Dahlau deih tuk oh ka hu điện, rai duik dom boh sang urang Khmer bhum palei pala Sóc Trăng biak rambah rambeip. Oh hu điện truac hadah, jalan mbak sup palup, anek klamuan bac daa meng gom menyek, bruk pang  rayo atau iek tivi piah  thau dom khau tin jeng biak kan … Hu bruk sangka di Đảng, karja song gah điện, bhap bini Khmer di palei pala urak ni hu điện pandar, raidiuk dak harei dak siam jang. Saai Kim Hiếu dok di palei  Kinh Ngang, xã Long Phú, huyện Long Phú khan lac: 

Băng (Khmer) 38 giây: Dahlau deih sang pandar điện meng sang gauk gar jeng mboh biak kan kandah, tuk hajan hangin talei điện nyu klaoh,biak nguy hiểm. Urak ni  hu karja tame điện brei saoh, hulin biak bui sambai, điện hadah sang, hu tivi iek, anek bhik bac daa hu siam jang.

Oh lac pabak ka bruk pandar dalam sang, bruk pala drak di mik va jeng hu mbuan lagaih jang meng tuk hu điện. Ngan song tỉnh Sóc Trăng, kayua mik va rilo meng ngak nong, hu điện, rilo boh sang Khmer khang hatai buh jien tabiak blei mô tơ pruh ka mblang hamu, pandar dalam bruk rong glang song dalam bruk rong kaya ikan, meng nan bo tagok jien mek tame ka dom boh sang, dong ka KT dak harei dak tagok glong, rik dong patruh eik patrun kathaot. Saai Kim Hiền, Trưởng ban bhap bini, gam lac Bí thư chi bộ palei  Kinh Ngang, xã Long Phú brei thau, dalam palei hu 351 boh sang, rilo meng lac mik va Khmer ye hu 344 boh sang hu điện pandar . Ong Kim Hiền ndom lac, bruk sangka di Đảng song karja hu dong ka rai duik di mik labik ni oh padeih salilh bahrau

Băng (Khmer) 29 giây: Saman ong muk hu điện halei pandar. Urak ni hu điện ye biak bui sambai, bui sambai ka mik va drei . Urak ni dok 7 boh sang tra oh ka hu tame điện. Di labik ni hei jeng uan tabuan, abih di nyu nan lac ong muk taha, uan tabuan lo Ngak hagait jeng mbuan lagaih, dahlau deih rong pabui njauk nao naong ia mai rao var ro, urak ni, peih mô tơ ye hu ia rao salah.  

Atah di ni 5 thun, tuk dự án pabak điện ka boh sang oh hu điện oh ka hu peih ngak, ye di rilo labik puk palei, bhum atah bayah di tỉnh Sóc Trăng meda lac oh hu điện negar piah pandar . Boh sang dalam tỉnh pandar điện tok hu 87% song boh sang urang Khmer bahrau hu labaih 67%. Bruk ngak mbang, ngak huak di mik va biak kan kandah.

Peih ngak dự án pabak điện ka dom boh sang oh hu điện, dalam nan rilo meng lac bhap bini Khmer, meng thun 2011 mbiah tal ni, tỉnh Sóc Trăng hu labaih 45 ribau boh sang hu pabak điện pandar tani tanat, patagok boh sang hu điện dalam tỉnh labaih 98%, dalam nan boh sang mik va Khmer hu điện tagok labaih 97%. Bruk hu makna jang lac rilo dự án hu pabak điện chip hadei di tuk ngak salah bloh njauk tuk lễ hội, tết di mik va yau  Chôl-Chnam-Thmây, Ok-Om-Bok và Sênê dônlta ngak ka bhap bini dak harei dak jia jang tame jalan ngak, sarak di Đảng song karja. Ong Huỳnh Minh Hải, Giám đốc Điện lực tỉnh Sóc Trăng brei thau:

Băng: Dự án ngak hu mbuan lagaih meng hu bruk sangka di Đảng, karja, tỉnh Ủy, UB bhap bini tỉnh, gah điện song dom mban, ngành dalam bruk tacei pato, peih ngak. Lingiu di nan, dự án oh lac piah pablei salih bo pabak ka bruk chính trị,dong ka mik va bangsa patruh iek patrun kathaot, paglaong rai duik, yau nan ye taduan hu bruk  njauk hatai di rilo bhap bini dalam bhum dự án. 

Taphia di nan, meng puac thun 2015, công ty điện lực Sóc Trăng hu peih ngak dự án pabak điện palei pala meng điện lưới negar ka tỉnh Sóc Trăng song yaom jien abih tih labaih 426 tỷ đồng. Dự án hu pabak điện ka labaih 12 ribau boh sang di palei pala, tui kuhria hu bngak salah bloh di thun 2020

Lingiu di nan, dom danak dak padang ngak cơ sở hạ tầng ka bhum bhap bini Khmer tapa dom danak dak 134,135, dom dự án padang ngak di dom gah giao thong, y tế , pato megru, bưu chính viễn thông, dom danak dak lưới điện trung, hạ thế hu padang ngak di grauk bhum palei pala, bhum atah bayah, bhum bhap bini bangsa takik. Meng nan, dong pabak siam rai duik, bruk ngak mbang, patagok khang jang dom kein laba di dom danka dak dự án patruh eik patrun kathaot ka dom boh sang Khmer, ba bhum palei pala Sóc Trăng “ salih bahrau mboak meta”  yaok harei./. 

Thạch Hồng, VOV-