Salih barau bhum tapeng negar Dak Lac

        Daok di kreh glai ram, dahlau thiah, raidiuk di labaih 100 sang gam saong jaik 500 urang dom bangsa Ê-đê, Mnông, Ja-rai, Lào di buôn Đrang Phôk jeng pagam pambak tame glai : cuh mek athur, cuh glai, jah tak glai ngak puh. Thun 2007, gah biên phòng Đắc Lắc ngak nòng cốt gam saong karja palei hu peih taneh bilau praong 17 ha, padang ngak hệ thống thủy lợi.  Kapul ngak bruk đồn biên phòng Sê-rê-pốc hu gam mbang gam daok, daong mikva ngak padai dua vụ, dak harei dak tani tanat raidiuk. Amuk Bun Kẹo Lào, urang buôn Đrang Phốk, brei thau : Meng harei hu karja daong, raidiuk di mikva drei hu salih bahrau rilo, abih eik lipa paje; Urak ini ngak padai jeng hu nang suat glaong, rilo padai jang.

       Pasang iek pren yava ka mikva, 10 thun dahlau, bộ đội biên phòng Đắc Lắc hu jak ba  apdang duk khám quân dân y di buôn Đrang Phôk, ba urang jakar y tế naih joi mai ngak bruk saong brei ginup trang thiết bị, jru tavao.  Meng nan, buôn Đrang Phôk oh daok jit ruak la ar dom, pandiak tabiak darah .  Mikva thau bruk pacang caga jru mek kayua mbang bimao glai, rilo cóc, rilo nưa…  Ông Y Không, daok di buôn Đrang Phôk, khan lac : Bhapbini kol dahlak daok di bhum atah bayah, dahlau thiah ruak kik oh hu gru jru tavao atau sang iek ruak, tok caong tame gru ieu yang, Urak ini hu bộ đội biên phòng 743 daong, bloh Bộ chỉ huy biên phòng bhian mai daong brei jru, iek ruak. Jru tavao hu daong tal sang, daong ka bhapbini bhum atah bayah yau kol dahlak abih ruak. Kol dahlak ndua dhar phuan bộ đội rilo.

      Ndom ka dom bruk daong bhapbini di bộ đội biên phòng, Đại úy Phạm Văn Hứng, Chính trị viên phó Đồn Sê-rê-pốc, lac : Ngak siam bruk jak ba bhapbini, pala drak, ngak padai, paglaong mbang ngui daok dang ka bhapbini, tapa nan raidiuk di mikva dak harei dak patagok, uranaih hu bacda-a, rik daong paglaong akaok sahaneg, dak harei dak tah klak dom adat klak oh daok lagaih, saong bhapbini kham merat pambuak saong bộ đội biên phòng khik caga chủ quyền an ninh tapeng negar.

     Hu bruk daong di karja saong bộ đội biên phòng, buôn Đrang Phôk hu pandar menyek negar, hu công trình ba ia pandar praong, hu trạm y tế quân dân y, sang bac ka uranaih…, raidiuk di mikva dak harei dak salih bahrau. Ông Lê Tiến Dũng, Phó akaok uy mban bhapbini xã Krông Na, huyện Buôn Đôn, brei thau : Dahlau thiah mikva pala drak tui jalan ngak klak năng suất bair. Tuk hu dom kapul daong, abih di nyu nan lac bộ đội biên phòng tacei pato alamu ye mikva sangka ngak tui, paglaong nang suat phun pala, abih di nyu nan lac padai; meng di nen raidiuk bhapbini hu salih bahrau saong trun hu áp lực tame beir quốc gia Yok Đôn, akaok sahneng di bhapbini ka bruk khik caga glai hu paglaong, rik daong khik caga tài nguyên saong  môi trường sinh thái.

    Buôn Đrang Phôk tok lac sa dalam biak takik buôn palei di bhum tapeng negar daok salih barau ngan saong bruk daong di bộ đội biên phòng Đắc Lắc.  Dalam 4 thun jaik ini, biên phòng Đắc Lắc hu peih 4 tan bac xóa mù chữ ka bhapbini bhum tapeng negar, iek ruak , brei jru saoh ka labaih 10 rabau mbang urang, padang yaok pluh công trình dân sinh saong alin brei yaok ratuh baoh sang ka dom sang kan kandah di dom xã tapeng negar. Brei rilo urang jakar urang đảng mai puk palei daong mikva dalam bruk ngak mbang yaok harei, gah  biên phòng kak kajap saong bhapbini, dak padang bhum tapeng negar hòa bình tani tanat patagok. Đại tá Nguyễn Lương Hòa, Chính ủy Bộ chỉ huy Bộ đội biên phòng tỉnh Đắc Lắc, brei thau: Kol dahlak thau bruk jak ba bhapbini lac bruk praong, lac jalan piah peih ngak dom bruk nghiệp vụ karei. Neh rabha dom kan kandah di bhapbini bhum tapeng negar, bộ đội biên phòng Đắc Lắc hu ba tabiak ngak rilo danakdak hu yaom glaong, yau ye danakdak brei sang daok ka urang kathaot tapeng negar, pajaih limo ka urang kathaot, danakdak daong adei nao bac, danakdak quân dân y, xóa mù chữ saong phổ cập pato megru tiểu học…Dom bruk ngak ini hu daong ka bhapbini bhum tapeng negar trun takik kan kandah. Ini jeng lac bruk piah bộ đội biên phòng Đắc Lắc tri ân bhapbini hu raong, hu daong neh rabha kan kandah saong bộ đội biên phòng daok khik caga chủ quyền an ninh negar ./.

Thúy Linh