Ong Sìn Văn Phong lac urang rai ka 5 dalam sang hu menuac ngak gru ieu yang meng kan mai. Meng tuk dok sit ong bhian hu ame drei lac gru ieu yang  Sìn Láo Xỉ khan brei thau dom dalikan ka ilamu di bangsa Pà Thẻn meng kan. Tal thun umo 11, ong hu tacei pato veik dom adat cambat, dom kadha cúng lễ song brei nao tui bac bruk ngak gru ieu yang. Bac hu 3 thun ye ong padeih piah bac akhar haroh song hu mbaok tame ngak bruk di xã. Umo 29 thun, ong bac veik bruk ngak gru ieu yang song hu cấp sắc mbang camereip hadei di nan sa thun, hu ngak gru ieu yang, kakuh muk kei. Meng nan, dalam 10 thun gam, ong hu cấp sắc tal pakat glong di abih song lac nghệ nhân hu pakat glong di abih urak ni dok dalam bhum, hu adat brei cuh aow gru ieu yang, cúng bayar lễ, giải hạn, ba ndam metai, ngak phép thần.

Thun 1994, ong salih ka ame peih ngak adat patoa bruk ngak gru ieu yang, ni lac adat piah ka dom gru ieu yang taduan anek saih song pato veik dom ilamu piah jeng sa gru ieu yang ka rai hadei, cúng lễ hội chat apui. Tal urak ni, nghệ nhân Sìn Văn Phong hu labaih 30 thun ngak gru ieu yang di bangsa Pà Thẻn. Oh lac ngak gru ieu yang dalam dom adat cambat di palei, ong Phong dok hu yaih khan ilamu meng kan di bangsa Pà Thẻn tal rilo labik dalam negar yau peih ngak  rija chat apui di Nyaom roya bangsa takik dom tỉnh bhum ceik gah barak (Thái Nguyên thun  2011); hu mbaok di mbang pakacah duah tài năng Việt Nam (Hà Nội thun 2012)...

Suh sah song bruk pato tacei ilamu bangsa di bangsa Pà Thẻn, ong Phong lac sa dalam dom nghệ nhân akaok meti pachreih tui bruk padang Kapul nghệ dân  bhap bini xã xã Tân Bắc ( thun 2012) song lac sa dalam urang abih hatai jai dalam dom bruk ngak di Hội. Ong Phong khan lac: “Ilamu meng kan di bangsa Pà Thẻn di palei ilamu thôn My Bắc biak rilo song biak karei. Meyah oh patua veik ka rai hadei ye oh meda pambuak pagam song tui tuk vak nyu lahik nao”. Meng hatai sahaneng yau nan, ong peih tal pato ngak gru ieu yang ka anek kamuan dalam puk palei piah rai uranaih thau ka halau gha di bangsa Pà Thẻn. Tal bac hu peih tabiak hadei di tuk ngak adat truyền nghề di harei 16/10 tui saka ia bilan yaok thun. Tal bac hu dui atah tal harei 15 bilan 1 thun hadei meng padeih song tal harei 16 bilan 10 hu peih veik. Tui kuhria yaok tal bac hu jiak 10 anek saih umo meng 7 thun tagok, bac tuk melam meng 8 tuk tal 11-12 tuk. Sa mbang bac ngak gru ieu yang dui atah takik di abih lac 3 thun. Ong pato ka anek saih dom adat cúng, angan je di ong kaok ong kei, angan je di dom rai gru ieu yang dahlau piah anek saih hadar song hadei di yaok tukvak bac, anek saih hu ngak lễ cấp sắc. Meng nan, rilo urang dalam palei ( dalam nan hu anek likei, taco likei di ong lac Sìn Ngọc Thái, Sìn Văn Tâm) thau cambaih dom adat ieu yang, dom kadha cúng meng kan di bangsa Pà Thẻn.

Meng dom rik dong di drei, ong Sìn Văn Phong hu akaok negar alin brei angan Nghệ nhân Ưu tú, kayua hu buh pren yava khik ramik song patagok inem krung ilamu di bangsa song rilo harak pok meyaom di tỉnh. Ni jeng lac bruk pok meyaom ong abih hatai jai ka bruk pato pakai, khik ramik ilamu meng kan ka rai rah harei hadei./.

                                                                           K/T bao dan toc mien nui