Sang bac THPT An Lạc Thôn, labik roh duah ilamu hu angan di Sóc Trăng
                                                             

            Mai meng bruk lac ngak yau habar piah khik li-an suai dom klaok ia hu ướp li-an tuk ba tui, gam siam gam mekre, kapul 3 adei anek saih Trung học cơ sở di Sang bac Trung học phổ thông An Lạc Thôn hu La Ngọc Mỹ, Nguyễn Thị Hảo saong Lê Thị Hạnh Nhi sahneng mboh saong ngak tabiak kadung khik li-an. Meng klaih xốp cách nhiệt saong vải vụn, dom adei jhik jeng kadung khik li-an mbiah saong bình caik ia hu talei kak, lagaih ka bruk khik piah saong mek klaok ia tabiak menyum. Tui taong yaom, dom kadung ini khik li-an hu tal 98%. Adei Lê Ngọc Hạnh Nhi, tal bac 7A1 lambaok kapul khan lac: Kayua ia menyum lac bruk oh kurang hu di anek menuac jeng ye di anek saih, dalam tuk lingik dak harei dak pandiak ye ia menyum ướp li-an hu anek saih biak takre. Tuk anek saih blei ia ướp li-an bhian hu sa kadung ni lông piah caik, min kadung nan oh khik li-an hu saong bhian klak nao tuk ia hu menyum bloh, nan lac sa bruk ba tal nerak alam môi trường, nan jeng lac đề tài di kol adei.

     Sa bruk karei ngak tabiak pandap siam ka alam môi trường jeng lac di kapul anek saih di sang bac nan lac ngak jru halak sinh học. Tui kapul anek saih roh duah đề tài, urak ini sản lượng phun pala kayua halak palai kaik dalam taneh ia drei saong di dunya lac biak praong. Bhap bini abih rilo tukvak saong jien padai piah pacang caga meng bruk pandar jru hóa học piah pametai halak, ngak jhak tal alam môi trường saong pren yava anek menuac.

     Daok jru halak sinh học bo dom adei roh duah nan hu ngak meng dom janih phun tamuh eng, dalam nan rilo meng lac phun thuốc dại saong phun thuốc cá. Meng jalan ngak biak mbuan, abih takik jien min ba mai kein laba kinh tế, oh nerak alam môi trường nan ye kein laba gah xã hội biak glaong, lagaih haong jalan ngak urak ini. Adei Nguyễn Minh Tường, daok dalam kapul roh duah đề tài brei thau: Hu mbaok tame roh duah khoa học biak bui sambai, nyu pambuak bruk bac saong bruk ngak iek. Tapa nan jeng ba panuac tal kol adei lac njauk khik caga alam môi trường ka raidiuk hijao, hacih, mekre. Urak ini angaok báo đài mboh lac bruk nerak alam môi trường dak harei dak rilo saong baoh taneh dak harei dak pandiak tagok.

    Tapa ngak iek mboh lac, jru halak sinh học ini pametai hu tal labaih 90% halak palai kaik njam patam, saong daok khik hu hacih sa-at kaya nong. Dom adeicaong lac, đề tài meda ba tabiak pandar rilo piah salih ka dom janih jru halak hóa học ngak nerak alam môi trường yau urak ini.

       Kadung khik li-an saong jru halak sinh học jeng lac 2 đề tài bo gru saong anek saih di sang bac THPT An Lạc Thôn mek hu giải dua saong giải klau dalam bruk pakacah “Giải thưởng Sáng tạo xanh” mbang ka 1 kayua Tổng cục Môi trường pambuak bruk haong Trung ương Đoàn TNCS Hồ Chí Minh peih ngak. Gru Nguyễn Ngọc Hải, pato môn Sinh học, sang bac THPT An Lạc Thôn, jeng lac urang hu mbaok tapak tacei pato, daong ka dom anek saih roh duah đề tài, brei thau: Piah hu đề tài ka dom adei pakacah giải pakat negar, meng labaih 1400 bài, dom adei hu 2 đề tài mek hu giải. Kham merat di dom adei lac biak rilo, meng tuk dom adei sahneng tabiak tal tuk ngak hu tui hatai sahneng di drei. Biak di nyu njauk ndom lac, tuk ndom tal roh duah khoa học thei jeng sahaneng lac tok hu sinh viên dom sang bac đại học, cao đẳng, hu bruk sangka dahlau daih di gru hiệu trưởng Nguyễn Hữu Tình, ngak ka dahlak pamedeih tagok hatai takre roh duah. Meng nan, dahlak tacei pato dom adei anek saih, tuk tacei pato ka dom adei ye drei mboh biak takre jang, kayua dom adei hu biak rilo hatai sahaneng siam. Dak roh duah ye mboh đề tài di dom adei dak dalam jang, peih praong jang saong ba mai kein laba glaong jang.

     Tal urak ini, baoh sang bac An Lạc Thôn hu meng 33 thun nan hu labaih 13 thun hu mbaok tame dom bruk roh duah khoa học, sáng tạo di tỉnh, di taneh ia saong di dunya. Urak ini sang bac hu 9 kapul anek saih tame roh duah khoa học, dalam nan hu rilo kadha hu cei gru, anai gru taong yaom glaong saong daong ka dom adei ngak. Lingiu 2 kadha bahrau mek hu giải, sang bac daok hu labaih 60 giải thưởng dalam saong lingiu negar, dalam nan hu dua mbang sang bac tame pakacah pasiam bruk pandar saong khik caga halau ia di Thụy Điển, hu taong yaom lac ý tưởng siam saong daok dalam top 25. Lingiu di nan, hu dom đề tài hu ba tame pandar saong daok peih tabiak ngak dalam huyện./.