Pathau mik va song tong abih gauk! Dalam bhap bini urang Thái daok di tỉnh Sơn La, ong Lò Xuân Thương lac sa dalam dom nghệ nhân biak naih gheih song rilo tác phẩm thơ ( khắp Thái ). Dom tác phẩm di ong lac dom asal kadha karei di gauk  hu mik va taduan mek yau sa janih pandap mbang dalam rai duik yaok harei, rik dong oh sit ka bruk jak ba mik va  ngak siam dom sarak di Đảng, hukum di karja. Lường Hạnh, urang vak di rayo sap ndom VN dok di Tây Bắc hu kadha vak khan ka ong.

Nghệ nhân Lò Xuân Thương ndih tapui thun 1933 dalam sa boh sang hu ilamu di palei Púng, xã Púng Tra, huyện Thuận Châu, tỉnh Sơn La. Meda lac kayua yau nan bo dom ragu yamen li-an di dom ragu daoh bhap bini, dom kadha khắp Thái nyu njom tame rilo darah ong meng tuk daok sit. Dom tác phẩm thơ (khắp Thái) bo ong paneh tabiak hu ndung bak suan yava di rai duik, brei mboh cambaih raiduik palei pala bhum glong. Ong Lò Văn E, daok di palei  Nong Quang xã Thôm Mòn, huyện Thuận Châu lac:

 Ong Xuân Thương lac rai camereip hu pato paneh dom tác phẩm văn học nghệ thuật. Meng dom harei camereip Hội văn học nghệ thuật bahrau hu padang tagok mbiah tal harei ni, ong hu biak rilo tác phẩm gheih hu mikva bangsa Thái takre song hu mikva pandar dalam dom rija roya, dom bruk daoh tamia dalam palei…….

Tapa rilo canah jalan patagok di taneh ia song di tỉnh Sơn La, nghệ nhân Lò Xuân Thương paneh tabiak hu labaih 200 bài thơ ( khắp Thái ). Dom tác phẩm hu caik veik dalam hatung hatai di mik va urang Thái yau Phun ban angaok puh”, “ Nao khik iek”, “ Raok troy Wa Hồ ”; “ Canah Jalan 70 thun taneh ia salih bahrau”,... bloh tal tuk vak salih bahrau, Sơn La kuhria caga ka bruk padang ngak Thuỷ điện Sơn La, ong brei tabiak tác phẩm Kayua jalan điện harei hadei di taneh ia”, “ Hadah miat ribau thun”,“ Gam sa jalan điện” piah pathau khan jak ba mik va bhum lòng hồ paduan nao labik dok bahrau kayua mik va urang Thái meng kan mai bhian randap saong bruk  yau Yuan lac “ăn  đời ở kiếp” oh salih labik daok karei. Dom tác phẩm di ong hu Hội Văn học nghệ thuật tỉnh Sơn La in song patabiak dalam dom tạp chí di  Hội. Hu tác phẩm hu dom nghệ nhân hu sap doh bingi pang daoh angaok riyak di rayo papar sap papar binguk Sơn La, danak dak sap Thái di rayo sap ndom VN song dom rayo puk palei labik hu rilo urang Thái daok, hu rilo mik va Thái takre pang. Ndom ka dom tác phẩm di drei, ong Lò Xuân Thương brei thau ;

Dom tác phẩm di hulin rilo meng pok meyaom puk paga, palei negar, urang siam, bruk siam, pathau khan pachreih ba mik va dak padang song khik caga palei negar, pachreih ba anek taco ngak siam nghĩa vụ quân sự yau tác phẩm “ Phun ban angaok puh, menei ala ia bilan... lang tabiak sap  phổ thông hu dom nhà thơ di Trung ương pok meyaom”

Nghệ nhân Lò Xuân Thương lac hội viên Hội Văn học nghệ thuật tỉnh Sơn La meng dom thun camereip bahrau padang Hội. Tapa rilo bruk ngak karei di gauk yau ye gru pato, urang jakar huyện Đoàn, akaok jabat Lâm nghiệp, akaok jabat Tuyên giáo, akaok jabat ilamu, Akaok mban tacei jalan bhum glong… tal thun 1985 ong padeih hưu. Yaom lac umo taha praong thun, min  meng hatai takre ilamu bangsa di drei, ong dok hu mbaok dalam Hội Văn học Nghệ thuật tỉnh Sơn La song kham merat paneh dom kadha khắp Thái. Ong dok lac Akaok Kapul urang umo taha xã Púng Tra, lac sa kreik camin hadah ka anek taco bac megru song ngak tui. Ndom tal bruk paneh kadha di drei anak tal, ong Lò Xuân Thương bui sambai brei thau:

Sơn La urak ni karei jang dahlau biak rilo, hu rilo sang glaong, jalan mbak praong siam, kraong Nặm La dahlau deih sa gah jaleih sa gah tambok tagok, harei ni hu karja buh jien tabiak ngak ar pacang di 2 gah takai kraong, mboh biak mekre. Dahlak daok caong paneh sa kadha pok meyaom Sơn La dak harei dak patagok, tapa nan meda hu rilo menuac jang mai tal Sơn La …

Nghệ nhân Lò Xuân Thương hu Đảng song karja pok brei huân chương kháng chiến chống Mỹ hạng nhất,  huy hiệu 25 thun urang lin ilamu, kỷ niệm chương ka bruk Văn học nghệ thuật, huy chương ka bruk jum pataom song rilo harak meyaom karei karei di mintri Ilamu thể thao song du lịch tỉnh Sơn La. Ong njauk lac sa nghệ nhân abih hatung hatai ka ilamu bangsa./.