Dom kadha adaoh dai nyu bhian sahnang pang mai meng panuac ndom mayai biasa harei hrei mai meng panuac pandit panuac yao take jao ba meng rai dalau tal rai ini. Tui adaok dai urang bangsa Khmer, ragam ragu nyu bhian panak, madeit madeit pang biak bingi. Kadha adaoh ru di urang bangsa Khmer bhian peih akaok meng panuac: “Anek lei anek ndih” atau “Kamuan lei, juai hia”... adaoh brei piah anek anaih ndih, mbuan si ndih.

Isi kadha adaok dai pang bingi jamen, panuac pato kakei gheih ghang di urang praong brei ka uranaih. Panuac nyu mbuan si pang mbuan si dar mbuan si ndom, dui ba meng jaman dahlau mbiah tal ini.

Sa-ai Sơn Thị Diệu, Phaok Akaok Kapul Ilamu – Van nghe baha Pak Mbaok, xa Thuận Hòa, ban Can Tho, brei thau:

“Meng di sit drei jeng hu pang adaoh ru, pang amaik adaoh dai ka adei ndih. Tal hu pasang hu anek drei jeng adaoh dai ka anek ndih. Drei mboh adaoh dai oh sa janih dai ka anek ndih bloh nyu daok yau ye panuac pakei pato padar panuac gheih ghang pang tui ong kei muk mei.”

Adaok dai ieu lac sa janih ragam biak krah, adaoh ru hu ralo kadha yau ye: adaoh papok glaong hatai ranam taneh ia nagar, Ndang, Wa Hồ uranam, pachreih bac magru ilamo ngak bruk.

Piah hu dom panuac adaok dai gheih ghang ini, urang neh nyu pan hu cambaic dom baoh panuac ndom sap puac njauk lagaih dalam bahsa urang bangsa Khmer. Jeng ye urang adaok dai thau ragam ragu di nyu meng neh hu kadha adaoh dai adaoh ru bingi pang. NSƯT Lâm Tấn Thê, Kapul Nghe thuat Khmer ban raya Can Tho, khan brei thau lac:

 “Kadha ragam halei jeng hu ragu karei di nyu. Min ragam adaoh dai ndam bak dom anit ranam. Drei ba hatai tame dom ragam ragu tuk adaok dai, tame ragam ragu – adaoh ma-in yau habar brei ka anek ndih – oh njauk ngak ka nyu madeih.”

Njauk ndom mayai lac, adaok dai ieu lac sa janih gheih ghang brei ka anek kamuan ndih jeng ye nyu brei thau dalam nan ralo ialmu brei ka bac magru anit ranam nagar taneh ia palei pala bhum bhok ilamu brei ka bruk ngak mbang daok dang. Adaoh dai yau ye suan yava anit ranam bangsa taneh ia nagar brei ka pato adat khik cambat, daong khik kambuan khanat, ilamu daok dang brei ka uranaih. Min lac, di jaman bahrau tamuh ralo baoh kadha tapuk sarak gar mai meng langiu nagar, dom kadha adaoh dai jeng ye dom janih ilamu karei di bangsa Khmer dak tuk dak jua lahik.

Mboh hu dom bruk kadha nan, dom dam dara dalam Kapul Ilamu – Van nghe baha Pak Mbaok caik hatai gam tame pasram adaok dai, pasram padar dom kadha adaok dai meng kan dahlau caong khin khik hu dom baoh kadha ilamu di bangsa. Sa-ai Sơn Thị Diệu brei thau lac:

 “Dom mbang Kapul salah gah bruk kongti, bia hrei khol dalak tame baha, bac adaoh dai di urang Khmer, pan tangin khik ragam adaoh dai caga nyu lahik.”

Adaoh dai hu ralo janih kadha dalam raidiuk, meng dom ilamu kadha pato padar brei ka raidiuk. Adaok dai ru Khmer yau baoh gilang ilamu jaman mukkei caik mai, ilamu hu pataom meng lavik mai di bangsa. Dom ragam ragu meng baoh hatai baoh jai meng jaman halei mai di urang bangsa Khmer./.