Dom urang dahlau thiah ngak bol lin bangsa S’tiêng oh tadhuah lah anak eik kathaot

-Yam tabiak meng mesruh metak veik mai sang, ông Điểu Minh Đoàn daok di palei 7, xã Long Giang, ban sit Phước Long, tỉnh Bình Phước daok dalam baoh sang taik tahak  saong sa hecta beir. 7 urang dalam sang ông Đoàn oh hu bruk ngak tani tanat. Kan kathaot, eik lipa tuk halei jeng daok dalam baoh sang taik tahak di ông.
 
-Meng hu pachreih ba di kapul urang dahlau thiah ngak bol lin ban sit Phước Long saong dhar kapul urang dahlau thiah ngak bol lin palei  7, thun 2011 ông Đoàn hu mesraiy 35 triệu đồng meng kadung jien di Hội, buh tabiak blei 2 drei limo saong 600 phun pajaih cao su. Hadei di 6 thun ngak mbang tari tarieng, urak ini ông padang hu sa baok sang trak, beir cao su hu  8 sào, yaok thun mek jien tame dom pluh trieu dong. Ông Đoàn brei thau: dalau thiah, tuk bilan cang yuak lac eik, meng bruk tacei pato abih hatai di urang jakar pachreih nong saong kadung jien mesraiy di Kapul urang dahlau thiah ngak bol lin, sang dahlak meng hu yau urak ini. Ndua dhar phuan pakat angaok rilo. Urak ini drei tok thau ngak mbang. Hu mbaok tame bruk di Hội saong dom adei saai. 

-Tuk mblang mesruh Tây Nam gindang jua sap phao jeng lac tuk urang dahlau thiah ngak bol lin Điều Chanh veik mai libik ndih tapui tabiak di palei Thác Dài, xã Phú Văn, huyện Bù Gia Mập, tỉnh Bình Phước saong rup pabhap hu dom vet thương kayua bom đạn di kol kamang.

-Raidiuk kan kandah urak ini kan kandah rilo jang di urang thương binh 2/4 ini. Meng bruk kham merat di drei, ông Chanh dak harei dak ba raidiuk kinh te sang  dak tagok. Urak ini, meng mo hinh beir – danao – var raong saong labaih 2 hetca paok blait, raidiuk di ông Chanh yaom lac oh ka meda min ginup raong 3 urang anek mbang bac. Ông Chanh lac: 

Yaom lac dalam rup jeng daok rilo vet thương kayua mesruh metak, bhian ruak kik, min maong dom urang anek thei jeng takre bac, drei njauk kham merat. Drei mek katut raong atah, pandar abih dom hagaity daok hu di bhum taneh drei piah duah pataom, ngak mbang kinh te

-Tỉnh Bình Phước urak ini hu labaih 2.700 urang dalhau thiah ngak bol lin lac urang bangsa takik, meblah labaih 10% abih tih hội vien dalam tỉnh. Dalam nan hoi vien kathaot urang bangsa takik hu jaik 200 sang. Piah daong dom hoi vien patrun kathaot yam tagok dalam raidiuk, Kapul urang dahlau thiah ngak bol lin tinh Binh Phuoc  hu apdang Kadung jien daong gauk yam tapa kan kandah, “Kadung jien kayua đồng đội …, hu yaok pluh ty dong. Meng kadung jien ini, dom pakat kapul hu brei ka hoi vien kathaot mesraiy piah patagok ngak mbang. Langiu di nan, kapul daok pachreih dom hoi vien daong gauk phun pajaih, harei ngak, pablei vat tư ngak nong bayan jien suai; pachreih hoi vien salih jalan sahanneg, salih phun plaa kaya raong, khang hatai dau tu, pandar alamu ky thuat tame ngak mbang pala drak. Ndom ka bruk kham merat yam tapa kan kandah di dom urang dahlau thiah ngak bol lin lac urang bangsa S’tiêng, ông Lê Đức Hùng – Phó aakok kapul urang dahlau thiah ngak bol lin tỉnh Bình Phước brei thau: 
     M: nan lac dom greih camin yam tapa truh kathaot. Tal urak ini  sang kathaot, sang jaik si kathaot dalam kapul urang dahlau thiah ngak bol lin duk saong 4 kapul karei lac kapul urang dahlau thiah ngak bol lin hu ty le bair abih lac 0,84% dalam tỉnh hội. 

-Yaom lac yaok urang hu raidiuk karei di gauk, min dom urang dahlau thiah ngak bol lin dalam tỉnh jeng lac talei pambuak bruk di karja puk palei saong phum sóc urang S’tiêng. Yaom lac daok rilo kan kandah saong rilo glaih glan dalam raidiuk, min meng hatai oh taduan lah kan kathaot, eik lipa, dom urang dahlau thiah ngak bol lin lac urang bangsa S’tieng tuk halei jeng pachreih ba gauk dak padang raidiuk dak harei dak ginup meda jang./.