Pandik ka-ing atau pandiak ka-ing suai oh dhit nan lac sa janih ruak biak bhian gaok, nyu mboh di yaok manuac urang. Makna di nyu ralo meng kayua ngak bruk, daok la, paoh ginuh, atau kayua dom bruk yau padeih padei, daok dang yaok harei oh lagiah.

Tư thế daok la ngak bruk jeng ba tal ruak pandik ka-ing saong pandik ka-ing suai oh dhit. Pandik ka-ing meda dhit abih dalam dom harei, min jeng meda ba tal dom ruak trak saong ngak jaoh jo. Ruak nan dak harei dak mboh rilo dalam tuk nan bruk iek ruak ini abih biak rilo jien padai. Ruak pandik ka-ing oh lac ngak kan kandah dalam bruk nao mai daok dang yaok harei bo daok ngak brei cuang kandah tal bruk ndih daok di diuk pasang…Yau nan ye khol drei juai iek lap ruak pandik ka-ing. Hu dom makna ba tal ruak pandik ka-ing yau ye:  viêm tủy talang, bruk talang, pandik khớp, pandik talang kreh ka-ing gam khớp, viêm khớp dạng thấp, khớp taha, thoái hóa đĩa đệm talang kreh ka-ing, vaiy talang kreh, jaoh talang, limin talang, rak atau cơ nyu tahak, catang biak catang kayua gaok bala atau megei khang, atau đĩa đệm nyu blait…., jeng meda ba tal pandik ka-ing suai oh dhit. 

Tuk mboh pandik ka-ing, njauk nao tal gru iek gah ruak talang ka-ing piah hu tacei pato iek ruak ka njauk. Bhian salih tư thế daok la ngak bruk, mbeik drei mbeik rup kreh tuk ngak bruk nan nyu siam ka bruk caga pandik ka-ing kayua tư thế. Tuk ndih, oh tableik drei ba tal darah dalam rup pabhap oh nduac sumu gauk, ralo kateik katin, mbuan ba tal pandik ka-ing. Siam di abih brei ndih mbleing atau ndih ndang. Tuk salih tư thế ndih brei salih hasit hasit, juai salih sa mbang bloh. Tuk blait ka-ing brei mbeik payeng ka-ing hanjol. Meyah mboh trak brei nao gru iek ruak, juai capat ka-ing tui hatai di drei. Bhian pasram rup pabhap jeng lac sa jalan pacang caga pandik ka-ing hu siam. Pandik ka-ing hanjul bhian mboh, gam pandih ka-ing di urang kumei metian meda pasiam veik meng bruk daok dang ka tapak ka-ing atau ndih di papan, lanieng khang, juai ndih tul atau ndih yun, bhian pasram rup pabhap atau châm cứu, bấm huyệt. Meyah pandik ka-ing  kayua  cadu talei rak atau medil lac blait đĩa đệm njauk brei ka urang ruak ndih ndang, oh megei nao mai dalam dom harei, brei caik đệm di labik takai saong ka-ing, brei menyum dom janih jru patrun pandik gam tauk khan pandiak. Dalam dom harei meyah mboh pandik kaing oh ladam njauk nao iek ruak gah talang piah hu jalan pasiam ruak./.