Tui nan, khaol dahlak hu daa sa halau janeng nao gam haong kapul piah tuk nao tal dom thánh địa hu inem takai di đức phật ye ong đạo sư nan langyah cambaih jang. Tuk dom urang nan thau cambaih lalaih makna dom mbang nao nan lac hagait ye urang mboh takre jang, khin duah tal bruk ngak pahla, duah gilac veik drei”

Kayua bruk ngak mbang daok gaok ralo kan kandah nan ye tuai damuai nao rivang ma-in tâm linh dalam tuk Tết ini nyu takik jang dut haong dom thun dahlau saong ralo manuac urang palih ruah tour nao dalam negar. Yau nan min, piah pachreih tuai damuai, dom công ty rivang ma-in pataom tame paglaong chất lượng saong patrun yaom jien, taphia di nan pachreih tuai damuai puac ka cambaih harak pambuak bruk piah klah njauk pachot tuk blei dom tour yaom lap. Ong Nguyễn Trung Toàn, Akaok Công ty Du lịch saong Dịch vụ Hoa Thiền pak bal raya Hồ Chí Minh brei thau: “Thun ini jaik abih dom công ty jeng hu tour nao Ấn Độ, piah patrun yaom nyu patrun chi phí thuế sân bay oh ba tabiak dalam yaom tour. Kayua yau nan ye, tuai damuai mboh lap min tuk puac cambaih ye yaom gilac glaong oh lac biar yau nan. Công ty dahlak iek prong tal chất lượng tour. Kayua lac meyah sa mbang hành hương bo kurang nao nghi lễ ye mbang nao nan dreh yau mbang nao bayar bài, atau học thuyết, mikva daok pak sang jeng meda hu tụng kinh, bac tapuk. Min tuk nao hành hương tuai damuai thau cambaih jang ka dak rai sajarah, ka adat cambat piah ka tuai damuai duah duah hu veik rup drei”

Nao baha akaok thun nan lac janih ilamo siam mekre di urang Á Đông. Manuac urang mai tal pabah mbang baha, phật piah kakuh likau ka baoh sang saong gauk gar dalam sang hu ralo siam mekre. Ralo urang palih ruah dom mbang rivang tâm linh tuk Tết jeng lac tuk piah likau jap karo salamat saong duah gilac cảm giác thanh tịnh piah pabak jang hatai jia ka thun bahrau./.