Tet anit ranam ka urang ngak

Pathau mikva saong grauk yut ! Dom harei ini, di ban raya HCM dom mban, nganh, kapul nyaom daok kham merat iek glang ka urang ngak nao palei mbang tet meng dom blah vé anit ranam saong dom paok pandap hu makna praong. Kim Dung, urang vak di rayo sap ndom VN  daok di ban raya HCM hu kadha vak “ tet anit ranam ka urang ngak”, daa mikva saong grauk yut tui pang :

6 thun tapa, kayua sang kan kandah, ông Lê Văn Thạch, palei daok pak Hà Tĩnh,  urang ngak di Công ty Trách nhiệm hữu hạn DaJu daok dalam khu chế xuất Linh Trung 1, quận Thủ Đức, ban raya Hồ Chí Minh oh meda nao palei mbang Tết. Thun ini, hu alin vé radaih saong sa paok pandap piah nao palei mbang tet saong amaik ame taha, ông Thạch chreih chrai lac : Dhar phor tal ban raya hu payua alin ka dahlak blah vé, dahlak ngak ariya yau ala ini : atah palei min jeng tự hào ka palei. Ndua dhar phuan ban raya anit ranam, peih bruk alin vé ka kol drei nao palei. Yaok thun tet mai xuan tal, anek  mboh vil tam dar bui sambai. Atah palei anek mboh pandiak hatai, hadar tal palei amaik angan Lào yuk tapa.

Ông Lê Văn Thạch lac sa dalam jaik 4 rabau 400 urang ngak hu alin “ blah vé anit ranam” dalam harei Tết Bính Thân thun ini. Danakdak kayua Công đoàn dom Khu chế xuất - Khu công nghiệp ban raya Hồ Chí Minh peih ngak tui jalan jak ba doanh nghiep pataom tame rik daong 70% yaom vé, cong đoàn doang 30% yaom daok veik, piah urang ngak sang kan kandah meng Phú Yên tabiak dom tỉnh gah Brak meda nao palei mbang tet. Thun ini, dom urang ngak di dom tinh Tây Nam Bộ, Tây Nguyên jeng hu Công đoàn dom Khu chế xuất - Khu công nghiệp ban raya brei 8 sruh radaih ba nao tal palei raok tet haong gauk gar.

     Ông Nguyễn Văn Khải, Phó akoak Liên đoàn Lao động ban raya HCM brei thau, cong doan ban raya iek glang tet ka jaik 395 rabau urang ngak,viên chức, hu sang kan kandah ngan saong yaom jien lac 500 rabau đồng yaok urang. Ông Nguyễn Văn Khải daok brei thau lac:  Urak ini, tui tacei pato di ban raya ye kol dahlak meda pasang iek abih gah, abih di nyu nan lac dom labik bo oh ka hu tổ chức công đoàn, hu peih bruk pataom  jien bloh tacei pato dom pakat công đoàn, trun ravang doanh nghiệp saong alin pandap ka công nhân. Ini lac jalan piah hadei ini pachreih urang ngak tame tổ chức công đoàn.

        Ngan saong dom urang ngak oh hu nao palei mbang tet, langiu labaih 2.800 paok pandap yaom labaih 1,4 tỷ đồng kayua công đoàn saong dom doanh nghiệp pambuak bruk alin brei, daok hu pataom tame rilo bruk ilimo – daoh tamia karei. Pasak daong dam dara urang ngak ban raya meda peih danakdak “ Bui tet Bính Thân gam dam dara urang ngak atah palei ” di 10 khu sang trọ, khu daok ilimo, alin 500 paok pandap ka dam dara urang ngak sang kan kandah…Mban khik ramik dom Khu chế xuất – Khu công nghiệp jeng pambuak bruk saong Sở Giao thông vận tải ban raya daong 1.000 tập vé radaih buýt saong 1.000 vé ravang iek Hội Hoa Xuân Bính Thân 2016 ka urang ngak. Ông Nguyễn Thành Đô, akaok Công đoàn dom Khu chế xuất- Khu công nghiệp ban raya Hồ Chí Minh brei thau : Thun ini kol dahlak pambuak bruk saong kapul dam dara urang đoàn dom khu chế xuất, khu công nghiệp, peih mbang pakacah  xuân anit ranam, dalam nan hu mbang pakacah trang trí dhar mai, dhar đào piah ka urang ngak pataom tame ngak, hadei di nan mek dom tác phẩm nan alin ka urang ngak kan kandah oh hu jien padai nao palei mbang tet. Taphia nan hu peih bruk pakacah ngak pei nung, tui kuhria hu 25 kapul tame pakacah saong hu 500 mbaik pei nung . 

Ngan saong dom urang ngak kan kathaot atah palei, bruk iek glang bak hatai anit ranam di ban raya hu ba mai ka dom urang nan sa tet trei sir, siam mekre. Kadha nan jeng pachreih ba urang ngak bruk saong kak kajap jang haong doanh nghiệp, haong labik ngak dalam thun barau .

Thúy Linh