Urang dahlau thiah ngak bol lin mek jien tỷ meng beir đồi

       
        Taneh riya siam, anek menuac tari taireng hu ngak ka bhum taneh Chiềng Ban, huyện Mai Sơn, tỉnh Sơn La hu rilo  tỷ phú. Dalam dom urang nan, greih camin hadah trah saong rilo urang thau tal lac urang dahlau thiah ngak bol lin Đặng Đình Thị daok pak bản Hoa Mai. Raong glang limo, pala cam, quýt, thanh long, uis pablak saong beir cà phê praong 4 héc hu brei ka sang yaok thun jien mek tame jaik 2 tỷ đồng. Thanh Thủy, urang vak di rayo sap ndom Viet Nam daok di bhum Tay Bac hu kadha vak khan ka mo hinh ngak kinh te di urang dahlau thiah ngak bol lin ini. Daa mikva saong grauk yut tui pang:

-Bruk ngak kinh te di sang ông Đặng Đình Thị jeng rilo glaih glan. Akaok mereip phun tangei lai VNL10 lac phun hu sang pilih ruah piah patruh kathaot. Hu dom thun hadei lac tamuh phun tabau saong ông Thị drak samal salih tapa pala tabau nguyên liệu ka sang mac saradang. Oh ka sumu bui sambai ngan saong dom paok jien mek tame barau lac phun tabau pak Chiềng Ban gaok kayaih jhak di ia takon, sang mac saradang Sơn La oh blei sumu, tabau dak jeng mbuk ye mbuk nyuh dalam hatai pandik harao di dom po beir.

-Njauk ciuk salih phun pala, sahaneng kuhria tani tanat jang, ông Thị rabha taneh beir tabiak jeng rilo lô, sa canah taneh pala tangei daok veik rilo lac pala phun cà phê, min hu caik taneh piah pala phun mbang saong pambuak pagam raong glang: Akaok mereip lac ngak tui jalan salih phun pala kaya raong bo anek limo jeng raong siam di puk palei, yaom kinh te glaong bo di mikva puk palei nan yau ye sa drap ar.

-Camereip ông Thị tok pilih ruah raong 4 drei limo binai saong meng nan raong tagok tapol. Min, tuk tapol limo tagok tal 10 drei blaoh jeng 40 drei lac kaya mbang ka anek limo jeng sa bruk glaih glan kayua glai hu po blaoh yau nan ye mblang raong athur palao oh hu daok. Caong khin raong rilo kubao, limo tok meda raong kareik dalam var saong njauk klak takik taneh pala cà phê piah pala hareik raong limo.

- Công nghệ pruh ia ngak tatahk taneh pala hareik raong limo, ông Thị hadar veik: hu kapul urang nong saong dom urang jakar pachreih nong pasram, ba nao rang iek dom mo hinh kinh te kein laba rilo mbang saong mboh cong nghe pruh ầm di Israel, sang hu khang hatai likau ngak meng tuk nan.

-Hu công nghệ pruh  ẩm, sang ông Thị pandar oh lac di taneh phun mbang baoh, phun cà phê bo daok ba tame taneh pala hareik.  

  -Hu pruh ẩm gam oh hao ia bo lac dalah hareik yaok thun, ông hu patagok tapol limo binao tal 35 drei. Thun 2015, ông pablei hu jaik 20 drei limo anek dom janih. Thun 2016, dom drei limo anek tagok tal 23 drei. Kuhria  jien mek tame thun dahlau hu jaik 2 tỷ đồng meng raong glang gam pala drak, tagok 3 mbang duk saong thun 2013 saong dua mbang duk saong thun 2014.

  -Dalam bruk ngak mbang, ông Thị ba brei bruk ngak gam gam ka 20 urang. Langiu nan, di 3 thun tapa, ông Thị daok daong tapak ka 6 sang dalam bản Chiềng Ban patruh kathaot meng dom alamu ngak mbang kheih, daong pajaih, jien saong raong limo binai. Ông Hoàng Văn Sương, Phó akaok Ủy ban bhapnini xã Chiềng Ban brei thau: Sang saai Thị hu khang hatai dak padang var raong piah raong limo. Hadei tuk raong limo patagok hu pandar khak piah pala phun hu múi. Ini lac sa urang hadah trah khang hatai buh jien tame ngak mbang patagok di xã Chiềng Ban. Urak ini, kol dahlak daok pathau khan, jak ba dom bản khang hatai pambak praong mô hình ini./.