Pathau mik va urang nong: Dok bingi sahanang song bruk peih máy ủi, kayua hatai takre, saai  Phan Văn Phiệt  di xã Phước Diêm, huyện Thuận Nam, tinh Ninh Thuận salih tapa rong pabe. Takre bac megru, tuk camereip saai jak jeng song bruk hu tapon pabe labaih 300 drei.                

Dahlau deih sang saai Phan Văn Phiệt   dok di ban sit rilo chreih chrai, saai ngak bruk peih mac ủi. Min kayua takre bruk ngak nong, saai pablei sruh mac ủi hu 70 triệu đồng bloh ba aibh jien nan mai bhum taneh mbon ceik di xã Phước Diêm blei taneh ngak trang trại rong pabe. “Tuk bahrau yam tame bruk rong pabe hulin oh ka thau hagait. Labik ni langik pandiak  luac thun, tapon pabe palao taom dar dom mbon ceik, bruk pabe jaoh takai tuk labuk atau njauk ruak lac bruk oh takik. Yaok mbang ba pabe nao iek ruak atau ieu urang jakar thú y mai iek glang biak kan kandah kayua jalan dhuan biak atah, abih rilo pren yava song jien ndua.

Piah pasiam bruk ni, saai buh jien, tuk vak , pren yava nao tal dom trại rong  pabe prong dalam tỉnh piah bac megru, bloh blei harak mbao k4 thuật rong pabe mai piah duah thau. Bac tal halei, saai Phiệt ba tame pandar di trang trại tal nan. Tal urak ni, ilamu, kỹ năng rong pabe di saai biak gheih.

          meng tapon pabe 50 drei tuk camereip, urak ni saai Phiệt hu dalam tangin 300 drei pabe, dalam nan hu 170 drei pabe binai menek, 30 drei tano pajaih song 100 drei pabe pablei rilaow dok caga pablei. Kuhria taeng pabe pablei rilaow, kuhria rah tapa yaok thun, saai Phiệt pablei ka dom thương lái ba mai jien liba 100 triệu đồng.

Ong Huỳnh Đức Thắng – Phó Chủ tịch kapul urang nong huyện Thuận Nam brei thau, oh lac saai Phiệt bo dm po trang trại rong glang dalam huyện jeng hu hatai dong ba gauk gah ilamu kỹ thuật./.