BA RIA - VUNG TAU KHANG HATAI PEIH BRUK PADANG NGAK JALAN CAO TỐC AVAL JANG TUKVAK BA TABIAK
Thứ năm, 00:00, 25/05/2023 Urang lang: A.N - THU THAO Urang lang: A.N - THU THAO
VOV4.VOV.VN - Tỉnh Bà Rịa - Vũng Tàu kuhria peih ngak danak dak binah 3 dalam danak dak jalan cao tốc Biên Hòa - Vũng Tàu vaktu 1 di harei 18/6, suai jang jaik 2 bilan dut haong harei 30/4/2023 bo Bà Rịa - Vũng Tàu ba tabiak dahlau di nan.

Kadha vak “Bà Rịa – Vũng Tàu khang hatai peih bruk padang ngak jalan ngak cao tốc avan jang tukvak ba tabiak dahlau” di urang vak Lưu Sơn, daa mikva saong taong abih gauk tui pang.

Danak dak jalan cao tốc Biên Hòa - Vũng Tàu binah ka 3, nao tapa tỉnh Bà Rịa - Vũng Tàu atah jaik 20km. Dalam nan, jaik 4km dalam ban Bà Rịa, karja labik ini hu mbaoh tangin brei buh tabiak pok jien ba-yar abih ka 107 baoh sang saong kapul nyaom, ngan haong yaom jien labaih 288 tỷ đồng.

Ong Trần Thanh Dũng, akaok UBND ban Bà Rịa brei thau, piah oh pambak tal quyền lợi di bhap bani, meng akaok mereip karja palei hu pambuak bruk haong ban sit Phú Mỹ pah 2 jabat tư vấn độc lập piah pasang iek taneh jaik taphia, khik ka yaom taneh laghaih haong 2 puk palei. Ban Bà Rịa jeng hu peih bruk padang ngak hạ tầng labik daok bahrau 18 ha di xã Hoà Long ngan haong 639 lô, taduan hu bruk njauk hatai di bhap bani. Ong Trần Thanh Dũng brei thau:  "Khaol dahlak hu peih ngak danak dak ini dalam 2 xã bo jalan cao tốc nao tapa, hu 149 baoh sang gam tal saong taong abih mikva  jeng pachreih tui, caong khin danak dak samar hu peih ngak njauk  tukvak. Yau nan min, bhap bani jeng caong khin karja pasang iek ba-yar jien, pasang iek bruk ba brei labik daok bahrau laghaih ka bhap bani dalam tukvak anak tal".

Urak ini ban sit Phú Mỹ jeng daok 372 baoh sang saong kapul nyaom oh ka hu mboh tame jalan ngak piah ba-yar jien. Dalam nan hu rilo sang daok tavak tave brei hu UBND xã, phường, jabat ban ngành pabak harak gar.

Tui Mban khik ramik danak dak jalan mbak labik Cái Mép - Thị Vải, mban ini daok kham merat pambuak bruk haong dua puk palei, dom jabat, ban ngành pambuak pagam tal piah peih talaih dom tavak tave, kan kandah pambuak pagam tal bruk  mek gilac veik taneh piah jhul samar tukvak, kham merat peih bruk ba-ayar jien saong jao brei mbaok taneh piah ngak jalan.

Ong Nguyễn Văn Trình, Akaok mban khik ramik danak dak jalan mbak labik Cái Mép - Thị Vải brei thau, cao tốc Biên Hoà - Vũng Tàu lac danak dak prong di taneh aia hu Thủ tướng Chính phủ mboh tangin. Urak ini dom jabat pambuak pagam tal di tỉnh Bà Rịa - Vũng Tàu daok kham merat pambuak bruk haong dom Mentri, dom gah di Trung ương peih bruk mek veik mbaok taneh, mboh tangin tame danak dak piah meda peih ngak njauk di harei 18/6 tal, dahlau jang tukvak di Sarak 90/2022 di Raja-ei ba tabiak: "Piah ngak hu bruk ini, brei hu bruk ba tangin tame di dom jabat pambuak pagam tal, dua puk palei: Ban Bà Rịa saong ban sit Phú Mỹ, bruk pachreih tui di mikva hu taneh njauk ba-yar jien piah ngak jalan. Praong jang nan lac bruk tacei pato khang di Raja-ei, Thủ tướng Raja-ei, Mentri Jalan mbak pajeng ba jeng yau Tỉnh uỷ, UBND tỉnh Bà Rịa – Vũng Tàu".

Ong Nguyễn Công Vinh, Phaok akaok UBND tỉnh Bà Rịa - Vũng Tàu brei thau, danak dak jalan cao tốc Biên Hoà - Vũng Tàu tuk salah blaoh meda ngak jeng bruk  samu gauk angaok jalan cao tốc Bắc - Nam di gah Timur. Meng nan nyu pandar hu siam di abih mblang kapal haoh dunya Long Thành jeng yau patagok pren khang kinh tế pabah lamnge, du lịch, logistics… di Bà Rịa - Vũng Tàu. Ong Vinh ndom lac:  "Hadei di tuk hu Quốc hội, Rajaei saong Thủ tướng Raja-ei mboh tangin tame dự án, brei bruk ka Bà Rịa – Vũng Tàu, ye khaol dahlak hu patabiak jalan ngak cambaih laih, jao bruk cambaih laih ka yaok gah, yaok jabat saong puk palei. Gam haong nan, pasang iek biak catang tukvak ngak, khik kajap dom adat peih ngak danak dak tui bruk ba tabiak, peih bruk padang ngak danak dak tui tacei pato di Raja-ei".

Cao tốc Biên Hòa - Vũng Tàu hu caong lac daong patrun trak damak ka jalan roya 51, daong pajeng ba pandap panda hu mbuan lagaih, pandar hu siam di abih pabah lamnge Cái Mép - Thị Vải (công suất bahrau mek hu tok 40%). Bruk ngak salah jalan cao tốc meda hu daong pambuak pagam jalan nao mai ka Bhum kinh tế prong gah Meraong saong labik ngak kong tỉnh Đồng Nai, cak rok patagok bruk rivang ma-in Bà Rịa - Vũng Tàu, pabak jang pren khang gah kinh tế./.  

Urang lang: A.N - THU THAO

Viết bình luận

TIN CÙNG CHUYÊN MỤC