Thun 2004, hu labaih 22 boh sang di phường 11 quận 8, ban raya HCM paduan ba mai ni song padang mbang ngui di xã Phong Phú, huyện Bình Chánh. Dalam dom harei camereip mai daok, mik va Chăm gaok rilo kan kandah yau oh ka hu điện, ia pandar, jalan mbak glut baok. Kayua dok atah labik dân cư, nan ye bruk nao mai bac daa di anek kamuan biak gleih glar. Yaom lac rai duik kan kandah, min mik va oh kadun likuk, tuk halei jeng pachreih ba gauk, dong ba gauk. Tal thun 2012, hu bruk sangka di karja palei yau brei mesraiy phun jien piah patagok KT boh sang, pambuak saong rilo DN sản xuất daong ka adei saai kamei hu bruk ngak di labik. Urak ni, hu labaih 15 boh sang kathaot urang Chăm labik ini hu jien mek tame meng 40 tal 80 triệu sa urang sa thun. Akaok thun 2016, MT negar xã, song UB bhap bini huyện pambuak bruk song dom DN hu pok nền ka 3 boh sang urang Chăm saong yaom jien abih tih labaih 30 triệu đồng, piah pasiam boh sang taik tahah ka mik va bangsa. Taphia di nan, xã dok brei thẻ BHYT ka 4 boh sang urang Chăm, dong jien bac Nguyễn Hữu Thọ ka 8 anek saih meng 1 triệu tal sa triệu 300 ribau đồng sa anek saih. Akaok thun 2016, xã hu buh jien tabiak labaih 1 tỷ đồng ngak jalan bê tông, ba điện, ia mai tal yaok boh sang, mbaok meta puk palei Chăm hu salih bahrau yaok harei. Saai Sa Li Kho, Phó Mban MT negar xã Phong Phú, huyện Bình Chánh, ban raya HCM brei thau: 

Băng tiếng Chăm:

Mai tal palei Chăm xã Phong Phú harei ni jeng mboh hu bruk salih bahrau di mik va Chăm labik ni, sang halei jeng siam mekre, blei ginup pandap panda piah pandar dalam sang, hu boh sang dok hu internet palagaih ka anek taco bac daa. Adei saai kamei hu mbaok tame bruk XH yau pakacah tangin gheih, pakacah ngak mbang huak dom janih pandap meng kan dalam dom harei rija roya meng kan di bangsa. Dom thun jiak di ni, labik ni hu rilo boh sang meng An Giang mai padang mbang ngui, rai duik kan kandah, urang rilo meng pah sang daok song cong hu bruk ngak tani tanat di ban raya. Yaom lac oh hu hộ khẩu, dok tạm trú di sang mik va gauk gar, min dalam harei rija roya, urang jeng hu karja palei brei pandap piah bui sambai tết song bhap bini. Bruk ni pachreih ba mik va jum pataom gauk, yam tagok patruh kathaot. Saai Dusos,urang dalam mặt trận xã, Phó mban đại diện jumaah xã Phú Lạc brei thau:

Băng tiếng Chăm:

Urak ni di palei 4 song palei 5 xã  Phong Phú dok 7 boh sang kan min . Dom boh sang dok veik hu rai duik meng mbiah tagok, dalam nan labaih meteh dom boh sang kayua thau kuhri kuhria ngak mbang jeng hu ginup meda jang. Rai duik mik va Chăm dak harei dak tagok meng pandap panda tal hatai sahaneng. Amuk Nguyễn Thị Thanh Thảo, Akaok  Ủy ban bhap bini  xã Phong Phú brei thau

Băng tiếng phổ thông: Piah pachreih ba bangsa Chăm dalam bruk ba drei tame song bangsa Kinh duik rai song patagok . Langiu di cơ sở vật chất, khol hulin dok dong ba tacei pato bruk tame hộ khẩu. Bruk hagait mik va oh ka thau, khol hulin brei kapul dam dara tal dong ba piah salih bahrau rai duik labik ni .

Dom salih bahrau dalam rai duik di mik va Chăm daok di xã Phong Phú jeng lac hu bruk sangka dong ba di karja palei gam song bruk kham merat yam tagok di mik va. Mik va daok patagok bruk jum pataom, dong ba gauk patagok KT piah patruh iek patrun kathaot, khang hatai khik kajap angan palei ilamu di xã bhum tapen ban raya HCM./.