Tien Giang: Vú sữa Viet pablei tapa Mỹ - jalan nao barau di gah baoh kayau Viet Nam

      -Tui Sở ngak nong –patagok palei pala Tiền Giang, 2 tấn baoh Vú sữa mbang akaok mereip pablei tapa Hoa Kỳ hu ba nao tal libik. Gah pambuak bruk blei hu pablei blaoh, urang blei gah Hoa Kỳ taong yaom glaong chất lượng baoh Vú sữa di Tiền Giang. Dahlau nan, ala bruk hu mbaok di urang dang akaok mintri ngak nong saong patagok palei pala taneh ia drei, uy mban bhapbini tỉnh saong lambaok mintri ngak nong Hoa Kỳ, Tùy viên đại sứ Hoa Kỳ, Công ty TNHH sản xuất chế biến kaya nong Cát Tường hu ba 2 container hu 2.000 kg baoh Vú sữa pablei tapa Hòa Kỳ.  Dom baoh kayau ini hu pilih ruah meng 56 ha beir phun Vú sữa chất lượng glaong di urang nong dom xã : Long Hưng, Bàn Long, Hữu Đạo, Phú Phong, huyện Châu Thành.

 -Ông Võ Văn Men, Chi cục phó, Chi cục pala drah –khik caga phun pala di Sở ngak nong –patagok palei pala Tiền Giang brei thau: piah pablei hu tapa Hoa Kỳ, baoh vú sữa njauk pabak hu dom bruk catang ye: libik pala, ky thuat pala njauk tui chuẩn di Hoa Kỳ, abih di nyu nan lac ngak njauk quy trình  kỹ thuật pala hacih, oh kandaong labaih khak, jru hóa học saong brei hu mã số. Daok libik tame kadung baoh kayau hu chứng nhận pabak bruk ba tabiak saong sang mac chiếu xạ ka baoh vú sữa hu gah Mỹ chứng nhận. Kayua yau nan ye, lô pandap ini hu dom gah chuyên môn, doanh nghiệp saong sang beir pambuak bruk siam, catang piah hu dom baoh vú sữa chất lượng: Piah khik ka baoh Vú sữa nao tapa darak pasal  Hoa Kỳ, drei hu tacei pato urang nong pacang caga jit ruak; dalam nan pilih ruah dahlau jru sinh học. Ka dua lac njauk tacei pato urang nong mbao baoh meng tuk baoh daok sit. Kayua drei mbao baoh chất lượng biak siam. Dua tra veik, takik pruh jru nyu meda ngak patagok yaom di baoh vú sữa, takik khat lihik. Meng nan chất lượng saong năng suất baoh biak glaong.

-Lô vú sữa akaok meti pablei tapa Hoa Kỳ, Công ty TNHH sản xuất chế biến kaya nong Cát Tường blei di sang beir yaom glaong jang duk saong yaom di darak pasal dalam taneh ia meng 2 tal 3 mbang. Lingiu di nan, sang beir daok hu đầu tư khak drak, pandap mbao baoh saong taceo pato ilamu pala tui tiêu chuẩn GAP. Hu pablei tapa darak pasal kan tame, sang beir Tiền Giang jeng ye bhum taneran kraong Cửu Long biak chreih chrai kayua meng ini hu jalan tabiak ka janih baoh kayau ini. Sang beir oh daok sahaneng tal bruk tak klaak phun ini piah pala dom janih phun mbang baoh karei. Ông Đặng Hoàng Thọ, sang beir pala phun vú sữa di ấp Nam, xã Long Hưng, huyện Châu Thành khan lac :Vú sữa hu pablei tapa Hoa Kỳ lac bruk bui sambai ka urang nong. Kayua ka sa lac palaong yaom vú sữa ka urang nong. Tapa nan nyu jeng ngak catang gah an toàn pandap mbang yau nan ye caik ka urang nong njauk salih jalan pala drak piah ngak tabiak pandap siam gah thiah meng blei.

Hoa Kỳ lac darak pasal blei njam patam baoh kraoh praong ka 3 di Viet nam, min ini jeng lac darak pasal catang gah chất lượng pandap. Kayua yau nan ye, bruk pablei lô vú sữa akaok meti tapa darak pasak Hoa kỳ lac bruk pachreih ba khang piah urang bhapbini pala vú sữa sahanang hatai đầu tư pala drak tui njauk quy trình kỹ thuật. Gah doanh nghiệp jeng salih jalan meng blei pandap srau kadau tui mengkan tapa pambuak bruk saong sang beir, gam saong sang beir khik iek, ngak tabiak baoh vú sữa ginup tiêu chuẩn pablei tabiak taneh ia lingiu.

Hadei di sa tukvak ginum biai jaik 10 thun, gah Hoa Kỳ hu taduan blei Vú sữa di tỉnh Tiền Giang. Vú sữa lac sa dalam 7 janih baoh kayau đặc sản di Tiền Giang hu ba pablei that di Hoa Kỳ.  Ini lac jalan peih tabiak ka janih baoh kayau ini. Kayua tukvak tapa, năng suất takik, chất lượng bair saong bruk pablei tabiak oh tani tanat nan ye kein laba oh glaong. Sang beir dak harei dak kaoh klak phun vú sữa, meng taneh pala labaih 3.000 ha,  trun daok labaih 1.000 ha. Urak ini, lô baoh vú sữa di tỉnh Tiền Giang hu darak pasal Hoa Kỳ blei lac bruk jak jeng tuk akaok mereip. Tapa nan nyu pachreih sang beir - doanh nghiep yam tal jak jeng barau meng lô pandap ka dua saong hadei di nan.

Meng dom siam lagaih tuk akok mereip saong bruk ngak di sang beir –doanh nghiep haong karja puk palei dalam bruk ba baoh vú sữa tapa Hoa Kỳ, jia lac baoh vú sữa di Tiền Giang jeng ye bhum taneran kraong Cưu Long daok pambak tame dak harei dak rilo darak pasal kan tame. Ini jeng lac jalan peih tabiak ka baoh vú sữa jeng ye dom janih baoh kayau karei di Viet Nam par glaong, par atah saong brei thau angan kaya nong Viet di darak pasal dunya./.