Dom thun 80 di abhap dahlau, ong  Lê Văn Vui tok duik, tuk nan mbang taneh 7.000 m vuông, ong pala tabau song padai . Kayua taneh beir bhian dauk ia gam njom likhun mbak yau nan ye kein liba biak takik. Tuk dự án ngọt hóa palao Cà Mau hu padang ngak dom thun hadei di nan, hu ia taba, ong Vui pala bimao pong song rong pabui piah tagok jien mek tame. Tapa labaih 10 thun ngak, ong Vui mboh lac, phun tabau oh dok lagaih, ong khang hatai salih tapa pala phun kanduik pagam gha bình bát hu 500 gha. Ong Vui brei thau, janih phun pala ni diuk hu dalam ia dauk song likhun mbak. Ni jeng lac phun pala hu jalan patagok KT tani tanat. 

-Băng 32 giây:Thun 2003, hulin mboh phun kanduik ni, hadei di ni darak pasa meda yaom glong, hulin pala taneh sang 5000m², labaih 500 phun. Hadei di nan thun 2004,2005 hulin blei taneh 9.000m²  piah pala. Paik boh meng thun 2006 mbiah tal ni nyu tani tanat labaih 8-9 thun ni mai ye. Phun kanduik drei lai tạo pagam gha bình bát, nyu diuk hu dalam ia dauk, likhun mbak, yau nan ye ia dauk min nyu tamuh siam, oh njuak hagait.

Pala kanduik pagam gha bình bát hu mong lac bruk peih akaok ka jak jeng bahrau di ong Vui dalam bruk duah thau song peih prong phun pala lagaih song taneh riya, labik taneh beir, njom likhun mbak di Mỹ Quới.

Hadei di tuk iek glang, kanduik hu siam mekre. Tui kuhria mboh di ong Vui,   meng thun 2006-2010, sang ong mek hu labaih 200 triệu đồng dalam sa thun meng kanduik . Oh klak tapa bruk patagok pren khang janih phun pala ni, ong peih prong tagok 1,3 ha ngan song 1000 gha kanduik pagam gha bình bát. Taeng thun 2005, phun kanduik di ong brei sản lượng 27 tấn, hu labaih 500 triệu đồng. Abih di nyu nan lac, meng jalan ngak brei boh tabiak njauk bilan nan ye darak pasa pablei tabiak hu tani tanat, khik hu kein liba glong.

Lingiu di phun kanduik, ye padai, bimao pong song pabui hu ba jien tame ka sang ong Lê Văn Vui yaok rituh triệu đồng. Ong Vui brei thau:

-Băng 38 giây: Tuk camereip gaok oh takik kan kandah. Yau rong pabui nyu aih chraoh, raong livik drei meng thau. Bloh dom đại lý jeng tacei, ruak coli ye drei pacang yau habar, jru iek ruak ngak  yau habar, Urak ni bruk rong glang hu siam mekre ye. Dok bruk pala phun ye thun ni lac labaih 10 thun ye, drei jeng thau iek glang nan ye phun takik metai. Ngak padai drei jeng thau, pruh jru ye hu kein liba glong.  

Meng ilamu gam song bruk duah thau ka darak pasa piah pamong tal bruk sản xuất hiệu quả, ong Vui salih tapa pajaih padai siam, pabak hatai caong di darak pasa nan ye PAblei hu yaom song mek hu kein liba glong. Thun bloh sang ong liba hu jiak 300 triệu đồng meng pala padai cao sản. Langiu di nan, ong dok pablei hu 14 tấn pabui hơi song 1 tấn bimao, abih tih kein liba di pabui saong bimao paong hu labaih 140 triệu đồng

Bruk ngak mbang hu kein laba meng phun kandiuk pagam gha gha bình bát di ong Vui hu PAMBAK prong. Ong  Huỳnh Văn Cường, Phó Chủ tịch Ubbhap bini  xã Mỹ Quới, ban sit Ngã Năm, brei thau: bruk kham merat di ong Vui rik dong biak prong ba bhum taneh likhun mbak tok ngak padai song tabau harei halei, urak ni hu bak phun kanduik pagam gha bình bát, gam lagaih song  biến đổi khí hậu, gam brei kein liba glong

            -Băng 30 giây: Tapa bruk ngak di ong Lê Văn Vui, gam pala phun mbang boh, bloh pala padai, rong pabui, dalam nan  phun kanduik brei kein liba glong di abih. Dut song pala padai ye glong jang 5 mbang, phun pala ni diuk hu dalam pandiak, dalam  mbak. Patagok phun kanduik ye urak ni xã jeng peih prong hu labaih 167 ha phun  kanduik  gai.

          Meng bruk ngak hu yau nan, ong Vui hu pok brei angan lac urang nong ngak mbang naih joi rilo thun gam. Abih di nyu nan lac, thun 2015, ong hu Akaok negar pok brei huân chương lao động hạng 3, kayua hu thành tích xuất sắc dalam bruk ba ilamu kỹ thuật glong tame bruk ngak mbang pala drak, ba mai kein liba. Bahrau ni, Ong hu Mban chấp hành TƯ Kapul urang nong VN pok brei angan “ Urang nong VN xuất sắc thun 2016”./.