Sang iek ruak B. Chanh-labik hadah dalam pacang caga tham nhũng

Jaik di ini, bruk sang iek ruak huyện Bình Chánh nộp 433 triệu đồng jien pandap alin tame kadung jien karja saong ba tame pathau khan pacang caga tham nhũng di uy mban bhapbini ban raya HCM hu rilo urang sangka. Sang iek ruak Binh Chanh jeng lac labik hu rilo kham merat dalam bruk pacang caga tham nhũng di gah y te urak ini. Bich Huyen urang vak daok di ban raya HCM hu kadha vak ndom ka bruk ini. Daa mikva saong grauk yut tui pang:

 Yaom jien 433 triệu đồng bo sang iek ruak huyện Bình Chánh barau nộp tame kadung jien karja lac jien daong ka sang iek ruak meng rilo phun jien karei di gauk dalam 9 bilan tapa. Ini lac jien kayua dom urang ngak pahala rik daong, cty pambuak bruk alin brei dalam dom tuk tet, lễ saong tuk pahadar harei gru jru VN. Langiu di nan, dom jamraik, pandap hu alin brei iek tui yaom jeng hu kuhria tabiak cambaih saong cih tame sổ sách. Taong abih dom khoản thu ini hu ba tame gah jien padai - kế toán saong pathau khan cambaih laih yaok bilan piah urang jakar, viên chức sang iek ruak thau. Lac sang iek ruak di huyện daok rilo kan kandah nan ye sang iek ruak Bình Chánh hu kakei taong abih y, bac sy oh taduan mek jien bồi dưỡng meng urang ruak. Bác sĩ Hồ Trúc Lệ, akaok sang iek ruak Bình Chánh ndom lac ;Nan lac taong abih jien daong di công ty saong gah pambuak bruk haong sang iek ruak alin ka sang iek ruak, kol dahlak jeng ba abih tame kadung jien karja. Dalam khik rimik jien padai ye jien mek tame karei lac labik taduan mek paok jien ini. Ini oh lac jien di urang ruak alin bac sy. 

Ini oh lac mbang akaok mereip sang iek ruak huyện Bình Chánh nộp veik jien alin kayua puac thun 2014, labik ini hu nộp labaih 400 triệu đồng tame kadung jien karja. Dalam tuk dom sang iek praong di ban raya HCM tukvak tapa njauk dom gah chức năng duah mboh rilo bruk ngak suan dalam pandar kadung jien karja ye dalikan tantu, cambaih laih dalam pandar jien padai di sang iek ruak Bình Chánh lac biak karei saong njauk pok meyaom. Ini jeng lac labik biak pachreih tui dom bruk jak ba piah paglaong y đức tapa bruk ngak cambaih laih bo gah y tế dalam taneh ia daok ba tabiak. Dalam nan, bruk brei thau cambaih dom yaom jien mek tame pambuak saong paglaong chất lượng iek ruak piah padang hatai jia di urang ruak, rik daong pacang tham nhũng, tiêu cực hu Sở Y tế ban raya Hồ Chí Minh biak caik hatai sangka. Ông Nguyễn Anh Tuấn, Chánh văn phòng Sở Y tế ban raya Hồ Chí Minh brei thau : Meyah ngak njauk tui quy định di hukum, nộp mai lac biak siam. Tukvak tapa dom labik y te di ban raya jeng taduan bruk daong di dom urang ngak pahala tui rilo jalan, yau radaih cứu thương di Vietinbank, máy hít thở, jien brei kadung jien lisei từ thiện saong daong urang ruak kathaot. Dom urang ngak pahala jeng pambuak bruk ngak pahala haong sang iek ruak. Tui njauk quy dinh, tuk taduan mek jien daong di gah langiu ye dom sang iek ruak njauk hu pathau khan ka bruk pandar jien nan yau habal. 

Tal tukvak ini, sang iek ruak Bình Chánh lac labik akaok mereip di ban raya nộp veik kadung jien karja meng jien pandap alin. Tukvak tapa, taong abih dom paok jien daong di sang iek ruak tuk halei jeng hu pathau khan ka thanh tra huyện Bình Chánh thau cambaih tui Quyết định 64/2007 di rjaei ka bruk alin pandap, taduan mek pandap saong kak nộp veik kadung jien karja. Bruk ndom lac “oh” saong phong bì dalam labik ngak bruk biak “ nhạy cảm” saong bruk brei thau cambaih jien padai ini hu karja ban raya taong yaom glaong saong maong lac nao dahlau dalam bruk pacang tham nhũng, tiêu cực di dom cơ quan, labik công quyền urak ini. Ông Võ Văn Quận, akaok uy mban bhapbini huyện Bình Chánh brei thau : Tui pathau khan tổng hợp bahrau hu sang iek ruak Bình Chánh nộp veik pandap alin. Ini lac sa điển hình bo dalam dom mbang nyaom, pathau khan ka bruk pacang caga tham nhũng, kol dahlak jeng hu ba tabiak brei thau. Ini jeng lac labik sahaneng mboh siam quy dinh di rajaei ka bruk nộp veik pandap alin. Dalam bruk brei thau quy dinh pacang caga tham nhung, taphia bruk samar brei thau ye kol dahlak jeng tacei tabiak dom labik ngak siam yau sang iek ruak Bình Chánh piah ka dom labik karei ngak tui bruk nộp veik pandap alin. 

Bruk halan hatian nộp veik pandap alin di sang iek ruak huyện Bình Chánh –sa labik y tế di langiu ban raya HCM daok rilo kan kandah gah cơ sở vật chất, ngak ka urang caik hatai sangka oh lac meng yaom jien bo nan lac di labik ứng xử saong pandap alin di dom urang jakar, nhân viên y tế pak ini. Bruk ngak gheih mekre nyu patabiak meng ý thức tự giác ini hu rik daong jhul pakhang bruk pacang caga tham nhũng, pamaong tal bruk dak padang sa gah y tế cambaih laih saong siam mekre jang./.