Pathau mikva saong taong……

Harei ini oh daok hu ralo urang amaik ranaih umo thau daoh gu, dalam tuk gu anek oh lac ragu daoh bo nyu lac hatung hatian, hatai anit ranam di urang amaik, lac sa jalan piah raong hatai jai anek naih, jalan pato pakai mbuan njom tame hatai menuac. Meng panuac daoh gu anit ranam, lai li-an di drei, urang amaik dak harei dak raong anek praong gheih. Danak dak harei ini, kol drei gam duah thau ka ragu gu anek di urang Mường.

Saai Đinh Kiều Dung, daok di palei Bo, xã Kim Bình, huyện Kim Bôi, tỉnh Hòa Bình, urang takre daoh ragu bhap bini Mường. Ngan saong saai, dom panuac gu lai li-ar nan oh lac saoh saoh bo hu: drei mboh drei patuah lac meng tuk daok sit hu pang dom ong muk di drei, amaik ame di drei, saai di drei daoh dom ragu bhap bini, drei mboh nyu biak ndung bak hatai anit ranam saong hu pang sap daoh gu di amaik mboh nyu lai li-an lo dak pang dak gheih. Tuk praong tagok thau iek adei drei ngak tui ong, amuk, amaik ame daoh gu ka adei ndih. Hadei di ini praong tagok drei tame ngak bruk dalam quân đội, ngak gah daoh tamia min tuk nan drei oh daoh ragu bhap bini bo daoh dom kadha daoh barau, min dom panuac daoh bhap bini di palei drei oh tuk halei var hu.

Ndom “gu Mường” lac sa jalan pato pakai kayua: panuac gu lac dom panuac pato pakai anek diuk rai siam, thau angaok thau la, anit ranam puk palei, taneh ia. Thau hu abih makna di panuac gu meng njom tame hu bruk ngak menuac – nan lac panuac amuk Đinh Thị Thêu, daok di palei Bo, xã Kim Bình, huyện Kim Bôi, Hòa Bình - sa nghệ nhân hu sap daoh gu lai li-ar, bingi pang. Amuk khan: Dom amuk nao hội diễn di huyện, dom amuk daoh gu anek, gah ala khán giả hia biak ralo. Thei thau kadha daoh gu meng njom tame dalam hu, dom amuk phụ họa meng động tác hu njom tame dalam hatai menuac nan ye rilo khán giả maong iek haok hia meta.

 “Gu ún” (nan lac gu anek) di bangsa Mường jeng hu 3 janih. Janih gu anek tuk harei. Janih gu anek tuk melam saong janih gu anek oh lac daoh tuk gu bo daok daoh tuk karei. Urang daoh tuk nan nyim panuac daoh ndom ka hatung hatai di drei, meda lac panuac di baoh hatai payua nao urang pang.

Kanong nan, mbuah nan min jeng saneng tal dom anek di drei. Nyim ragu daoh bhap bini piah pato anek thau đạo lý. Bruk gheih di abih, mekre di abih di gu Mường lac di labik nan.

Urak ini, hu biak takik amaik uranaih umo lac urang Mường daok gu anek meng sap Mường, kol anek naih takik hu ba drei tame panuac gu lai li-ar di amiak di amuk, nan lac sa kurang lihik oh sit.

Pathau mikva saong taong abih gauk! Ragu daoh bhap bini Mường – sa inem krung ilamu biak hu yaom glaong di urang Mường, lac bruk hadah krah di sa bangsa. Min urak ini hu oh takik dom uranaih lac urang Mường oh thau, oh takre sap daoh, panuac gu Mường, bruk kurang lihik nan mai meng halei? Dalam kadha ini adit hadei, kol drei ba gauk duah thau saong pang dom panuac di dom urang daok duh hatai ka bruk khik ramik saong patagok ilamu Mường./.