Kadha urang iek ruak : Ruak me ik melam saong jalan iek ruak

 Me ik melam bhian gaok meng urang ranaih tal urang praong thun, ba tal rilo kanyaih jak yau : lihik ndih, glaih glan, suy nhuoc rup pabhap saong ngak kandah tal chat luong rai diuk.. Urang khang kadang nao meik jaik 8 mbang dalam sa harei, dalam nan hu 7 mbang di tuk harei saong sa mbang di tuk melam. Ia meik   yaok mbang meik jaik 300 ml. Meik melam lac nao meik rilo jang sa mbang di tuk melam. 

Dom makna ba tal meik melam :

- Praong tuyến tiền liệt di urang likei : Tiền liệt tuyến tuk praong nyu kateik tagok niệu đạo ngak kan meik, ia meik oh khang saong kateik tagok bàng quang ngak patrun thể tích bàng quang, ngak brei nao meik rilo mbang. Praong tuyến tiền liệt bhian gaok di umo angaok 50 thun, tapa nan nyu ba tal meik melam, meik kan, meik blaoh mboh oh abih, ia meik oh khang. Meyah mboh meik tabiak darah njauk nao bác sỹ iek ruak drah samal. Urang likei angaok 60 thun yaok thun njauk dut iek darah piah daong cakak ung thư tuyến tiền liệt.

- Viêm jalan tiết niệu (lac viêm bàng quang): Bàng quang lac labik padang ia meik nan ye tuk njauk viêm nhiễm nyu kích thích ngak brei meik rilo mbang. Dom triệu chứng di viêm bàng quang taphia trieu chứng meik melam lac pandik hatung gah ala, gah angaok talang akaok braok, meik catang, pandiak, meik hasit hasit .

Atau njauk suy thận mạn tín; Sỏi thận; meik saradang; hu tuk kayua randap menyum rilo ia, mbang ia bai di var melam, meyum alak, mbia, caphe, tea di melam. Pandar dom janih jru ngak brei mbuan me-ik yau jru trun darah ( nhóm ức chế kênh canxi), jru ngak brei mbuan me-ik. Yếu tố tâm lý yau : sahaneng kuhria, duh hatai, lahik ndih. Kayua praong thun nan ye trun chức năng cô đặc ia meik di thận. Thun praong angaok 80 thun bhian meik melam jaik 2 mbang.

Jalan iek ruak:

Brei thau cambaih meik melam kayua makna halei meng iek ruak ka nyu njauk. Oh pandar dom jalan ngak mengkan, ndom cambuai piah iek ruak meik melam oh ka hu y khoa brei angan. Daok bruk pacang cakak meik melam, jhui meyum ia rilo, oh mbang rilo ia bai, oh menyum mbia alak dahlau si nao ndih. Mbang rilo njam patam, chất xơ, oh mbang rilo ralo, sara. Ngak jeng bruk bhian randap nao meik dahlau si nao ndih. Oh menyum dom janih jru ngak brei mbuan me-ik di tuk melam dahlau si nao ndih./.