Ini lac sa ruak takik gaok, dalam sa ribau menuac meng hu sa urang ruak, saong ruak ini urang kumei bhian gaok rilo jang dua atau klau mbang dut saong urang likei umo hadei di 50 thun, yaom lac ruak meda hu mboh di taong abih umo. Tuk ndih tagok, bahrau payeng rup tagok ye mboh taong abih pandap dalam duk nyu payeng, dalam rup urang ruak mboh kan daok, khin taglaoh ta-ok. Mbang huan akaok rah tabiak samar saong abih chip, min urang ruak jeng daok mboh huan akaok, saong mboh yau huan kaok veik tuk salih tư thế. Urang ruak mboh huac kayua meng dahlau mai oh ka mbang halei mboh yau nan.

      BN: Ini lac ruak hagait? Pathau BS?

     BS: Ini lac sa ruak bhian gaok, dalam sa ribau menuac meng hu sa urang ruak, bhian mboh di urang kamei ralo jang dua klau mbang dut saong urang likei hadei di umo 50 thun, yaom lac meda hu mbaoh di taong abih umo. Kayua ruak ini bhian ngak brei huan akaok chip, bhian dui atah jaik sa minit tuk drei salih tư thế, abih di nyu nan lac tuk payeng akaok chip min hadei di nan nyu abih,  oh caik veik biến chứng atau hậu quả prong nan ye angan iew di ruak ini lac: huan akaok.

      BN: Ruak ini kayua halei?

      Bs: Dom kadha bhian gaok ngak ka urang ini mbuan njauk ruak ini jang urang karei nan lac kayua: chấn thương akaok, hu blac riah tangi dahlau nan, njaom siêu vi atau pandik meteh akaok.

Tangi di khaol drei hu klau binah: tangi langiu piah pandok âm thanh, hu jih tangi saong ống tangi, tangi kreh hu màng nhĩ, khoang tangi kreh saong dom talang hu chức năng ba âm thanh; tangi dalam hu dua bộ phận nan lac ốc tangi ba âm thanh tagok não saong tiền đình hu klau ống bán khuyên ndih tui klau gah dalam không gian piah khik tapak ka rup pabhap.

Makna di ruak nan kayua dom tinh thể canxi, atau daok iew lac sỏi dalam dom ống bán khuyên nyu megei atau atau daok suan labik, ngak brei dom tín hiệu ba tagok não brei thau rup babhap daok sa tư thế karei haong tư thế urak ini, nan ye mboh huan kaok.

      Bn; Ruak rah tabiak tuk halei saong hu nguy hiểm halei oh?

     Bs: Ruak ini oh nguy hiểm. Ruak tok rah tabiak tuk hu bruk salih  tư thế di akaok saong  kadha bhian gaok nan lac daok ndih angaok meneng tui sa tư thế suai lavik, hadei nan payeng nao payeng mai atau buh tagok,  atau kuk akaok nao gah anak.

Ruak oh rah tabiak tuk peih radaih atau dom tư thế oh hu bruk payeng chip di akaok. Ruak rah tabiak chip saong biak khang min hadei di mbang njauk ruak oh caik veik hậu quả hagait, oh pambak hagait tal tangi pang saong meta mong tuk abih huan kaok. Min jeng hu menuac, ruak meda mboh veik hadei di dom harei, dom bilan atau dom thun hadei nan.

      BN: Ruak ini hu điều trị yau habar?

     BS: Meyah oh điều trị, ruak nyu abih eng hadei di 2 tal 4 adit. Min dalam mbang tabung glaong di ruak, dom triệu chứng taglong saong glaoh ta-aok njauk điều trị meng jru saong urang ruak njauk  pabak dom janih jru patagok  tuần hoàn não saong patrun huan akaok.

Meyah mboh huan akaok mbuan mai veik, bác sĩ meda brei payeng akaok piah ngak megei dom tinh thể canxi dalam dom ống bán khuyên, ngak ka nyu mai veik labik klak. Urang ruak njauk ndih caik akaok glaong, rup saong takai ngak jeng góc 45 độ dalam 2-3 harei hadei di mbang huan akaok atau hadei di tuk bác sĩ chuyên khoa brei payeng akaok piah ngak ka dom tinh thể canxi dalam  ống bán khuyên hu grap tanat veik oh daok megei nao mai tra.

     BN: Pacang caga ruak yau habar?

     BS: Ngan haong dom urang bhian njauk njauk ruak ini atau dom urang umo labaih 50 thun, abih di nyu lac urang kamei, njauk takik ngak dom động tác payeng akaok khang saong đột ngột dalam sinh hoạt yaok harei, abih di nyu nan lac tuk ma-in thể dục. Hu oh takik urang ruak njauk ruak ini tuk pasram yoga ngan haong dom tư thế oh njauk.

     BN: Ndua dhal phol BS./.