BN: Makna ba tal ruak quai bị nan lac hagait pathau Bác sĩ?

BS: Ruak hu mboh gauk labik angaok dunya saong tok hu mboh pak manuac urang. Ruak bhian gaok pak uranaih saong umo vị thành niên, urang prong jeng meda njauk ruak min takik jang. Ruak kayua virus njaom tapa jalan suak yava saong jalan mbang huak, tapa aia paabah tuk urang ruak ndom, patuk, dung phal. Tuk njaom mbak ruak, virus cak rok patagok dalam khoang tỵ hầu saong hạch bạch huyết. Virus tagok glaong dalam darah meng 12 tal 15 harei hadei di tuk nyaom saong pambak tabiak dom labik karei dalam rup pabhap. Tukvak nyaom mbak meng 6 harei dahlau di tuk barah tuyến di tangi tal dua adit hadei tuk hu triệu chứng ruak kik. Tuk njauk ruak atau tuk hu kluak jru pacang caga, jaik abih meda lac miễn dịch ngan haong ruak quai bị.

   Urang halei jeng meda njauk ruak quai bị, urang likei mbuan njauk ruak jang urang kamei. Yau nan min, takik mboh quai bị di uranaih umo ala dua thun yaom lac uranaih tok hu khik caga dalam 6 bilan akaok mereip meyah amaik hu mbang njauk ruak quai bị. Hadei di 2 thun, ruak mbuan njauk jang, ralo di abih lac umo meng 10 tal 19 saong 80% ruak rah tabiak di uranaih umo ala 15 thun, bhian gaok di abih nan lac uranaih meng 6-10 thun. Urang prong jeng meda njauk ruak meyah oh klauk jru pacang caga dahlau di nan.

     Hadei di taom gaok haong vi-rút quai bị meng jaik 14 tal 24 harei, urang ruak mboh kan daok, mbang takik, pandiak, gaok tuk mboh ligah la-ar, pandik tarakon saong pandik ala kang. Hadei di nan, tuyến likuk tangi nyu barah prong dalam 3 harei blaoh nyu trun dalam jaik sa adit. Tuyến tangi meda barah 1 gah atau 2 gah. Meyah barah taong abih 2 gah ye 2 tuyến meda oh barah sa tuk haong gauk, tuyến 2 barah tuk tuyến 1 nyu trun barah. Labik barah bhian pambak tal mbaok, ala kang, jul tangi tagok angaok saong tabiak gah langiu; hu tuk pambak tal cada ngak barah di anek takoi.

 Urang ruak mboh yau pandik di labik tuyến njauk barah min kalik angaok labik barah oh pandiak saong oh pambuk darah, cagar veik haong dom trường hợp viêm tuyến tangi kayua vi trùng. Tukvak biểu hiện ruak jaik 10 harei. Yau nan min, hu jaik 25% urang njaom vi-rút quai bị bo oh hu triệu chứng ruak kik, ini lac dom urang mbuan pambak ruak bo manuac urang jaik taphia oh thau hu.

   .Ruak quai bị di urang prong bhian trak saong hu ralo biến chứng jang di uranaih. Meda hu dom biến chứng yau ini: Viêm tinh hoàn saong mào tinh hoàn, nhồi darah phổi, viêm buồng trứng, viêm tụy, pandik tian ralo, taglaoh ta-aok, gaok mai trun huyết áp, dom tổn thương thần kinh yau viêm glo akaok.

BN: Pasiam ruak ini yau habar Bác sĩ?

BS: Jalan iek ruak ka taong abih urang njauk ruak nan lac: brei urang ruak daok karei dua adit kuhria meng tuk tamuh ruak, vệ sinh cambuai tagei, mbang dom janih pandap mbuan luan, patrun pandik tui jalan metham ấm labik barah, trun pandik rup saong hạ pandiak meng jru Paracetamol. 

Meyah viêm tinh hoàn: Cuk capha dalam pok tinh hoàn tagok piah trun pandik. Pandar corticoid njauk liều, abih di nyu nan lac pandar liều prong tuk camereip njauk hu bác sĩ tacei pato. Blac raih tuk tinh hoàn njauk jhul kateik ralo./.