Mban Bi thu Chi bo gam saong akaok MBan Khik iek puk Tây, xa Hoa Long, Ban Ba Ria, ong Nguyễn Phụng Hoàng Quân brei mboh, panduan salih lek taka so tok mek hu baoh jeng siam mekre tuk bhap bani jia saong ngak tui. Ngan haong hatai saneng yau nan, ong hu jalan ngak karei piah daong ka bhap bani di labik drei daok ba drei nao gam haong jalan nduac panduan salih so.  

Tapa tui dom mbang nyaom biai di puk, nyaom zalo, kapul nyom bhap bani, ong Quân peih ngak bruk pathau khan, tacei pato, jak ba mikva salih bahrau, panduan salih tapa pandar dom jitvu so. Tal harei ini, dalam puk hu jaik 90% bhap bani pandar phon jak, 95% urang pablei salih, baoh sang pablei salih halar hatian ba-yar jien oh pandar jien mbaok, labaih 70% bhap bani prong tagok hu tài khoản brei thau angan je intenet điện tử saong 75% mboh tangin tame pandar tut mbaoh tangin meng lek taka so. Dalam puk daok dak padang 12 nyaom Zalo tui tổ bhap bani ngan haong labaih 760 baoh sang hu mbaok tame duah thau thong tin yaok harei. Ong Quân khan brei thau: 

“Tapa dom nyaom zalo di dom kapul bhap bani, Chi hoi kapul nyaom piah khan brei thau ka dom bruk ngak pambuak pagam tal panduan salih số brei ka mikva. Langiu di nan, puk daok pambuak pagam haong urang jarka xa nao jak ba mikva, urang pablei salih peih ngak tui jalan ngak oh pandar jien ba-ar.”

Daok di khu pho Hai Binh, ban sit Long Hai, huyen Long Đien, bà Trịnh Thị Trang, Bi thu Chi bo, Akaok Khu pho, ye jak ba bhap bani panduan salih so meng dom bruk ngak mek hu baoh jeng siam mekre. Tui amuk Trang, ndom ka bhap bani thau cambaih laih nan lac mbuan, min piah ka bhap bani jia saong ngak tui ye njauk caong khin hu baoh jeng siam mekre hu mboh di meta. Kayua yau nan ye, meng harei akaok mereip peih ngak bruk panduan salih so thun 2025, amuk Trang hu peih ngak bruk ginum biai bhap bani di labik daok. Langiu di nan, amuk Trang daok pachreih dom Urang dang akaok Tổ kapul bhap bini dalam ban ngak dahlau, hadei di nan padang dom kapul nyaom daong gauk panduan salih lek taka so tu yaok labik daok di bhap bani:

“Khaol dahlak tacei pato saong pathau khan brei ka dom anai cei dang akaok jeng yau kapul lek taka so, dam dara di khu phố dahlau ka bruk pandar app VneID. Tuk dom cei, anai di khu pho hu patacei saong peih ngak ka drei dahlau hadei di nan peih ngak dalam baoh sang, bhap bani labik daok.”

 Ong Ngô Quý Dương, bhap bani khu pho Hai Bình, ban sit Long Hai, huyện Long Đat khan brei thau, taom gaok ilamu bahrau dalam bruk panduan salih số nan lac sa vaktu, caong khin bhap bani njauk peih ngak saong ngak tui.  

Yaom lac oh ka naih jioi gah ilamu min rup ong saong dom urang dalam sang thei jeng bui sambai kayua hu puk tacei pato abih hatai.

Ong Dương khan brei thau, oh ka tuk halei bruk panduan salih lek taka so gilac pandiak, gilac siam gheih yau urak ini. Dom bruk sit di abih yau mboh tangin meng akhar ký so, oh pandar jien mbaok, ngak tantu angan ndien tu tanat 2... hu peih ngak tal dom puk palei. Taong abih manuac sia khan brei ka gauk thau ka bruk dak padang sa rai rah so piah gam gauk yam tame sa tuvak bahrau:

“Khaol dahlak hu karja puk palei peih tal bac, nyaom biai saong ndom mayai biai nao mai, pang nan ye tal tuk peih ngak nan lac biak uan tabuan. Ka sa, bhap bani taduan mek hu ilamu bahrau, yang ka dua nan lac bhap bani thau cambaih dom jalan ngak, asal kadha anak tal meda hu pandar tapa mbaik phon, ilamu bahrau nan ye bhap bani thei jeng bui sambai.” 

Tui urang pal akaok tinh Ba Ria - Vung Tau, pambak prong dalam bhap bani nan ieu lac sa asal kadha piah panduan salih lek taka so mek hu baoh jeng siam mekre, bruk ini peih mbaok meng bruk dak padang hatai jia, dui bhap bani taom gaok haong ilamu bahrau. Bruk ngak ini daok pambak prong tal khu pho, puk palei, ngak brei ka bruk dak padang karja ndien tu mek hu baoh jeng siam mekre saong paglaong rai diuk ka bhap bani./.