Baoh kayau hu rilo saradang janih fructose saong sucrose, meda ngak brei tagok saradang dalam rup pabhap. Mala ini lac dom janih baoh kayau hu saradang takik jang saong hu chi so đương huyet (GI) bier, lac bruk pilih ruah siam, lagaih  ka urang ruak ma-ik saradang.

K1. Dom janih baoh kaduh lapih, lac siam ka urang ruak ma-ik saradang

Dom janih baoh kayau kaduh lapih yau ye dâu tây, baoh mâm xôi, baoh việt quất… hu takik saradang saong rilo chất xơ, nan ye lac bruk pilih ruah siam ka dom urang ruak ma-ik saradang. Dom janih baoh kayau ini hu saradang bier jang dut saong rilo janih baoh kayau karei.

K2. Baoh anh đào

Baoh anh đào jeng hu biak rilo dinh dưỡng, hu chi so đương huyet bier, hu rilo janih pacang veik oxy hóa saong chất xơ... hu kakei pandar ka urang ruak ma-ik saradang. Anthocyanin dalam baoh anh đào nyu hu prein pacang oxy hóa, daong ka dom urang ruak ma-ik saradang pasang iek hu saradang dalam darah saong patrun bruk pacang veik haong insulin. Nyu biak bingu cambuai, siam ka urang ruak ma-ik saradang.

K3. Baoh đào

Đào lac janih baoh bingi, hu rilo chất xơ, vitamin C, vitamin A saong kali... Bhian mbang baoh đào meda daong ngak brei trun katal, brah, tagok prein pacang ruak saong siam jalan tung pruac. Bao đào nyu yamen min saradang dalam baoh biar, lac siam ka urang ma-ik saradang.

K4. Baoh mận

Mận lac sa dalam dom janih pandap mbang siam ka urang ruak ma-ik saradang. Chất xơ glaong dalam baoh mận daong pasiam ka jalan tung pruac saong bruk ngak yaok harei di tung pruac, daong ka jalan tung pruac hu khang kadang, pasang iek hu teik trak meng bruk ngak ka drei mboh trei. Mận hu rilo vitamin, pacang hu oxy hóa, hu takik saradang saong rilo janih chất xơ, daong pasang iek hu saradang dalam darah.

K5. Baoh mơ

Baoh mơ lac sa janih baoh kayau takik saradang bo dom urang ruak ma-ik saradang meda pabak tame var mbang di drei yaok harei. Mơ jeng lac janih baoh hu rilo chất xơ saong vitamin A saong C.

K6. Nho

Yaom lac nho hu saradang glaong jang dom janih baoh kayau karei min nyu jeng meda ba tame var mbang ka urang ruak ma-ik saradang di tanut mbiah. Njauk pilih ruah var mbang sit jang saong pambuak nyu haong haong protein atau janih limek siam piah daong tani tanat dom saradang dalam darah.

K7. Tamekai

Tamekai hu chi so d9uong huyet bier saong hu rilo ia, daong pabak ia ka rup pabap. Tok caik hatai tal dom janih pandap mbang piah plaih mbang biak rilo, kayua dom saradang tamo hu dalam janih baoh ini.

K8. Baoh Kiwi

Kiwi lac janih baoh kayau hu rilo dinh duong, hu takik saradang saong hu rilo chất xơ, lac siam ka dom urang ruak ma-ik saradang. Nyu jeng hu rilo vitamin C saong dom janih pacang oxy hóa karei.

K9. Baoh uic

Takik calo saong rilo janih chất xơ, baoh uic meda hu tieu hoa suai saong njam tame suai kayua dom tế bào. Baoh uic hu vitamin C glaong jang 4 mbang dut saong baoh kruac. Langiu di nan, uic daok hu hàm lượng natri bier saong kali glaong. Dom janih dinh duong ini jeng hu kein dalam bruk paglaong prein pacang  ruak saong ngak patrun bruk mbuan tagok dom ruak mạn tinh.

10. Baoh lahaong

Mbang lahaong jeng meda ngak patrun dom saradang dalam darah. Janih baoh ini jeng hu flavonoid, lac sa janih pacang oxy hóa tự nhiên meda daong pasiam veik dom saradang hu dalam darah. Janih pacang oxy hóa hu dalam baoh lahaong meda pacang caga dom laka rambuac dalam tế bào, pasang iek hu teik trak khang kadang.

11. Baoh madar

Baoh madar hu rilo chất xơ, rilo janih dinh duong saong takik saradang fructose, madar lac sa janih baoh kayau biak siam karei bo drei meda buh tame var mbang di drei.

Madar hu gam chất xơ ralai saong oh ralai, daong brei mbuan nao ruak tain, daong ka drei trei suai jang. Chất xơ daok ngak suai bruk ralai pandap mbang tame saradang. Bruk nan hu makn alac saradang tame dalam darah hambang hasit saong oh ngak tagok dom saradang hu dalam darah./.