Ong Sa Liêm peih 1 trại ngak pandap meng kayau pak palei (xã Quốc Thái, huyện An Phú, tỉnh An Giang) di thun 1991 ngan haong phun jien labaih 50 triệu đồng. Tal harei ini, trại ngak kayau di ong Sa Liêm hu ralo  mac moc, jamriak bahrau. Pandap panda di trại kayau ini hu ralo tuai damuai di dom tỉnh Bhum taneran kraong Cửu Long saong negar ayut Campuchia thau tal.

    Ong Sa Liêm brei thau, dom thun tapa, karja palei tuk halei jeng pachreih daong, yaih khan tal dom urang jakar pak dom xã jaik taphia mai blei pandap. Kuhria rah tapa yaok bilan, xưởng kayau di ong pablei hu labaih 70 janih pandap, ralo meng lac meneng, tu, bàn kik dom janih, khuôn bambang…...“Tukvak tapa, dahlak hu ralo menuac blei mai meng ralo labik. Urang ngak sang ralo tal,  đặt dahlak ngak ghing, tu, meneng, bàn kik tui mẫu mã di urang. Mai meng nan kinh tế gia đình dahlak đỡ jang,  dahlak bayar sre ka karja hu hasit, saong patak pataom hu hasit piah peih prong bruk ngak mbang.

     Tui ong Sa Liêm, nghề kayau brei hu palak tangin gheih ngak, akaok sahneng sáng tạo, saong brei kham merat ngak tabiak dom mẫu mã bahrau, samar thau hatai caong khin di darak pasar. Pandap ngak tabiak brei kajap, brei siam meng padang hu angan je haong urang blei. Ong  lac, akaok mereip, ong tok taduan ngak tu, bàn, kik ka mikva, lac pandap mbuan ngak piah mek pren ngak laba saong paglaong tangin ngak. Hadei di sa tukvak hu angan je siam, pandap panda di ong hu ralo urang thau tal saong duah mai blei. Drei ngak kayau hagait drei ndom kayau nan, yaom kaom gap takre nan ye hu ralo urang jia. Urak ini, xưởng kayau di ong hu ba bruk ngak ka ralo dam dara di puk palei  ngan haong yaom jien bilan biak tani tanat.

     Tui ong Đoàn Thanh Việt, Akaok jabat bangsa huyện An Phú, tal urak ini, kinh tế sang ong Sa Liêm hu grap tanat jang. 2 urang anek likei prong di ong daok tui bruk di ame. Karja palei tuk halei jeng nao gam haong ong Sa Liêm saong bhap bani urang Cam: “Dalam bruk ngak mbang di ong Sa Liêm, karja palei biak sangka tal, daong ka ong hu mesre phun jien (Kadung jien negar ba bruk ngak) saong Gilang pariak Sarak karja jeng hu brei ka ong mesraiy jien ngak mbang. Yaok bilan, xưởng kayau di ong hu ba bruk ngak ka 5-10 urang ngak ngan haong yaom jien bilan 7-8 triệu sa bilan”.

      Urak ini, trại ngak kayau di ong Sa Liêm hu yaom labaih 2 tỷ đồng, jien mek tame saong jien laba meng xưởng kayau di ong oh padeih patagok. Ong Sa Liêm tuk halei jeng halar hatian pato veik bruk ngak kayau ka anek kamuan urang Cam piah hu jalan ngak meda angaok bhum palei di drei./.