An Phú lac huyện tapen negar di tỉnh An Giang, hu jalan tapen negar haong Campuchia, hu labaih 8.800 urang Chăm, rilo meng dok di 5 xã  Đa Phước, Vĩnh Trường, Nhơn Hội, Khánh Bình song Quốc Thái. Dahlau deih, rai duik di mik va dok gaok rilo kan kandah kayua ilamu takik. Dalam dom thun jiak di ni, hu bruk sangka di Đảng song karja, mbaok meta dom palei Cham dak harei dak salih bahrau. Dalam langik liar di harei tết anek sak kara, khol hulin nao rivang dom palei Cham piah gam bui sambai uan raok tết hong mik va bhum tapen negar ni.

Huyện tapen negar An Phú hu 5 palei Chăm, dok di tapen krong Hậu. Mikva Chăm di labik ni tui agama Islam nan ye uan raok thun bahrau tui tak-wim (saka Islam). Dalam dom thun jiak di ni, urang Cham jeng uan raok tết yau dom bangsa karei karei dok di taneh ia VN. Dalam dom harei ni, di dom palei Chăm jeng daok chreih chrai uan raok thun bahrau, jalan mbak, sang danaok hu rami ramik mekre meta, tual bak bingu la, gom sambo hadah tanyak. Urang kamei Chăm dalam khan ao meng kan di bangsa ginup sambo hadah, mik va bui sambai uan raok tết nao rivang gauk gar, adei sa-ai puk palei. Rilo sang rik jien tame blei menuk, limo, pabe, sik ngak dom janih pandap mbang di bangsa drei yau Cary, Kubuai, thoraca, piah mbang song payak tuai.

Dalam dom thun jiak di ni, hu bruk sangka di Đảng song karja, rai duik di mikva Cham hu patagok song tani tanat jang. Yaok thun tuk tết mai, dom urang nao ngak mbang atah jeng ba gauk mai sang. Dalam tuk ini, mik va bhian ngak likhah ka anek bhik. Meng nan dom harei tết jeng lac tuk jeng duik jeng pasang di rilo dam dara. Tuk tết mai, dom paleri Cam hu biak rilo ndam likhah, ni jeng lac tuk rilo tuai du lịch daok dalam song langiu negar mai du lịch tỉnh An Giang hu duah thau ka adat cambat tanarakum di mik va Chăm labik ni. Ong Salech, Na-ib sang megik Khoy riyah, xã Nhơn Hội, huyện An Phú brei thau: Tuk va tapa, tỉnh AG oh padeih buh jien tabiak padang ngak cơ sở hạ tầng tal dom bhum atah bayah, bhum urang bangsa takik. Taphia di nan,, AG sangka peih prong dom tour du lịch, dalam nan hu tour nao rivang danao ia Búng Bình Thiên.

Yaok thun tal bilan ia ndik, huyện An Phú hu peih “ Harei patom ilamu bangsa Chăm”, dalam nan hu pakacah ngak mbang huak, thể dục thể thao, doh tako, cuk ngui khan aow meng kan, padang veik ilamu likhah caga di urang Chăm. Mik va Chăm di tỉnh An Giang jeng hu mbaok tame dom bruk main sambai ni. Dalam thun bloh, An Phú hu dong brei taneh ka 70 boh sang urang Chăm dok di 5 xã hu labik dok bahrau piah uan raok thun bahrau anek sak kara ngan saong yaom jien abih tih labaih 2 tỷ 400 triệu đồng.Tui saai Đoàn Thanh Việt, Trưởng phòng bangsa huyện An Phú, tỉnh An Giang: Yaom lac huyện tapen negar min bruk an ninh chính trị hu khik kajap. Mik va Cam tuk halei jeng thau jum pataom gauk, ngak siam dom sarak di Đảng, hukum di karja. Boh sang kan kathaot dalam bhum mik va Chăm urak ni dok 9% min . Ni lac bruk bui sambai ka mik va Cham daok di bhum tapen negar ni : Di bhum mik va urang Chăm langiu di bilan ramadan, song roya Haji ye dok hu tết nguyên đán. Di huyện An Phú, urang pan akaok huyện, UB bhap bini, UBMT negar biak sangka tal mik va bangsa takik. Ngan saong urang Chăm tui agama Islam khol hulin hu dong brei brah, saradang, menyek mbang. Yaom lac tết di urang Yuan min urang Chăm jeng mbang tui ngak ka tết chreih chrai bui sambai jang.

          Rai duik di mik va Chăm dak harei dak salih bahrau, jalan mbak nao mai, điện, sang bac, bilai iek ruak... hu padang ngak siam. Taphia di nan, rilo danak dak, sarak di karja hu dong ka mik va hu taneh ngak mbang, hu mesraiy phun jien, hu daong ilamu kỹ thuật piah patagok KT, dak harei dak tabiak truh kan kathaot. Di labik ni, rilo boh sang bahrau hu padang tagok, rilo dam dara hu jeng duik jeng pasang.

Tui bhian randap, dom harei akaok thun jeng dom harei chreih chrai di mik va Chăm. Dom ndam likhah, tagok sang bahrau, mbang cakak mbuk hu ngak  dalam tuk tết ni, ngak ka harei tết dak bui sambai jang. Bruk mbang tết patak patom ni  jeng sa adat cam,bat, sa ilamu mekre di mik va Cham An Giang./.