Saai Đạo Thanh Thích daok pak  xã Xuân Hải, huyện Ninh Hải, tỉnh Ninh Thuận lac sa tỷ phú padang mbang ngui meng sruh mac liua MTZ saong mo hinh ngak kinh te trang trai. Kadha urang ngak hamu caong thau harei ini yaih khan bruk ngak meda meng taneh palei drei di saai Thích.

Ty phu meng mblang taneh

-Bac tamat khóa I khoa Quản lý kinh tế di sang bac Trung cấp Nông nghiệp Thuận Hải, saai mai palei tok diuk saong ngak kaya meda meng sruh mac liua. Saai khan, maong mblang hamu Phước Nhơn praong jaik 250 ha drak 3 vụ padai caga hu ia pruh meng thủy lợi kênh Bắc min oh ka hu thei blei  mac liua. Yaok vụ, mikva pah mac li ua meng Khánh Hòa mai ngak taneh, saai khang hatai mesraiy jien di gilang pariak 5 trieu đồng saong ieu pataom jien di gauk gar veik 10 trieu dong, tabiak Khánh Hòa duah blei mac liua  MTZ kayua cơ sở raong kra di ban sit Nha Trang pablei veik. Saai Thích lac sa dalam dom urang nong akaok meti di palei Phước Nhơn blei hu mac liua MTZ, piah li-ua taneh mbang pah ka mikva dalam palei.

Pak dalam mbang trun pajaih akaok mereip, mac liua di saai Thích nduac abih công suất, daong urang nong di puk palei trun pajaih sumu thời vụ. Taphia nan, pambuak bruk ngak taneh ka urang nong xã Phước Thuận, huyện Ninh Phước. Mboh bruk caong khin ngak taneh meng jamriak dak harei dak glaong, saai  Đạo Thanh Thích blei veik sruh mac liua MTZ ka dua yaom 12 triệu đồng. Urak ini saai Thích hu 3 sruh mac liua, 1 sruh mac yuak đập liên hợp, 1 mac cuộn pông barau yaom labaih 1 tỷ đồng gam piah ngak bruk ka sang gam piah ngak mbang pah ka urang nong dalam palei.

Saai Đạo Thanh Thích daok padang hu mô hình kinh tế trang trại praong 18ha.  Saai Thích brei thau, mblang taneh ini kayua ông amuk gauk gar caik veik, dahlau thiah pala njam patam baoh kraoh mbang ia lingik, drak sa vụ bấp bênh. Hadei tuk ngak mbang patak pataom jien, saai kham merat buh jien tame caoh ribong ba ia tame pala drak meng thủy lợi kênh Bắc tame danao padang pandar môtơ điện chủ động bơm pruh pala 3 vụ/sa thun. Dalam nan hu 9ha hamu padai pandar mô hình “1 njauk,  5 trun” drak dom pajaih TH 6, TH 41 hu năng suất meng 6-7 tấn/sa ha/sa vụ, sản lượng hu 180 tấn/sa thun. Kuhria ta-eng jien mek tame meng pala padai, yaok thun saai laba hu jaik 500 triệu đồng.

-Daok veik 8ha pala njam saong 1ha pala hareik pabak pandap mbang hijao ka 250 drei pabo saong 65 drei limo. Piah ginup pandap mbang caik ka tapol athur labaih 300 drei, saai Thích hu  padang baok sang tiền chế praong 120m2 ngak libik caik 2.500 cuộn pông, jaik 40 tấn. Meng pông dalam hamu padai di saong pông blei veik, pandar mac cuộn pông pajeng nao trang trại. Saai pandar phuong pháp ủ pong tagok men vi sinh brei pandap mbang ka athur tui jalan bán thâm canh. Mô hình trang trại ngak mbang pablei salih hu kinh te glaong di saai Đạo Thanh Thích brei jien mek tame labaih 900 triệu đồng/sa thun; ba brei bruk ngak gam gam ka 8 urang ngak hu jien mek tame tani tanat 4 triệu đồng/sa bilan.

Kadha „ urang ngak hamu caong thau harei ini tal ini likau padeih. Kadha kayua rayo sap ndom Viet Nam pambuak saong pasak pachreih nong negar peih ngak.