Tui Tiến sĩ, bác sĩ Trương Hồng Sơn, Phó Taong Thư ký- Akaok Viện Y học ứng dụng Việt Nam, dalam dom harei tết, dom urang njauk ruak gút atau ruak ma-ik saradang njauk caik hatai tal dom bruk hadei di ini: 

Pasang iek bruk mbang huak lac sa bruk hu makna praong ngan haong dom urang ruak ma-ik saradang piah pacang, plaih dom biến chứng kan kandah. Langiu di bruk mbang kiêng, daok brei mbang njauk tuk, mbang jeng rilo mbang sit piah plaih bruk saradang dalam darah tagok glaong hadei di tuk mbang, atau saradang dalam darah trun biak bier kayua tukvak di dom var huak nyu atah di gauk rilo. Njauk plaih atah dom pandap mbang hu rilo saradang njom tame samar yau ye bánh chưng, pei nung, ndiuk bu yamen, ahar mứt kẹo, baoh kayau bluh thu, (yau ye panat thu, vải thu, darang thu). Dom pandap mbang hu rilo lamek yau: ralaow lamek, ralaow caik laar, giò thủ, tung pruac athur, dom pandap mbang xào rán… Takik manyum alak mbia kayua alak meda ngak brei trun saradang dalam darah di urang daok taong ruak haong jru trun saradang dalam darah.

Urang ruak ma-ik saradang njauk pandar dom janih pandap mbang hu chỉ số saradang dalam darah bier, yau ye: Ngũ cốc daok tamo asar, brah haleik, bánh mì jhuk, bánh mì nguyên cám; dom janih njam oh hu tinh bột: baoh traong nde, cà rốt…; Dom janih baoh kayau yau ye madar, patei, karuac bhung, mận, lê, kiwi, baoh uac… mbang rilo baoh kayau, njam patam, ratak, ngũ cốc oh lac pabak ka rup pabhap dom saradang hu ba tame suai bo daok pabak dom chất xơ daong pasang iek dom saradang dalam darah.

Daok urang njauk ruak gút brei takik mbang tung pruac athur, dom janih ralaow bhong (ralaow limo, ralaow asaih, ralaow kubau, ralaow pabe); Kaya ikan, Nem chua; dom janih njam patam yau ye măng tây, rabung, bimau, giraok, dom janih asal ritak, dọc mùng, cải bó xôi, bông cải); pandap mbang hu rilo chất béo (lamek, kalik athur, pandap chiên rán) saong pandap ngak haong lamek (mì tôm, pandap mbang samar); Bánh chưng, dưa hành, ralaow caik laar …

Urang ruak gut tok mbang dom pandap hu hàm lượng purin bier yau ye dom janih ikan kraong, ikan hamu, ralaow mbong yau cada manuk hu hàm lượng takik purin, jeng meda pandar piah pabak chất đạm biak caong ka rup pabhap.

Mbang rilo njam patam, baoh kraoh hu rilo chất xơ: njam cải bẹ xanh, njam puan, njam ngót, kaduk njam luak, njam cải xoong, cà rốt, gấc, baoh traong nde, baoh ploi, tamun ia, baoh  tamekai, nho, madar, lê, baoh lahaong tathak gam takik tai purin, gam hu rilo vitamin C, E, biak siam ka urang ruak gút.

Mbang rilo baoh manuk ada, manyum ia tasau kayua pandap ini oh hu purin nan ye oh ngak jhak tal prein yava di urang ruak gút. Manyum takik di nyu 2 lít ia yaok harei, ia daong tathuak dom janih acid uric tabiak langiu meng jalan ma-ik saong patakik bruk pataom veik urat di dom labik dalam rup pabhap./.