Langik tasik oh siam, hajan hangin yau urak ni ngak ka urang mbuan njauk ruak cảm mạo phong hàn. Ni lac dom ruak njom mbak  kayua dom vi rút karei di gauk saong bhian mboh abih di dunya.

Dom kadha brei thau lac ruak

Ruak cảm cúm bhian meluk haong ruak cảm lạnh bhian mboh min dom triệu chứng di ruak ni bhian trak jang ruak cảm lạnh yau phan, sre ia dhung, gar dhung . Ngan saong uranaih atau urang prong, labaih 2 harei hadei di tuk rup pabhap taom gaok vi-rút cúm, dom triệu chứng camereip meda lac: hu dom mbang pandiak, mboh sru liar, pandik akaok, pandik cơ bắp, having akaok, mbang oh bingi, gleih glar, patuh, pandik tarakong, sre ia dhung, taaok, abih pren yava, pandik tanye, chraoh aik.

Anek naih njauk cảm cúm bhian hu ginup dom triệu chứng ni.

Hadei di 5 harei, pandiak song dom triệu chứng karei lihik nao min patuk song gleih glar jeng dok dui atah. Taong abih dom triệu chứng meda lihik abih dalam sa atau 2 adit. Min bruk prong di abih lac cảm cúm lac sa ruak biak nghiêm trọng kayua nyu meda ba tal viêm phổi song dom biến chứng karei, mbuan ngak brei metai lihik, abih di nyu nan lac anek kamar, urang taha song dom urang hu pren yava oh siam dalam tuk vak suia lavik 

Ruak bhian njom mbak dalam không khí song tapa taom gaok, pagap yau hít njauk virus ruak dalam không khí, gaok pandap panda di urang ruak.

Jalan pacang caga ruak:

Piah pacang ruak, tuk halei jeng ba tui aow hajan tuk tabiak jalan, jhui nao dalam hajan song jhui caik ka rup pasah lavik dalam ia hajan.

Njauk patagok pren yava meng bruk pabak dinh dưỡng tapa dom pandap mbang siam yau boh karaoh hu rilo vitamin C, rilaow - ikan, boh, ia tasau, ndih ginup, menyum ginup ia, abih di nyu nan lac ia liya that 

Tuk njauk cảm lạnh, urang ruak brei menyum rilo ia, yau ia boh kayau that. Kalung pabah meng ia sara, jhui njuk pakao song menyum lak jeng lac jalan piah pacang caga ruak cảm lạnh.

Klauk jru pacang caga ruak yaok thun jeng lac bruk siam daok p[achreih ngak ka taong abih menuac urang meng 6 bilan tagok. Tuk vak klauk jru pacang ka ruak cúm ni meng kreik bilan 11. Min urang meda klauk dalam tuk vak karei dalam thun. Vắc-xin dong khik caga anek menuac klah njauk dom janih vi-rút ba tal cảm cúm bo dom chuyên gia sahaneng lac, nyu meda rah tabiak dalam bilan cúm anak tal. Vắc-xin ni oh pacang cakak hu abih jit ruak, min meyah hu klauk jru ye bruk njom ruak nyu takik jang song dom triệu chứng meda takik jang meyah njom ruak. Amaik ame njauk tui iek tuk vak klauk jru di dom sang iek ruak piah klauk ka tong abih menuac dalam sang./.