Meyah mikva  mboh angaok dhar saong hala nho, tuk akaok mereip hu tal bimao màu mbong xám nhạt, hadei di nan salih tapa xám tro, angaok nan hu dom asal sit sambo màu jhuk nan lac phun nho nyu njaom ruak. Baoh nho njauk ruak hu tal tapung sambo màu mbong  xám; tuk uak tal tapung angaok mbaok baoh ye mboh sa inem ruak sambo màu xám tro angaok kanduh baoh. Inem ruak angaok hala cakrok patagok pambuak haong gauk ngak ka hala thu khiak dom labik prong, ruak trak ye hala nho nyu thu abih.

Bimao mbang tame dom labik yau dhar, hala meda, hala taha saong abih di nyu nan lac baoh. Dalam  bilan đông - xuân, ruak bhian tamuh, palai pajoa hadei di tuk tabiak bingu – ndam baoh  meng 5 tal 7 harei saong dui atah tal tuk nho tasak. Baoh nho njauk bimao mbang meda ngak ca-ai karac, ruak trak njauk cakak klaak abih chùm; nan ye, ngak patrun năng suất saong chất lượng di baoh nho. Dhar nho jeng njauk thu ka-iu, baoh njauk ruak ye padeih cakrok patagok, nyu khang atau ca-ai karac. Tui nan: Nhiệt độ siam laghaih ka bimao phấn mbong palai kaik nho cakrok patagok meng 25 – 300C; bimao ruak hu asal ôn đới nan ye langik la-ar, ruak bhian tamuh saong palai phun pala. Bimao phấn mbong ngak ka phun nho suai cakrok saong palai pajoa khang di tuk langik hu ralo taginum, âm u. Dom mejam nho halui saong kurang aia harei lagaih ka ruak cakrok patagok saong njaom mbak.

Tuk phun njauk ruak, mikva njauk buh khak ginup dinh dưỡng ka phun nho (abih di nyu lac khak đạm), patagok bruk pandar khak hữu cơ saong hữu cơ vi sinh. Bhian  pruh aia lagaih ka bein nho, jhul pakhang bruk pandar hệ thống pruh aia patak pataom ka nho. Juai caik ka bein nho hu độ ẩm glaong, abih di nyu lac tuk langik âm u dui atah; khik ka bein laneng, lahơi. Hadei di tuk nho nerak bingu, ndam baoh prong samu asal amariak kalu ye vệ sinh chùm baoh; meyah ndam baoh ralo njauk cakak klaak meneng saong khik veik meng 50- 60 baoh sa chùm piah ngak ka nyu laneng lahơi chùm nho. Cakak klaak saong pataom mek dom labik njauk ruak piah ba nao am cuh klaak. Dalam tuk ruak phấn mbong tamuh ralo saong ngak khut njauk pandar dom janih jru piah pametai anek ruak tui tacei pato di urang jakar gah pachreih nong.

Mikva juai pandar dom janih jru oh thau cambaih asal di nyu atau oh hu dalam  angan dom janih jru hu brei adat pandar angaok phun nho kayua mentri ngak nong saong patagok palei pala ba tabiak./.