Ong Điểu Gây, bhap bani daok di palei Bình Lợi, xã Nghĩa Bình, rilo thun ini mai njauk daok dalam baoh sang taik tahak. Oh hu bruk ngak tani tanat, hadiuk pasang di ong njauk nao ngak pah piah duah jien raong dua urang anek sit. Bahrau ini, baoh sang di ong hu dom pakat karja palih ruah piah daong ngak sang tui danak dak palahik sang tadai tuan, sang taik tahak. Tal harei ini, baoh sang pambuak pagam hu padang ngak blaoh blai. Ong Điểu Gây khan brei thau: 

“Ndua tal phuan karja hu padang ngak brei ka dahlak akau hu sa baoh sang piah pacang pandiak, pacang hajan, ngak brei pabak pren khang piah ka baoh sang dahlak ngak mbang pdang angui. Dahlak oh thau ndom hagait tra, ndua dhal phon karja hu daong ka sang dahlak hulin." 

Ong Nguyễn Văn Lưu, Phaok Akaok UB Bhap bini huyen Bù Đăng, tinh Binh Phuoc brei thau, puk palei hu roh duah saong likau adat panuac di tỉnh padang ngak sang pambuak pagam, sang kadai tuan daok ka dom baoh sang. Yaom ini lac sa jalan ngak oh ka hu ngak dalau, karja puk palei jeng kham merat "saneng kuhria" ka nyu cambaih laih dalam yaok bruk peih ngak.

“Tuk tinh njauk hatai brei padang ngak sang pambuak pagam, bruk ngak ini oh ka hu ngak meng dahlau mai, yau nan ye meng harak ba-ar bayar jien tal baoh sang ngak iek jeng lac sa bruk ieik hatai. Tui di nan, khaol dahlak hu brei mboh dom kan kandah saong peih ngak iek di dom labik, kuhri kuhria jien ndo yau habar ka nyu laghaih haong tanut brei adat di tinh. Hadei di baoh jeng siam mekre ngan haong bruk ngak iek, khaol dahlak meng khang hatai pambak praong tabiak”.

Baoh jeng siam mekre mek hu tuk 202 baoh sang tadai tuan daok, sang taik tahak hu huyen Bù Đăng pok jao ka bhap bani dahlau di harei 30/4 bahrau tapa hu brei mboh ka baoh jeng siam mekre di jalan ngak ini. Oh ta-eng hagait di Bù Đăng, huyện tapen negar Bù Đốp jeng mek hu baoh jeng siam mekre dalam bruk palahik baoh sang daok yau tadai tuan, sang taik tahak, gam saong 102 baoh sang brei ka urang kathaot, urang jaik kathaot saong baoh sang mbang sarak karja. Ong Nguyễn Mạnh Cường, Phaok akaok Uy mban MTTQ Viet Nam xa Thiện Hưng brei thau, jaik abih dom baoh sang bahrau jeng hu peih ngak praong jang adat hukum ba tabiak kayua hu bruk rik daong di taong abih bhap bani:

 “Dom jabat gah karja, kapul nyaom hu daong dak tuk dak ralo jang harei ngak. Jak ba dom urang ngak mbang blei salih daong brei mbluak ka sang lakau dang blei kiak, blei xi mang,ndap nda  padang ngak piah ka mikva hu sa baoh sang siam gheih piah daok.”

Ong Hà Anh Dũng, akaok Uy ban Mat tran Negar Viet Nam tinh Binh Phuoc khang panuac lac, dom baoh sang bahrau oh sa janih lac labik daok blaoh nyu daok ieu lac sa kadha peih akaok ka sa raidiuk harei hadei hadah hadai jang gam saong  dom baoh sang:

 “Dahlak mboh lac, bruk sangka ka dom baoh sang mbang tui sarak karja, urang kathaot, urang gaok kan kandah saong tong abih urang kurang prein ieu lac metui mejua nan lac sa bruk bhian ngak njauk ngak, hu peih ngak gam gam, blaoh oh njauk lac khaol drei bui sambai khan brei thau ka baoh jeng siam mekre tal ini blaoh padeih."

Gam saong 765 baoh sang anit ranam hu padang ngak blaoh, tinh Binh Phuoc hu vak cih jeng sa dalikan siam gheih ka bruk klah rabha saong ba hatai tangung javap dalam bruk ngak. Ini oh njauk lac sa janih hu baoh jeng siam mekre di dom jalan ngak hadah krah saong hatai kham merat biak glaong, blaoh nyu daok ieu lac sa prein khang piah ka Bình Phuoc patui veik bruk ngak brei ka raidiuk an sinh xa hoi, ba mai sa raidiuk siam gheih jang brei ka bhap bani./.