Long An caong pandar dom kein lagaih di labik daok tapak di pabah jalan tame Ban raya HCM, tuai damuai oh njauk nao atah bo jeng meda ba drei tame ma-in du lịch kraong ia ndung bak ilamo di Bhum taneran kraong Cửu Long. Kadha di Nguyễn Quang – urang cih vak di rayo sap ndem Viet Nam daok di Ban raya HCM:

Long An ieu lac bhum taneh hu rilo kein lagaih piah patagok jirah main du lich kayua hu dom kein lagaih di langik tasik biak siam gheih ngan haong 2 baoh kraong praong (yau ye kraong Vàm Cỏ Đông, Vàm Cỏ Tây). Tỉnh daok hu dom labik ma-in jirah hu angan di bhum Đồng Tháp Mười yau ye: mblang hamu praong, palei ndon angak ia di Tân Lập, Labik daok brei khik ramik taneh ia dauk Láng Sen… Dom labik ini daok halain hatain caga raok tuai mai ma-in jirah di tuk masa raya Tết Nguyên đán thun 2023 ini.

Gah jirah main du lich di ini hu daong dom labik main ngak salah blaoh, paglaong dom janih piah daong ka tuai damuai mai main hu dom mbang ba drei tame ma-in bui siambai di abih, brei ngak dahlau dom bruk peih ngak dom siam gheih di ilamo di rahra. Ong Phạm Ngọc Trí, Yam ndok Công ty Du lịch Tháp Mười, brei thau lac:  "Langiu di bruk dom kein lagaih hu blaoh di palei, di ini jeng hu peih ngak dom labik parang iek danao bingu phao, bingu caraih piah ka tuai damuai maong iek saong mek thaot binguk, blaoh caga ka dom labik mblang padai, pulao cim piah ka tuai mai iek… dom tuai damuai dalam negar urak ini jeng tut angan mboh rilo, dom tour ka tuai damuai langiu negar jeng mboh hu peih gilac akaok mai'.

Mai tal Long An tukvak masa raya tet urak ini, tuai damuai daok hu ba drei tame raya tết palei pala, pambuak haong bruk pala drak di urang ngak nong. Thun ini, sa dalam dom bruk njauk mayai di jirah du lich Long An lac danak dak mbang dom kaya nong angan je kayua gah ngak nong saong gah jirah du lich pambuak gauk peih ngak. Tui ong Nguyễn Văn Hiển, Akaok HĐQT Công ty Chanh Việt, doanh nghiệp peih praong di Labik du lich Chavi Garden: dom urang ngak du lich gah ini daok kham marat pambuak gauk, pambuak dom tour jirah main du lich, piah ka tuai damuai pilih ruah labik tal Long An dak harei dak rilo jang: "Kol dahlak hulin hu prein khang, hu bruk pambuak di dom công ty lữ hành… Dom labik du lịch urak ini, kol dahlak biak jumpataom gauk piah gam saong gauk cak rok patagok tỉnh Long An. Kol dahlak caong lac dom bruk ngak bahrau, ini lac sa bruk ngak bahrau dalam bruk cak rok patagok du lich di tinh Long An di tukvak anak tal".

Piah drah samar peih bruk pachreih, pasiam gah du lich, yau ye pachreih hu rilo tuai damuai mai, ba kein laba piah ka tuai damuai mai tal Long An, gah jirah Du lịch tỉnh jeng hu dom bruk ngak daong ka doanh nghiệp du lịch padang ngak danak dak bruk ngak; pasiam veik labik tal saong jhul khang bruk yaih khang, peih ngak dom pandap panda du lich hu brei thau lac biak siam makre, bui sambai, pachreih hu rilo tuai damuai abih di dalam  tuk Tết Nguyên đán thun sak tapai ini.

Dom tour, dom gah du lịch pambuak haong dom labik jirah ma-in du lịch hu blaoh, hu ngak bahrau meng rilo bruk ngak. Ngan haong tour bahrau, Pasak Pachreih bruk Du lịch Long An hu paglaong bruk yaih khan thaot binguk; pambuak haong dom doanh nghiep pabak dịch vụ saong pambuak bhum palei piah padang ngak labik tal. Ong Nguyễn Anh Dũng, Yam ndok Sở Ilamo, Thể thao saong Du lịch tỉnh Long An brei thau lac: "Long An daok pataom tame bruk du lich gah kraong ia sinh thái, padeih padai saong ba drei tame, ini lac prein khang di Long An. Ngan haong dom danak dak siam lagaih hu caga dahlau biak tani tanat, iek praong yaok bruk ngak. Dahlak jia lac tuk tuai mai tal pak ini meda mboh bui sambai, takre di Long An, di thaot bingu, di anek manuac di Long An saong takre pachreih haong bruk bui sambai di rahra pak ini. Jia lac meng nan meda hu bruk yaih khan tal parilo tuai damuai".

Long An biak gheih, siam makre ngan haong 2 baoh kraong Vàm Cỏ Đông saong Vàm Cỏ Tây biak makre… daok ieu lac sa labik njauk mai rivang jirah di tuai damuai atah jaik. Long An biak siam makre, kaya mada, thau hatai takre di tuai damuai ngak haong dom labik du lịch sinh thái, ba drei tame tuk pataom tame buh jien tame ngak tani tanat, caong lac meda khik hu takai di tuai damuai di dalam tukvak masa tabung glaong di du lịch raya Tết thun ini./