Piah ba dom xã tabiak truh kan kandah, ngak hu danakdak 135, Quảng Ninh hu rilo jalan ngak gheih. Gam saong bruk patagok kinh te, bruk salih jalan sahneng, daong bhapbini dak padang raidiuk ilimo meng dom bruk ngak biak sit ye: bah sang, lauk kaning yaok harei. Kadha vak di Trường Giang –urang vak di rayo sap ndom VN daok di bhum Đông Bắc brei thau ka bruk ini, daa mikva saong grauk yut tui pang:

-Yaok var page, hadei di tuk abih urang dalam sang medheih tagok, anek likei, metau kumei nao ngak, amuk Tằng Nhì Múi daok di bản Quảng Mới, xã Quảng Sơn, huyện Hải Hà, Quảng Ninh mek gai puh bah trah, puk ramik sang danao, meng gah dalam sang tal lingiu mblang bein. Meng phui, kamo, caning, khan ao dom taco prah klak srau kadau, amuk jeng rami ramik tani tanat. Urang Dao Thanh Phán di bản Quảng Mới dahlau diah oh randap rami ramik yau nan, meng harei hu urang jakar Kapul urang kumei xã, huyen mai tal sang tacei pato, pachreih ba, bruk ini meng jeng bhian randap. Amuk Tằng Nhì Múi brei thau: xã, huyện jeng tagok mai ini pandar rami ramik haci hacih yau nan, pandar lauk mềm, kaning, bah hacih sang, danaok, mblang bein jeng bah, jalan nao jeng bah. Rami ramik hacih mboh la-an bingi jang.

 -Daok dom urang likei dalam bản, bruk jah gauk nao kuac ribong kraong, buac hareik, pala phun tapen jalan hu jeng bruk bui smbai dalam dom harei padheih padhaiy harei Car, harei adit. Saai Voòng Sáng Lằm, bản Quảng Mới khan lac: Tuk halei drei daok di sang ye nao ngak hareik di takai jalan, ieu dom adei saai gam ngak. Dahlak oh daok di sang ye ieu diuk nao ngak. Nao buic hareik, glaong rilo ye mek mac kaoh, bair lac mek tangin buac. Rami ramik blaoh maong mboh hacih, gheih, mekre jang.

-Xã Quảng Sơn, huyện Hải Hà lac xã bhum glaong biên giới, sa dalam  22 xã kan kandah di danakdak 135 tỉnh Quảng Ninh. Oh lac kan kandah dalam ngak mbang kinh te, bruk mbang ngui daok dang di mikva jeng daok rilo kan kandah, takik haci hacih. Amuk Đặng Thị Phượng, akaok kapul Liên hiệp urang kumei xã Quảng Sơn brei thau:  bruk kan si salih di abih lac akaok sahneng. Bhap bini oh pang tui, gaok tuk mai puac  traok min kol dalhak jeng kham merat tame ngak, tacei pato piah mikva maong mboh sang danaok gheih mekre. Dom labik công cộng, dom, jalan tame palei mblang hareik kandon pambuk, kol dahlak tame ieu yaok sang 1 urang. Hadei di 2,3 mbang lac mikva thau tự giác, tal harei adit mboh libik halei nerak mikva eng drei tabiak rami ramik haci hacih.

-Bruk ngak di xã Quảng Sơn tok lac sa dalam rilo bruk ngak kayua gah Mặt trận negar saong dom kapul nyaom chính trị - xã hội huyện Hải Hà ba tabiak, piah salih jalan sahneng di mikva di dom xã kan kandah. Thun 2017, dalam huyện Hải Hà peih ngak hu 48 mô hình mẫu di 16 xã, ban sit ngan saong labaih 700 var ngak hacih alam môi trường, pachreih labaih 43 rabau mbang urang pataom tame. Trun palei, nao rah tui dom jalan urak ini mboh hu rilo bingu sim, bingu mười giờ nerak bak jalan, mblang beir haci hacih laneng lahei. Ông Nguyễn Thế Hòa, akaok mBan Dân vận, akaok  Mặt trận negar, akaok Cơ quan Khối huyện Hải Hà brei thau: Kol dahlak mboh bui sambai kayua ngak hu dom bruk bhapbini pachreih tui saong urak ini daok peih ngak praong. Dom bruk ngak hu di tuk akaok mereip, kol dahlak njauk ngak sumu gauk rilo bruk ngak jang, piah pabak caong khin dalam raidiuk di urang bhapbini daok kan kandah. Bruk daok pamaong tal di kol dahlak lac caong khin dom sang bhapbini dalam huyen jeng ye bangsa takik hu sa mblang beir gheih, mekre, haci hacih.

-Urak ini, mô hình ba 400 var raong tabiak atah sang daok, raong glaong hacih saat daok hu Hải Hà peih ngak siam. Mikva urang Dao, Tày di dom palei kan kandah hu pilih libik daok tui caong khin di drei, gam dak padang “ chung cư trâu”. 3 palei di xã Quảng Phong urak ini hu ngak blaoh 13 nyaom sang ngan saong labaih 40 sang hu libik kreik kubao hacih yaom 100 triệu đồng meng jien xã hội hóa. Bruk hu var raong hacih gheih jeng lac jalan piah ka dom sang bhapbini hu daong kubao, limo pajaih, patagok kinh te sang. Meda ndom lac, bruk paglaong akaok sahneng di mikva tame nề nếp mbang hoak, daok dang, libik diukrai daok kak kajap saong paglaong mbang ngui, ngak jeng bruk patagok kinh tế di bhum bhapbini bangsa takik kan kandah./.