Bimao kakau tangin takai lac sa ruak bhian mboh dalam bilan hè, ruak kayua sa janih bimao hu angan ieu lac Trichophyton. Ruak bimao kakau njom mbak biak samar.

Ruak bimao kakau (onychomycosis) rah tabiak tuk sa atau rilo kakau njom bimao. Ruak hu labaih meteh urang njauk ruak di kakau, bhian rah tabiak tuk kakau bhian gaok labik pasah. Ruak kan si abih song meda tamuh veik.

Makna ba tal ruak

Ruak mai meng bimao. Bhian gaok di abih nan lac bimao Trichophyton (T. rubum atau T. menta – rophyles); atau lac Candida, bimao hoại thư sinh hơi. Langik pandiak bilan hè lagaih ka bruk tamuh tabiak song patagok di ruak. Meda ndom tal dom makna ba tal ruak yau: oh khik hacih saat rup pabhap, abih di nyu nan lac labik kakau tangin, kakau takai. Bhian ngak bruk di dom labik yau: danao caluai ia, balik pasram thể thao….  Pandar pandap cá nhân hong urang ruak. Tuk ruak drei mboh pandik taom dar kakau song mboh barah, pandiak, meriah, pandik.

Jalan pasiam ruak

Meda menyum dom janih jru yau Itraconazole, Fluconazole,Terbinafine

Dom janih jru ni daong ngak ka kakau bahrau oh ruak lavik harei salih ka kakau klak. Brei menyum jru meng 6 tal 12 adit, min njauk lac siam tuk kakau bahrau hu tamuh ginup abih. Meda abih meng 4 tal 12 bilan meng abih ruak. Oh pandar jru ka urang ruak gan, suy tim ứ huyết atau urang dok pandar dom janih jru karei karei. Jru luk yau econazole nitrate. Jru luk oh ngak brei abih ruak min meda pandar gam song jru menyum. Meyah kakau ruak biak trak song pandik rilo, meda phẩu thuật cakak klak kakau klak.

Jalan pacang ruak lac khik brei kakau tangin takai nyu panak, thu song saat. Cuk harum tangin takai. Harum ngak meng sợi tổng hợp khik ka takai thu jang harum côtton atau harum len. Bhian salih harum. Livik livik njauk taoh takhaok tabiak ka takai nyu lahơi. Pandar jru xịt atau jru tapung pacang bimao. Cuk harum tangin cao su tuk tram tangin lavik dalam ia. Oh cakak atau jarak tame labik klik vil val kakau. Jhui nao takai saoh di labik công cộng. Rao hacih tangin hadei di tuk gaok tame kakau ruak. Khik hacih saat rup pabhap yaok harei. Tuk halei jeng khik ka tangin takai hacih saat. Tuk mboh lac ruak, njauk nao tal bác sỹ./.