Dalam dom thun tapa, urang ngak nong angan Nông Văn Trúc daok di xã Phù Lưu, huyện Hàm Yên, tỉnh Tuyên Quang hu bac megru saong patagok pren khang di puk palei drei piah yam tagok ngak kaya meda. Sa-ai Trúc hu Trung ương Đoàn Dam dara Cộng sản Hồ Chí Minh pok brei giải thưởng Lương Định Của thun 2015 brei ka “Urang nong ranaih ngak mbang naih jioy”.

Tuk ba tangin tame ngak mbang kinh tế, sa-ai Nông Văn Trúc gaok ralo kan kandah tuk pala kam, sa-ai oh ka hu bac megru ilamu halei nan ye takik thau ka ilamu kỹ thuật, ngak ralo meng tangin, nan ye năng suất biar. Min meng hatai saneng lac “gam ngak gam bac megru”, thun 2004, sa-ai Trúc khang hatai nao mesre phun jien blei taneh pala iek 400 phun kam sành saong 50 phun quýt ba-ar, hadei di 5 thun bein phun di sa-ai hu paik baoh pablei saong laba hu jaik 100 triệu đồng. Mboh hu kein laba di phun kam sành, sa-ai Trúc brei peih prong mblang taneh pala kam sành. Tal urak ini, sa-ai Trúc hu 4 héc ta kam sành haong labaih 1 ribau  400 phun kam daok paik baoh. Bilan kam thun 2014, Nông Văn Trúc paik hu labaih 80 tấn baoh, kaoh abih phun jien buh tame, sa-ai daok laba hu 720 triệu đồng. Sa-ai Nông Văn Trúc brei thau: Dahlak palih ruah phun kam, kayua phun kam nyu lagaih haong taneh riya pak ini. Dahlak pataom pren yava tame iek glang. Hadei di nan mboh hu kein laba di tuk akaok mereip. Anak tal dahlak kuhria blei taneh peih prong mblang taneh pala phun kam.

Langiu di bruk cakrok patagok kinh tế sang, sa-ai Trúc daok kham merat jak ba dam dara urang đoàn cakrok patagok kinh tế, daong dom urang đoàn mesre phun jien saong tacei pato ilamu pala kam. Sa-ai Trần Văn Trung daok pak xã Phù Lưu, huyện Hàm Yên brei thau: Dahlau diah sang dahlak kan kandah ralo, oh hu jien, mboh sang dahlak yau nan, sa-ai Trúc jeng brei ka dahlak mesre jien piah pala kam sành. Tal harei ini kinh tế sang dahlak jeng hu tani tanat, yaok thun paik hu labaih 30 tấn kam. Kaoh abih jien buh tame dahlak daok jaik 200 triệu.

Theo anh Vũ Trung Thành, Bí thư Đoàn xã Phù Lưu, huyện Hàm Yên, mô hình kinh tế của anh Nông Văn Trúc là mô hình kinh tế thanh niên tiêu biểu của đoàn viên thanh niên trong xã, mang lại thu nhập hiệu quả cao không chỉ cho gia đình mà tạo công ăn việc làm cho các đoàn viên thanh niên. Tui sa-ai Vũ Trung Thành, Bí thư Đoàn xã Phù Lưu, huyện Hàm Yên, bruk ngak mbang kinh tế di sa-ai Nông Văn Trúc nan lac jalan ngak mbang kinh tế dam dara hadah krah di dam dara urang đoàn dalam xã, ba mai kein laba glaong oh lac ka baoh sang bo daok ba bruk ngak ka dam dara urang đoàn: Gam haong bruk ngak mbang patagok kinh tế, sa-ai Trúc jeng abih hatai hu mbaok tame bruk ngak di kapul dama dara jang yau dom phong trào karei dalam palei.   

Ngan saong dom bruk ngak hu meng kham merat oh padeih, giải thưởng Lương Định Của thun 2015 lac pren khang piah ka sa-ai Nông Văn Trúc oh padeih kham marat dalam bruk ngak mbang dak padang rai diuk, ngak meda ka sang brei saong rik daong ka bhap bani./.