Ong Thường Xuân Hữu, umo labaih 60 thun, daok di palei Lạc Trị, xã Phú Lạc, lac Sư Cả di palei  Chăm ni. Ong oh lac iek glang ka anek kamuan dalam sang, but pajaih bac daa naih joi, jeng urang hu kein laba ka boh sang song XH, ong dok pachreih ba mik va dalam palei pasiam veik kan kandah iek glang bruk bac daa di anek kamuan tal labik tal dhua. Yaom lac KT boh sang dok kan kandah, yaok harei nao ngak mbang pah… min 4 dalam 6 urang anek di ong urak ni bac tamat Đại học hu ngak bruk di tỉnh song huyện. Tui jalan pachreih bac di sang ong, rilo urang nong kan kathaot dalam palei, xã hu boh sang, but pajaih dong, pachreih ba jeng kham merat patak patom jien ndua, rong anek bac daa jeng menuac jeng urang . Meng bruk “ Boh sang pachreih bac” dom thun jiak di ni, anek saih dom pakat dalam xã  nao bac hu labaih 98%, khik hu tanut chuẩn pakat negarka bruk phổ cập pato pakai tiểu học, xóa mù chữ song   phổ cập trung học cơ sở. Anai Lý Thị Kim Loan, gru pato sang bac tiểu học Lạc Trị hu 20 thun ngak gru pato, lac sa urang gru pato bangsa Chăm joi pakat tỉnh song pakat negar brei thau: Langiu di dom ilamu pato pakai, salih bahrau jalan pato song bac, njauk ngak brei pachreih bruk bac da-a di uraniah, dom anai gru tuk halei jeng ba chreih chrai piah pachreih dom adei nao tal sang bac.

Urak ni, anek kamuan di xã Phú Lạc hu rilo menuac lac urang jakar di xã, huyện song dom pakat khoa học meng tỉnh tal puk plaei. Langiu dom sang bac hu  padang ngak khang kajap, bhap bini xã Phú Lạc dok hu rik daong yaok pluh triệu đồng gam song karja padang ngak sang ilamu xã song labik sinh hoạt bhap bini di palei ilamu, palagaih ka bhap bini mai sinh hoạt, duah thau, bac daa, ginum biai bruk ngak mbang song POK MEYAOM, pambak prong dom kreik camin cei gru, anai gru pato jo, anek saih kan kathaot bac da-a naih joi song dom boh sang, but pajaih pachreih bac, piah jhul pakhang bruk bac megru di xã./.

Tấn Hùng – Báo QĐND