Saai Mohamad Fantany ngak kong nhan kuah katak di nông trường cao su Bình Sơn meng di thun 1998. Meng tari tarieng dalam bruk ngak, abih di nyu nan lac sami samar, naih gheih dalam bruk kuah katak cao su, ba mai kein liba glong ka nông trường. Thun 2005 saai Fantany hu pok ngak tổ trưởng khik iek bruk kuah katak, khik iek 30 urang ngak. Meng nan saai bhian sangka iek glang tal rai duik dom adei saai urang dalam tổ. Saai caik hatai tal dom urang ngak hu rai duik kan kandah, samar khan brei công đoàn nông trường thau, pambuak bruk song dom kapul, nyaom karei, brei pandap ka rilo boh sang urang ngak kan kathaot. Thun 2013, saai likau công đoàn nông trường cao su Bình Sơn brei 5 pok pandap ka urang ngak dalam tổ, hu rai duik kan kandah, yaok pok pandap yaom 500 ribau đồng. Sang saai Nasinah, urang bangsa Cham, lac sang kan kathaot, dok rong amaik taha jaoh jo, saai nan lac urang duah jien raong menuac dalam sang. Yaom lac oh dok dalam tổ song gauk, min lac urang Cham song gauk, thau bruk kan kandah nan, saai Fantany pachreih ba saai Nasinah kham merat yam tapa, saong daok hu panuac ieu dom urang dalam nông trường dong  ka saai. Saai Fantany ndom lac

Băng tiếng Chăm:

Langiu di nan,  saai Fantany dok pambuak bruk song công đoàn di nông trường peih bruk me-in sambai doh tamia ka dom adei sit bangsa Cham dok di xã Bình Sơn dalam harei Tết trung thu, peih rilo danak dak yaih khan ilamu Cham ka dom urang ngak dalam nông trường. Ndom ka dom rik dong sit min biak hu makna di saai anh Mohamad Fantany, ong Đôn Hô Sên, Hakim sang megik  Al Islah, xã Bình Sơn brei thau:

Băng tiếng Chăm:

Meng kham merat dalam bruk ngak di nông trường, urak ni saai Fantany hu ba nao bac Hệ trung cấp kỹ thuật cao su, di sang bac Cao đẳng công nghiệp Cao su Bình Phước. Saai dok hu hadah mbaok meta lac 1 dalam 2 urang đảng bangsa Cham dok di xã Bình Sơn, hu brei rilo Bằng khen, rilo harak meyaom lac Đoàn viên, công đoàn viên naih ghieh kayua UB bhap bini tỉnh Đồng Nai, Hội chữ thập đỏ, Tổng công ty Cao su Đồng Nai song dom pakat, dom gah karei karei jao brei kayua ngak hu rilo bruk dalam bruk pakacah gauk anit ranam taneh ia 5 thun gam (meng thun 2000 tal thun 2004), pakacah gauk  sx, pakacah gauk ngak bruk siam./.