Thun 1976, hu labaih 20 boh sang urang Chăm meng An Giang, ban raya HCM mai Bình Sơn padang mbang ngui song hatai khin hu sa labik dok bahrau, lagaih song adat cambat di urang Chăm Nam Bộ. Tuk bahrau mai, mik va Chăm dok tapen chraoh tui jalan du canh du cư, atau pablei salih sit sot piah duik rai. Kayua lac xã bhum atah bayah di tỉnh, nan ye rai duik di mik va Chăm gaok rilo kan kandah. Thun 1998 hu bruk sangka di Đảng song karja, mik va hu brei taneh piah pala drak, rong glang patagok KT boh sang. Langiu di nan, hadei di tuk hu rami ramik jeng puk - palei tui danak dak dong ba di karja, rilo mik va dalam umo ngak bruk hu tame ngak công nhân di nông trường cao su Bình Sơn song urang ngak di dom công ty, xí nghiệp. Saai Saroh, dok di palei 6, xã Bình Sơn brei thau, hu karja dong phun jien, song hu bruk tacei ba abih hatai jai di urang jakar pachreih nong, urak ni sang saai hu 5 drei limo. Saai Saroh lac:

Băng tiếng Chăm

Langiu di bruk  brei mesraiy phun jien, piah dong ka mik va Chăm patruh eik patrun kathaot, dom sarak an sinh XH ka bhap bini bangsa hu caik hatai sangka. Bilan Ramadam, dom harei Roya di mik va hu huyện, xã mai rivang, tadhau yhuh saong alin hadiah pandap. Langiu di nan, piah paglong akaok sahaneng dalam bhap bini Chăm, rayo papar binguk huyện hu caik loa papar sap di kreik palei piah bhap bini thau hu dom khau tin siam lagaih, dom bruk ngak, dom kadha prong. Taphia nan, karja puk palei sangka pachreih ba anek kamuan Chăm nao bac akhar haroh piah hu ilamu ka rup drei saong piah daong ka sang danaok harei hadei. Tal urak ni, anek kamuan urang Chăm tal umo nao bac jeng hu nao bac daa, urak ni hu 10 sinh viên dok bac Cao đẳng song Đại học di ban raya HCM  

Tal urak ni,  xã Bình Sơn oh daok hu sang taik tahak, padang ngak hu 5 boh sang anit ranam ka mik va Chăm tui yaom jien abih tih labaih 250 triệu đồng. Rai duik mbang ngui daok dang di mik va bangsa takik dalam xã oh padeih patagok, mik va urang bangsa takik pan njauk tui dom sarak di Đảng, hukum di karja. Thun 2006, karja  brei padang baoh sang megik praong abih 1 tỉ 500 triệu đồng, piah ka mik va Chăm hu labik sambah yang. Ong Nguyễn Bá Phúc, Akaok  Ủy ban bhap bini  xã Bình Sơn, huyện Long Thành, tỉnh Đồng Nai brei thau

Karja palei tuk halei jeng sangka peih ngak sarak brei ka mikva Chăm,ngak jalan, padang sang bac, bilai iek ruak, sang ilamu bangsa CHĂM piah hu labik ka mik va  main sambai. Anak tal, karja palei brei ngak jalan dalam palei Chăm, jien piah ngak jalan ni hu jak ba meng dom urang ngak pahla tui tanut chuẩn palei pala bahrau song hu ngak dalam thun ni.

Meyah dahlau deih, bruk nao mai di mik va Chăm gaok rilo kan kandah, abih di nyu nan lac tuk yam tame bilan hajan, jalan mbak glut baok, ye urak ni jalan nhựa pambuak pagam meng palei tal xã hu padang ngak song ba tame pandar, dong ka bruk nao mai pablei salih pandap panda di mik va jang yau bruk nao mai di anek saih hu mbuan lagaih. Ong Đô Rô Sen, Hakiem sang megris Islam Al Islah brei thau

Băng tiếng Chăm:

          Piah pabak veik bruk sangka di XH, mikva dom palei Chăm di labik ni dok patagok talei jum pataom, jhul pakhang song hu mbaok dalam bruk pakacah gauk, ngak njauk tui dom sarak di Đảng,hukum di karja. Pambuak bruk khang kajap haong dom gah chức năng, pacang cakak âm mưu di khol kanyah jak, patagok bruk jum pataom tong abih dom bangsa piah padang palei Chăm Bình Sơn dak harei dak khang kajap./.