Lâm Đồng lac tỉnh nao dahlau oh lac dalam bhum Tây Nguyên bo ngan song dalam negar dalam bruk ngak nong tui jalan pandar công nghệ glong. Urak ni, abih tih mblang taneh pala drak pandar công nghệ glong di Lâm đồng lac 49 ribau ha, meblah 17% taneh ngak nong. 9 DN di Lâm đồng hu mintri ngak nong song patagok palei pala pok brei angan lac DN pandar công nghệ glong, meblah 35% dut song dalam negar. Tok hu 17% mblng taneh ngak nong, min bruk ngak nong công nghệ glong tagok tal 80% yaom xuất khẩu di tỉnh. Lâm đồng dok peih bruk ngak lac 50% taneh ngak nong di tỉnh ni pandar công nghệ glong. Ong  Phạm S, Phó chủ tịch Ubbhap bini tỉnh Lâm Đồng lac :

 “ Urak ni bruk ngak nong công nghệ glong jeng sa jalan ngak prong , langyah ka bruk ngak kaya meda. Di tỉnh Lâm đồng ye dom janih phun pala praong yau te, café, njam patam, ia tasau song rilaow jeng hu pandar công nghệ glong. Jalan ngak di mban tacei pato di tỉnh  lac tagok bruk ngak nong, min brei khik ramik môi trường sinh thái.

Gam song bruk ngak nong công nghệ glong, Lâm đồng dok peih ngak cơ chế đặc thù bo rajaei brei ka ban  Đà Lạt, nan lac patagok du lịch, dalam nan hu bruk du lịch biệt thự dalam glai. Ni jeng lac sa bruk prong ngak brei patagok kinh tế- xã hội di Lâm Đồng anak tal.

Dom harei puac thun 2016, UB bhap bini tỉnh Gia Lai  peih ngak hu siam Nyaom biai xúc tiến đầu tư tame  Gia Lai  song Tây Nguyên. Di labik ini,  UB bhap bini tỉnh Gia Lai hu pok panuac tagok rajaei, dom mintri, dom gah pasang iek  cơ chế đặc thù ka tỉnh song bhum Tây Nguyên. Gia Lai jeng nao dahlau abih dalam 5 tỉnh Tây Nguyên  ka bruk salih hành chính. Tapa nan, thun 2016 tỉnh yam tagok 38 bậc, dang 13/63 tỉnh thành, dut song thun 2015. Bruk nan brei mboh cambaih di abih dom kham merat di tỉnh piah pasiam bruk đầu tư. Ni lac bruk siam pachreih hatai dom urang đầu tư song meng nan , dom po đầu tư hu hatai jia dalam bruk ieu đầu tư di tỉnh . Ong Võ Ngọc Thành chủ tịch Ub bhap bini tỉnh Gia Lai lac

“ Khol hulin jia lac nyaom biai xúc tiến đầu tư di tỉnh Gia Lai thun 2016 meda lac sa bruk praong piah ka tỉnh khai thác dom kein lagaih bo tỉnh dok hu. Hulin jeng hu ginum biai song dom sở, mban , ngành  tui jalan lac tỉnh hu ngak tong abih, palagaih di abih piah dom po dầu tư mai duah thau, mbaoh tangin pambuak bruk, bloh peih ngak dom dự án hu siam lagaih di abih

Jeng pagam tal bruk dui pachreih đầu tư, puac thun 2016 Ub bhap bini ban  Kon Tum, tỉnh Kon Tum peih nyaom biai klah rabha ilamu dui pachreih đầu tư song rilo doanh nghiệp dalam song langiu  tỉnh hu mbaok tame. Lambaok dom doanh nghiệp ndom lac, khin dui pachreih hu  đầu tư, tỉnh brei klaak hu dom paga pacang, yau dalam bruk bayar jien giải phóng mặt bằng, bruk brei mesraiy phun jien, bruk oh ka lagaih dalam langyah thủ tục hành chính di sở, ngành chức năng. Biak caik hatai sangka tal bruk anek menuac, amuk  Lưu Thị Nga, Giám đốc Công ty TNHH Thương mại Vinh Quang 1, urang hu 10 thun hu ilamu dalam bruk ngak mbang gah bất động sản di  Kon Tum brei thau:

 “Sa dalam dom kadha praong piah ka dự án hu brei adat, peih ngak song ngak jeng, ye bruk prong di abih nan lac jalan meta maong di urang dang akaok Meta maong di urang dang akaok tong yaom, pachreih tui ye dự án di po đầu tư mek hu siam lagaih. 

 Tây Nguyên yam tame thun 2017  song sa pren khang bahrau. Sa kadha njauk uan tabuan dalam bruk ngak nong, lac bruk ngak mbang duah jien di rilo bhap bini Tây Nguyên nan lac: Dom mbang hajan ia sua dalam dom harei puac thun yaom lac ngak khat lihik, min daok ba mai kein laba biak prong.Tong abih dom danao thủy điện, thủy lợi di Tây Nguyên hu bak ia. Bilan thu daok tal mai, urang ngak nong di Tây Nguyên takik duh hatai ka bruk pandiak bhang, kurang ia pandar, kurang ia pruh ka phun pala. Yaom cà phê, cao su, dom kaya nong di Tây Nguyên, jeng tagok tal 30% dut song thun bloh. Yau nan, thun 2017, Tây Nguyên  hu tal 3 bruk siam, gah thủy lợi, darak pasa kaya nong song cơ chế chính sách. 5 tỉnh dalam bhum khang hatai mek hu jak  jeng prong./.